ماراح اشرح لكم الشخصيات حبيت انكم تعرفون شخصياتهم بنفسكم
تعريف بسيط
البنات (جود وديم ولارين وكادي) يتيمين وعايشين ببيت الحالهم
كلهم اخر سنه ثانوي اعمارهم18 وقريب بيدخلون19
العيال اخويا من المتوسط(عبود راكان تركي سعود ) مشاكلهم ماتخلص وعلاقتهم مع اهاليهم مو حلوه لدرجه كل يوم يتنقلون من بيت لبيت عشان ينامون فقط محد حابهم ومحد متقبلهم
اعمارهم كلهم23
.....:نفس ماتفقنا عليه عندكم شهر واحد لو ماتجيبون الاورق الي قلتها لكم الفديو تعرفون
وش بيصير له
راكان:تهددنا انت ولا ايش؟
....:اعتبرها الي تبون وسوو الي ابيه
سعود: راكان وش يبغى ذا الحين
....:مو وقت تسالون هو بيعلمكم كل شي مثل ماقلت له وتسوون كل شي بكره فاهمين
تركي:بكره؟ كل شي يصير بيوم ولليله
.....:اي
عبود: انت هي ترى الفديو مافيه شي يوم تهددناا
.....:صح مافيه شي لكن الفديو يعبر عن شي ثاني؟ عن جريمه مو متوقعه
راكان:طيب انت شفت وش صاير كله ليه تصورنااا وتحرف الي سويناه واصلا من وين طلعت لنا انتت
.....:اقول انت وياه عن الكلام الزايد واصلا احمدو ربكم اني معطيكم المزرعه تجلسون فيها واعطيكم رواتب وانتم ماتسوون شي للحين
سعود:هي انت تذلنا على مزرعتك ذي؟وبعدين محد قالك عطنا رواتب
طقه تركي وقال بصوت خفيف: سعودد مو وقتك تدري كلنا متمشكلين مع اهالينا وين بروح يعني! بشارع وكلنا مطفرين خله يصرف علينا بس
طق على الطاوله بقوه وقال:اطلعو برا كلكم الانن وسوو الي قلته باسرع وقت فاهمين..
-
بعد ماطلعو العيال وراحو المزرعه
سعود: راكان وش يبي ذا
راكان:بيصدمكم وش يبي بس يبينا ندخل مدرسه بنات عشان نجيب اوراق في غرفه المديره
العيال انصدمو وقالو: ايشش
سعود:وش تخربط انت؟ مستحيلل اسوي شي انا
راكان: بتسويي اجل تبيه ينشر الفديو؟ المشكله تدري ان ابوك شرطي ومحافظ على سمعته مو فاضي يرجع لحياتك ويرجع المشاكل لك
سعود:.......
تركي: مره وحده مدرسه بنات؟؟ وشفيها ذي الاوراق ابي افهم انا
راكان:شدرانا
عبود:الموضوع مايدخل الراس كيف بندخل وفيه بنات الحين
راكان:بنروح الساعه ٩ ونص وحولها يعني اذا جت الفسحه على حسب علمي بالفسحه محد يكون فوق كلهم ينزلون تحت
عبود: لو احد شافنا!
راكان: انتم خلوكم منتبهين ومحد بيشوفكم وبعطي كل واحد منكم مخدر ويعني لو صار شي لضروره خدرو وخلوها واطلعو من المدرسه بسرعه
تركي:اوه يعني بنشوف بنات حلوين
ضربه راكان:تركي رايحين لمهمه نبي نسويها ونطلع منها بسرعه فاهم
تركي: شفيك عصبت كنت انكت
سعود:قل وش بنسوي ياراكان؟
جلس راكان يقولهم الخطه وكل شي بتفصيل الممل
-
الصباح اليوم الثاني
جود الي كانت حاطه راسها بطاوله
جتها ديم وجلست تطقها: جودد قومي طول الوقت وانتِ نايمه بالبيت حتى هنا؟
جود: وخري ياديم ابي انام ماتفهمينن
ديم وخرت منها وطلعت كتبها وجلست تراجع الدروس الي خذوها
جت كادي ولارين وهم يركضون
صحت جود وقالت: هدو هدو وين بتطيرون انتم
كادي الي تلهث من التعب:بنات تخيلو المديره غايبه اليوم
جود:طيب؟ احسن جعلها ماتداوم
لارين: جودد ماتفهمينن
جود:وشش
كادي: بما انها غايبه لازم نستغل غيابها وندخل مكتبها ونشقق المخالفات والتعهدات لان مابتقبلنا جامعه وحنا على ملفات نفس كذا
جود:يعني افهم منكم تبوني انا الي اروح؟
كادي: اي اعرفك بتقدرين تدخلين بدون حس وبدون محد يلاحظك وذي بتكون زي العبه بنسبه لك
ديم الي شوي وتبكي: تكفينن جود تدرون ان كل المخالفات والتعهدات الي خذيتها بسبتكم انتم تغصبوني اهرب معكم من الحصص
لارين:جودد عشان خاطر ديم تعرفين كيف ودها تدخل الجامعه
جود: خلاص طيب لاتبكين انتي بكايه تبكي على اي شي
كادي: اسمعي بتروحين بالفسحه بما ان المدرسه بتكون هاجده وكلهم تحت واصلا افضل شي ان اليوم خميس اغلب البنات والمعلمات غايبين
جود: خلاص تم لكن محد بيدخل معي عشان ماننكب..
