انصدم لما درا ان الاوراق كانت مفتوحه بسبب الشق الي شافه عصب مرا لبس قناعه الاسود وراح للمزرعه بدون مايدق على راكان انه جاي
البنات كانو جالسين بالجلسه الخارجيه الي تحت مع بعض الي كانو ينتظرون السواق يجي عشان يرجعون بيتهم
اما العيال كان كل واحد بمكان
.
.
دخل المزرعه وسمع اصوت بنات انصدم لما شاف بنات بمزرعته صايح عليهم
وقال:مين انتم
البنات خافو من دخوله المفاجئ كلهم قامو وديم جت ورا جود وهي خايفه
........: ماتسمعون وش جالس اقول؟ اقول مين انتم
العيال سمعو صوت صياح وراحو يركضون يشوفون شصاير
راكان انصدم لما سمع صوته راح ينزل بسرعه
شافه واقف ويكلم البنات حس انه انقفط خلاص
راكان:وراك تصايح؟
........: اول شي انت قاري الاوراق؟ وثاني شي مين ذولا البنات
تركي: لاتصارخ مو اصغر عيالك حنا
راكان:تعال غرفتي بقولك كل شي
.
.
دخل غرفه راكان وراكان اعترف بانه شاف الاوراق لانه معه دليل بان الاوراق منشقه وماقدر يجحد اكثر وعلمه بكل شي وبسالفه البنات
........: اوه يعني لو كنتم بدون البنات ذول ماقدرتو تجيبون الاوراق؟ شهر كامل وانتم عيال ماقدرتو البنات بيومين قدرو يالاغبياء؟
راكان: حدك عاد وعن الغلط وبعدين قلتها هم بنات والي تبيه بمدرستهم اجل في واحد صاحي يخلي العيال يدخلون مدرسه بنات!
.........: اقول اسكت بس ودام البنات اذكا منكم وقدرو يساعدونكم باول مهمه لكم ابيك تخليهم معكم بالمهمه الثانيه
راكان وهو مو مستوعب وش يقول: وش جالس تخربط انت؟ انت بكامل قواك العقليه متاكد؟ هم ساعدونا لان الاوراق بمدرستهم ياغبي
.........: مافيها شي لو ساعدوكم بمهمه ثانيه خارج المدرسه
راكان:ولا بعد خارج المدرسه؟ تستهبل انت ولا ايش
........: قلت الي عندي ودامك هددتهم بحياتهم بتقدر تهددهم مره ثانيه بحياتهم وبيساعدونك
راكان: وانا مابي اخرب حياتهم باشغالك الي ماتسوى
.......: وانا اقولك بتدخلهم معك وانا ماعندي مشكله يعيشون هنا معكم
راكان:وشدخل يعيشون هنا؟ وبعدين هم يكرهون المكان وش يبغون يعيشون هنا وترى عندهم بيت مايحتاجون مساعدتك
........: عندهم بيت ماعندهم انا وش دخلني؟ ابيهم يسكنون هنا افضل بسرعه تنجزون الشغله الي اعطيكم اياها اجل فاضي كل شوي تتنقلون من بيت للمزرعه واشياء مالها داعي مابي
راكان: قسم اني صابر كثير اطلع برى افضلك
.......: قلت الي عندي ولاتنسى حياتكم بيدي
وطلع
.
.
جود: وين راكان ورا مايجي ويقولنا ليه جاي ذا وليه استغرب يوم شافنا مو قال راكان انه يعرف عننا؟
كادي: صدق والله ماراح نروح الا لما نعرف وش السالفه وانتم مورطينا بوش
تركي: ام السان انتي اسكتي ولا تكثرين اسأله احمدو ربكم الحين انكم بتقدرون ترجعون بيتكم
سعود: تركي خلاص انت بعد لو ماترد عليها وتناقرها تموت
تركي: وانا صادق وش اقول يعني
كادي: انت هي ترى ماعندي مشكله اتوطى ببطنك هنا
تركي: اوه تردين بعد وتهايطين انا لو اطيرك باصبعي الصغير طرتي
كادي وهي مقهوره كيف كذا استصغرها وكانت بترد
مسكتها لارين وقالت: خلاصص لاتردين عليه والله مايسكت عاد هو
جاء راكان
جود: هي انت يلا قلنا وش سالفته وليه هو انصدم لما شافنا
راكان وهو يفكر كيف بيبرر عن هالشي قال: مانصدم هو بس استغرب من وجودكم
جود: وتتوقع بصدقك؟
لارين طقت جود وقالت: خلاص يمكن صادق لاتطولينها وخلينا نرجع البيت
راكان: ترجعون البيت؟ مين سمح لكم تروحون اصلا
جود: نعم نعم ومين انت عشان تسمح لنا وبعدين خلصنا المهمه الخرا الي عطيتنا اياها والحين لانعرفكم ولاتعرفونا
راكان: كان ودي نصير مانعرفكم ولاتعرفونا لكن للاسف الشديد بنتحمل بعض لايام اكثر
