فارس انصدم كيف تعرف اسمه وعبود مو اقل منه
فارس حاول يسوي نفسه غبي: مين فارس
لارين: لاتسوي نفسك غبي انت فارس
عبود: لارين تتكلمين صدق
لارين: اي صدق
طلعت غدير وهي تعرج من اصابت رجلها
غدير: وش مجمعكم
عبود: تعالي شوفي من الي يهددنا
غدير : اعرفه
لارين وعبود انصدمو:
عبود:ايشش؟
لارين:والله كنت حاسه
فارس انبسط يوم شافها وتحول لشخص ثاني: غدير كيفك عقب الي صار
غديرماردت عليه
لارين: وش الي صار وشفيك
غدير: لاتخافين بس جرح بسيط
عبود: وش رايكم تفهمونا شصاير؟
فارس: مستعد اقولكم شصار بس ابي حتى غدير تسمعني معكم
غدير الي متردده
لارين: تكفيننن غدير وافقي والله ابي اعرف وش جالس يصير من زمان
غدير وهي مستغربه : كيف عرفتي اسمي؟
لارين: اسفههه بس انا الي كنت اتسمع عليك انتِ وجوان وطاحت الوحه وهربت مو قصدي كنت بجي اسولف معك بس
غدير: طيب ليه ماجيتي تساليني كنت بقولك كل شي
لارين:.......
غدير: خلاص طيب يلا وضح لكن ماعندك وقت كثير
دخلو المزرعه وجلسو عبود ولارين وغدير وفارس
فارس:لما اخر مره سمعت صوتك وانتِ خايفه واقولك وينك لما كانو يلاحقونك وانتي صدمتك سياره ومن بعدها اختفيتي كانو كل الناس يقولو انك متي الا انا كان دايم يجيني احساس انك عايشه كنت دايم ادعي ربي يرجعك لي كنت دايم اشوف صورتك وابكي نفس الطفل
مرت سنوات وانا في هذا الحال ماكنت اطلع من البيت حتى تدمرت نفسيتي بعد مارحتي حسيت الحياه بنسبه لي راحت لانك انتي حياتي وبس
الحمدالله بعد مده بسيطه حلمت حلم غريب كنتي بالحلم موجوده وكنتي تناديني
وانا من بعد هذا الحلم وانا متاكد انك عايشه مجرد اني حلمت فيك
كانو يقولون لي مجنون اجل كيف شخص يصدق شي بالحلم لكن انا ماهتميت ب ولا شي وبديت احاول ادورك اول شي عرفت ان امك معها اوراق عنك واشياء كثيره عنك مره من المرات دخلت بيتها وحاولت ادور الاوراق لكن مالقيت شي ووللاسف شافتني واعتقدت اني حرامي وضربتني بقزازه الحمدالله كنت سليم وقدرت اطلعت من البيت قبل ماتجي الشرطه وبعدها عرفت اني شخص ماقدر اسوي شي ف بيوم كنت بالبر الي دايم انا وياك ياغدير نروح له شفت موقف قدامي يوم العيال جالسين يضربون الرجال جت فكره براسي اصورهم
طبعا صورتهم وهددتهم في الفديو عشان يسوون الي ابيه ويدخلون مدرسه امك لان طلعت الاوراق بخزانتها الي بالمدرسه
والله اني دايم احزن عليهم واحس الي يصير لهم غلط ومو من حقهم لكن وش ذنبي اذا ماقدر اسوي شي بنفسي
المهم وهناك هم قابلو البنات وساعدوهم البنات وجابو الاوراق وطلع كلامي صحيح! كانت كل الاوراق عنك وقدرت استفيد من هذي الاوراق وكان في اخر مكان اختفيتي فيه ورحت فيه وكانت فيه كاميرا لكن كانت معطله وقدرت اصلحها وكان فعلاً طحتي ونزلت بنت من سيارتك وخذتك معها قدرت اعرف بيتها من شكلها وخليت تركي وكادي يروحون يشوفون لان كنت داري لو انا رحت بتصير مشكله وبتهربين مني مره ثانيه لكن ما اعتقدت انك بتجين لين عندي وبتكونين بمزرعتي
لارين الي متأثره من الكلام الي قاله فارس جلست عيونها تدمع وقالت: حرام عليك غديرر ارجعي له واضح يحبك مع ان الي سواه لنا غلط بس سامحيهه
عبود لف على لارين وقال: وشفيك تدمعين
لارين: افف يعبود والله كلامه يحزن
غدير : طيب كان المفروض ماتدخلهم بسالفه
فارس: سامحينيي والله بس كنت ابي اشوفك ماكنت مهتم لشي ثاني ولا مركز..
