طرقت الخادمه باب غرفة عائشه لتدلف بهدوء قائله "انسه عائشه.. عمر بيه مستنيكي فالمكتب"
ثم تركتها وذهبت لتنهض عائشه بهدوء متجهه نحو المرحاض لتغتسل بالمياه فهي لم تتوقف عن البكاء طوال اليوم وهي تتخيل فكرة انها تعيش بلا يوسف..
جففت وجهها لتتجه للخارج نحو مكتب عمر..
طرقت الباب ودلفت لتجده يجلس وينتظرها..
نهض من مكانه ليقترب منها قائلا بهدوء
"عامله ايه ؟"
"الحمدلله" قالتها بخفوت لتجده يقترب منها قائلا
"اقعدي عايز اتكلم معاكي شويه"
جلست بهدوء ليجلس امامها يطالع حالتها المزريه..
جميله كانت محقه..
عائشه تحب هذا الشخص ، لو لم تكن تحبه و تريده لما ستظل تبكي وتمتنع عن الطعام طوال اليوم في غرفتها..
اردف بحب "عائشه.. انتي اختي وحبيبتي ومقدرش اشوفك بالحاله دي.. "
نظرت له لتسمعه يكمل
"انتي عارفه اني من زمان بدعمك ف اي حاجه.. و شايفك انك الكبيره والعاقله في اخواتي.. ودايما بستشيرك في حاجات كتير.."
تنهد ليكمل "لازم تعرفي ان.. ان موضوع يوسف مش سهل.. بابا مش هيقبل بوضع زي ده"
" مش هيقبل ليه.. يوسف ميعبهوش حاجه.. وانتوا سألتوا عنه وعرفتوا" قالتها بجمود لتسمعه يردف بجديه "سألنا ايوا.. بس متعاملناش معاه لا هو ولا اهله يا عائشه.. انتي لازم تفكري فالموضوع اكتر و.."
"عمر.. انا عارفه انا عايزه ايه ، يوسف شخص كويس و بيحبني وبيحترمني.. انتوا شايفين انه عنده عيب.. انه كان متجوز ومعاه بنت.. ازاي تشوفوا حاجه زي دي انها عيب ! "
ثم اكملت "يا عمر انا دكتوره.. و دكتوره اطفال و فاهمه اوي احساس شخص زي يوسف عامل ازاي.. هو مختارش حياته.. مختارش انه يبقا قدام الناس شخص ارمل وعنده طفله.. احنا مش زي الناس دي يا عمر.. " ثم اكملت بحب وابتسامه خفيفه
"نور بنته.. من الاطفال اللي كشفت عليهم وجولي المستشفى.. من اول وهله شوفتها وانا حبيتها و حسيت قد ايه هي قريبه مني.. وهي كمان حست ده.. علطول بتسأل عليا فين دكتوره عائشه.. "
ابتسمت بحب واكملت
"احساس انه.. انه طفل ميعرفكش لسه ويحبك كل الحب ده نعمه كبيره يا عمر.. "
مسحت دموعها لتردف بجديه
"انت دايما تقول يا عمر.. لازم نحارب عشان الحاجه اللي بنحبها وعايزنها.. "
نهضت بهدوء لتردف قبل ان تذهب
"وانا هحارب عشان الحاجه اللي بحبها.. " ثم تركته وذهبت ليتنهد ويشعل سجارته وهو يفكر في طريقه للحديث مع والده بالامر..
..
" يعني هتتكلم مع عمو احمد؟" قالتها جميله بسعاده لينظر لها بجديه ويردف
"انا هتكلم معاه اننا ندي للشخص ده فرصه يجي ونتعرف عليه اكتر.. وعشان عائشه "
ثم اكمل بضيق "انا مش هقدر اشوفها متضايقه كده.. انتي مشوفتيش عينيها كانت بتلمع ازاي وهي بتتكلمه عنه هو و بنته.."
ابتسمت جميله بحب لتقترب منه تطبع قبله على خده قائله
"كنت واثقه انك هتتفهم الموضوع.. "
ابتسم بحب ليردف
"وايه خلاكي تثقي اوي كده"
اقتربت منه اكثر لتحاوط رقبته قائله بنظرات عاشقه
"عشان انت طيب اوي يا عمر.. انت ممكن تبان قاسي و عصبي اوي بس.. بس لما بتسمع و بتتكلم.. بتكون متفهم جدا.."
رفع حاجبه بدهشه قائلا "وانتي بقا ملاحظه كل ده"
ابتسمت بخجل لتسمعه يردف وهو يقترب نحو شفتيها "ممم.. شيفاني طيب مش كده؟"
ضحكت برقه وهي تجده يقترب يلثم شفتاها بحب..
YOU ARE READING
حَوّاء الصغيرة
Romanceمَاذَا تُعْرَف عَنْ حَيَاتِي حَتَّي تتحكم بِهَا ؟ أَقَلْت لَك أَنْ سمائي مَلِيئَة بِالغُيوم أَم أَنَّهَا لَيْسَتْ مُضِيئَةٌ بالأساس ؟ أَكُنْت أَبْكِي لَك ؟ هَل طَلَبَتْ مِنْك الْمُسَاعَدَة ؟ أَخْبَرْتُك بِحُبِّي لَك آلَاف الْمَرَّات اعْتَرَف . . و...
