نَا وَتَقَبَّلْ دُعَاءِ».
2- « قَالَ رَبِّ اشْرَحْ لِي صَدْرِي*وَيَسِّرْ لِي أَمْرِي».
3- « رَّبِّ زِدْنِي عِلْمًا».
4- «لَّا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ».
5- « رَّبِّ أَنزِلْنِي مُنزَلًا مُّبَارَكًا وَأَنتَ خَيْرُ الْمُنزِلِينَ».
6- « رَبِّ هَبْ لِي حُكْمًا وَأَلْحِقْنِي بِالصَّالِحِينَ».
.
.
.
عند راكان
وخر الكمامه من فمه وانصدم انها نفس ذيك البنت الي انحبس معها بغرفه المديره
قال: وش تسوين انتِ هنا؟
جود وهي توخره من فوقها : طلع لي صديقاتي ولا صدقني ماتمر الليله على خير
راكان وهو مستغرب : أي صديقات؟
جود: مو وقت تسوي نفسك غبي قلت طلعهم والان
راكان الي مسوي نفسه مايعرفهم
جود : الحين بفهم تكذب وتستغبي ليه تعتقد اني بصدقك
راكان : اول شي انتي كيف عرفتي مكاني؟
جود : قلت بطلعك من تحت الارض وطلعتك والحين علمني وين البنات
جت فكره ببال راكان وقال: خلاص بعترف البنات هنا
جود وهي مو مصدقه وبسرعه بس تبي تشوفهم
: وينهمم بسرعه ودني لهم
راكان ابتسم بخبث : يلا تعالي
مشت جود وهو وراها
جود:وينهمم بسرعه قول لي
راكان:لهدرجه تحببن صديقاتك انتِ
جود : مو وقت اسألتك ذي وصدقني لو صار شي بصديقاتي بيكون اليوم اخر يوم لك بهذي الحياه فاهمم
راكان:اوه يعني تحبينهم لدرجه تقتليني لو اذيتهم
جود:هي انت تلمح لايشش
وقفت جود وقالت:ليكون سويت لهم شي؟
راكان:لا لا معليك مستحيل انا أذي بنت او اسوي شي لبنت او حتى المسها
جود:لاتتكلم كثير علمني البنات وينهم بسرعهه ولا تضيع وقتيي
راكان: هم بذيك الغرفه
راحت تركض متجهه للغرفه دخلت لكن الغرفه كانت فاضيه ومافيها شي والبنات مو موجودين
لفت على راكان الي عند الباب ابتسم ابتسامه خبيثه وسكر الباب على جود وقفله
جود وهي خلاص تحس بتموت بكي كانت تنتظر اللحظه ذي كانت تنتظر تشوف صديقاتها ومتحمسه وهي الان محبوسه
جود: افتحح مو وقتك صديقاتي يحتاجوني افتح البابب انا وثقت فيك كيف قدرت تسوي كذا فينيي كيفف
راكان: احد طقك على يدك وقال ثقي فيني؟ لا
طبعا بس انتي كنتي تعتقدين انك اذكاء مني لكن صار العكس وعرفت انا ان نقطه ضعفك صديقاتك ووقعتك بالفخ وقدرت احبسك هنا ..
.
.
عند عبود الي دخل بيتطمن على لارين
فتح الباب وانصدم لما ما لقاها موجوده وشاف الشباك مفتوح راح طلع برا الغرفه وهو يركض قابل سعود وتركي بوجهه
سعود: وراك تركض شصار؟
عبود: البنت هربتت!!
تركي: كيف تهرب ياغبي هي تدري عن مكان المزرعه الحين يمكن تبلغ
سعود: رح دورها الحين اكيد مابعدت كثير وتجهت للغابه
تركي وهو ميت ضحك: ايي نسيت ان غرفه عبود تطل على الغابه
عبود: مو وقتك تضحك بروح ادورها وانتم تعالو معي
سعود: وش دخلنا حنا هي بمسؤليتك وهربت انت الي بتتحمل النتايج لحالك رح دورها الحالك يعني
عبود وهو مايبي يترجاهم يساعدونه دفهم وراح يركض للغابه
لارين الي كانت تمشي وهي ماتدري وين بتروح
كانت خايفه من الظلام وتحس شوي وتبكي من الخوف
جلست تمشي وهي تعرج وماتدري وين رايحه بأي طريق بس كانت تبي تبتعد من المزرعه الي كانت هي فيها
فجأه لارين سمعت صوت شيء وراها يتحرك عند مجموعه من الاشجار المتلاصقه
لارين جلست تركض وتصايح
عبود الي جالس يدورها ويحاول يلقى اثر لها لكن ماكان يشوف شي واضح من الظلام كان يمشي قدام وهو مو متاكد اذا لارين مشت من هذا الطريق ولا
فجأه سمع صياح لارين بسرعه راح يركض على صوت صياحها ..
.
.
عند ديم وهي تبي تنادي سعود عشان تحاول تقنعه تشوف كادي لانها حست انه بدا يوافق
قالت بسم الله والي يصير يصير: سعود سعود تعال ابيك ضروري
تركي سمع صوتها وراح لسعود الي كان جالس بعيد الحاله ويشرب كوب شاهي ويتأمل القمر
تركي: واضح انك توك مروق لكن اسف لك البنت تناديك
وبالله اعرف وشسمها مو معقوله بناديهم كلهم البنت
سعود: وش تبي
تركي: وانا شدراني تنادي عليك تقول سعود سعود
سعود قام متجهه لها
فتح الباب ودخل
سعود: وش تبغين؟
ديم : ابي اشوف كادي
سعود: تستهبلين ولا ايش مناديتني عشان كذا؟
ديم : بس انا ابي اشوفها
سعود: وانا قلت لك لاتناديني ماتفهمين
ديم جلست تبكي وتقول : بس انا ابي صديقتي مابقدر انام لين ماتجيبها
سعود وهو مره معصب ومايحب يشوفها تبكي ويحس انه ينهز قدامها لو بكت
سعود: مو قلت لك لاتبكين؟ وبعدين خلاص قلت بوديك لها بس مو الحين لين ما ينام تركي لان لو درا تركي بتصير سالفه وبيعلم راكان والعيال وبيهاوشوني اني خليتك تشوفين صديقتك
ديم وتحس انه صادق وتفهمته وقالت: خلاص طيب بس اول ماتشوفه يروح ينام تعال طيب؟
سعود هز راسه وطلع