-
بعد ماجت الساعه٩وكان وقت الفسحه عليه دقايق لبسو اقنعتهم وهم مستعدين وعارفين الخطه بتفصيل
راكان: يلا سعود رح ادخل من الشباك حق دوره المياه (يكرم القارئ) وانت ياعبود ادخل الغرفه الصغيره الي باخر دور وتركي ادخل من شباك احد من الفصول وابيكم تراقبون زينن واي شي يصير بدق عليكم وتجون تساعدوني
تركي:وراك موزعنا ليه ماندخل مع بعض
راكان: تبي تودينا بداهيه انت اذا جينا مع بعض كل شي بيخرب وابيكم كل واحد بمكان عشان اي شي يصير تكونون عارفين وتعلموني وانا بالاخير بحتاجكم وبدق على اقرب واحد قريب مني وبعدها بنطلع كلنا اول ماناخذ الاوراق
سعود: خلاص يلا فهمنا خل نبدا ندخل قبل مايروح الوقت
راكان: يلاا كل واحد يروح مكانه وبعد مرور دقيقه بضبط ادخلو
-
عند البنات
كادي: لارين انزلي للغرفه للي تحت
لارين:ايشش؟ الغرفه الخرابه الي تخوف وكلها ظلام
كادي: عشان تعلمينا اذا احد من العلمات بيرقى وبعدين واذا ظلام ليكون تخافين من الظلام؟ هههه
لارين الي مسويه ماتخاف منه: الظلام ههه طبعا ماخاف بس مابشوف شيي
كادي: هذا الي نبيه عشان محد يشوفك وسكري الباب وانتي راقبي من الفتحه
لارين:......
كادي:اخلصيي روحيي
بلعت ريقها ونزلت وهي خايفه
عند ديم الي انسحبت منهم بدون مايدرون عشان ماتتورط ولا تنكبهم لانها تخاف كثير ومو بتقدر تنجح بهالموضوع وصلت دوره المياه وهي مبسوطه انها طلعت من خطط البنات ومابتنفذ شي جلست تناظر شكلها بالمرايه وتغني
سمعت صوت شي طاح على الارض باخر حمام
لفت وهي مخروشه رجلها جلست تتجه لصوت الطيحه وهي ماتحس بس تبي تعرف من الي طاح كانت تمشي وهي خايفه بعد ماشافت الباب مفتوح استغربت وقالت بنفسها من بيدخل الحمام(يكرم القارئ) بدون مايقفله او يسكره طنشت سؤالها ووصلت لاخر حمام شهقت بقوه اول ماشفت الشي الي قدامها جلست متجمده لثواني بعدها لفت محاوله انها تهرب
مسكها وثبتها على الجدار وحط يده على فمها وقال:صدقيني كلمه وحده بتنقتلين هنا..
-
عند لارين بعد مادخلت الغرفه وهي خايفه من الظلام(لارين تخاف من الظلام من الصغر)
سكرت الباب وجلست تحمد ربها ان فيه شباك فوق ويبان نور شوي لفت على الباب وجلست تراقب من الفتحه الصغيره انصدمت لما شافت الظل الي وراها وكان ظل هذا الشخص جالس يقرب
بسرعه فتحت الباب مسكها ودخلها وسكر الباب وقال:من وين طلعتي لي انتيي!!
لارين الي مو قادره تتحمل الي يصير لها ظلام وشافت شخص: جني ويتكلم ومسكني
لارين الي طاحت من الرعب الي شافته والي صاير
عبود مسكها قبل ماتطيح وجلس يطقها بخفيف: هيي بنت انا مو جني انا انسان والله قومييي يرحم امك مو وقتككك
بعد مرور دقايق صحت لارين جلست تصايح وسحبت قناعه
كانت حاله صدمه لهم كلهم
لارين جلست تناظره وكان وجهه واضح بما ان النور على وجهه
عبود الي منصدم انها الان شافت وجهه
لارين: بطلع
عبود مسكها:وتتوقعين بتقدرين تطلعين وانتِ شايفه وجهي؟
لارين:شفته بالغلططط
عبود: مو شغلي اذا شفتيه انتي الي ورطتي نفسك بهذا الشي
لارين:و وش بتسوي بتقتلنيي
عبود:للاسف
لارين جلست ترتجف وهي حاسه انها بتودع الحياه
طلع عبود المخدر وحطها بفمها
انجبر ياخذ لارين بما انها شافت وجهه وطلع من المدرسه كامله
-
دخلت غرفه المديره بهدوء وبدون محد يحس بوجودها نزلت راسها للطاوله وجلست تفتح الدروج وتدور الملفات
دخل وشاف الغرفه مفتوحه والي كان معتقد ان الي يهددهم مجهز لهم كل شي انبسط ماكان يعتقد ان المهمه كذا سهله
