متاهة رماد

المَـتاهـة (6)

" مَتاهة رَماد "

البارت الـ 6
مهم :- لا تنسون التصويت وتعلقون بين الفقرات🔴"

-
سَديت اذاني بِقوة و ما أحس غير شخص سحبني مِـن ايدي شوي شوي فتحت عيونـي ولكيته واكف كِـدامي وعاكد حواجبه ويرزل بيه

خَنچر :- بويههه اخخ انتِ شني مِـن فهاوة شايله هسه لو اندعمتي وين انطي وجهي وين اولي

ايڤ :- غير تروح دكول لاهلي شيصير بيك

خَنچر :- سُكتي يابه سكتي

باوعتله وهزيت ايدي .. واخذني مِـن ايدي ورجعنه للمطعم كعدت وراسي شوي فك ..
-
رجعنه للسياره جانت كوستر كُلش جبيره صعدت بنفس مكاني وكلهم رجعوا لمكاناتهم سقنة الطريق كربلاء جانت تبعد ساعتين ولا حسينه بـ الوقت ضلينه اني وايڤين نضحك ونشاقة

ايڤين اكثر مِـن الاخت عبالك امي تفهمني مِـن نضراتي واسراري عدهة واسرارهة عندي مِـن احنة مولودين سوه ويه بعض ..

ايڤين :- يلة مشمش حضري عباتج ولبسي حجابج وصلنه هنا مو مثل بغداد لازم رأسا تلبسين العبايه ..

لبست عباتي والحجاب نزلنه مِـن السياره
جانت دنيا ليل ضربني هوه بوچهي بارد ونقي كُلش ابتسمت ورحنه للحضرة جان المكان يرد الروح

وبليل فارغ زرنة براحتنه وصلينة بَـعدين طلعنة مِـن الامام واختاروا مطعم علمود نتعشى ..

تعشينة وخلصنه ورجعنه للكوستر وعمي كال

- راح نرجع للبَـصرة وعلى غير مره للنجف لان راح تمطر

لكل وافقوا الرأي لان جانت دنيا مغيمه وعلى اي لحضة تُـمطر رحت يم أمُي خَـليت راسي عَلى چتفها ونمت كَـعدوني وجه الصبح الشمس هستوهة تطلع وصلنة

كُبل صَعدت لغُـرفتي ..
حضرت واجباتي
ونزلت جوه مجايني نوم وهمة كلهم ناموا

رحت للمكتبي الي بي كل رَسماتي رُغم صُغر سني بس حيل احب الرَسم

ورَسمي حيل حلو چان الرسم الي يَفرغ عَن طاقتي السلبية رِسمت عَلى لَوحة مُتوسطة الحجم بـ ألوان زَيتية حَچية شفتهة ببَغداد
كاعدة تبيع گيمر عَرب وطُبع شكلهة ببالي

خلصت رسمتي باوعتلها بأعجاب ..

طلعت مِـن الغرفة ونزلت اسويلي ريوك
وماعرف غير بس اسوي لفة چبـن مِعتمدة عَلى أمُي بكُلشي خلصت اكلي ورحت طلعت شغلت التلفزيون طالع كارتون