عند البنات
مبسوطين مره انهم شافو بعض جلسو يسولفون ويقولون شصار لكل وحده منهم وبعد ماخلصو سوالف
جود: بنات لازم نطلع من هنا
كادي: ماتشوفين كيف مقفلين علينا الباب؟
جود: عندي فكره
البنات كلهم قالو: وش
جود: بنخلي ديم تروح تقول لسعود انها طفشانه وتبي تتمشى وتشم هواء
كادي: بعدين تهرب؟
جود: وتتوقعين مو قادر يمسكها يعني؟ لا لا نبي ديم تاخذ جواله بأي طريقه وتجيبه لنا وبكذا نقدر ندق على الشرطه
ديم وهي رافضه الفكره: تستهبلون؟ مستحيلل لا ماقدرر
جود: اقول بتقدرين ماتشوفين كيف الباقين كلهم حقيرين الا سعود الطفهم
ديم: بفهم انا من وين تشوفون الطف ذا؟؟
لارين: ساعدك تدخلين عند كادي وولا قال لا وتقولين وين الطف؟
كادي: اخص يديم وبديتي تقدرين تسيطرين عليه استمريي لان كلما ماتقربتي منه بيقدر يطلعنا بنفسه ويساعدنا
ديم: تكفون اكرهه ماقدررر امثل
جود: الا بتقدرين
ديم: خلاص طيب بحاول عشانكم بس مستحيل يوافق اذا جيت وقلت له اني ابي امشي واشم هواء بيقول تناديني عشان سبب تافه؟ كل شي عنده سبب تافه اكرهه
كادي وهي تفكر: جبتهاا بتمثلين ان مغمى عليك وحنا بناديه وعاد هو اذا جاء بيشلك وياخذك معه وعاد بكذا تقدرين تاخذين جوال بدون ماتقولين ابي اشم هواء حتى
ديم: يشلني؟؟؟ ياخذنيي؟؟ بيفرقني عنكم يمكن اصلا يوديني المستشفى طيب؟ وينكشف كل شي
كادي:وتتوقعين لهم وجه يودونك المستشفى خاطفينا ويودونك لمستشفى مو اغبياء لهدرجه واذا ودك المستشفى احسن شي بتقدرين تبلغين بسرعه عليه
ديم:لاا مابي بناتت ماقدر احس بنقفط وببكي فجأه خلاص اختارو وحده غيري
كادي: تستهبلين ماراح يفرقنا عنك بيرجعك لنا
جود: على اساس في احد يهتم لنا كل واحد حيوان اكثر من الثاني الا سعود اشواهم..
.
كان رايح لغرفته يبي ينام انسدح على سريره وقال: اخ شتقت لك ياسريري معليك مو مفترقين من اليوم
فجأه سمع صوت صياح عند غرفه تركي الي جمبه
كان يسمعهم ينادونه سعود انخرش وبسرعه راح يركض يوم فتح الباب لقى ديم طايحه على الارض انصدم وخايف عليها كان مو عارف شيسوي
سعود: وشفيها ليه طايحه؟؟
جود: مادري فجاه طاحت خذها شف وش فيهاا بسرعه
سعود وهو متوتر مو عارف شيسوي اول مره يصير له كذا شل ديم وراح وداها غرفته وحطها على السرير وطلع من الغرفه بيروح للمطبخ عشان يجيب لها مويه
ديم استغلت الفرصه فتحت عينها وهي خايفه شافته مو في وشافت جواله جمبها على السرير خذته وحطته بجيبها
عند سعود الي تذكر ان في مويه بغرفته بما ان المطبخ بعيد رجع وانصدم لما شافها قايمه وتاخذ جواله
سعود: الحين كل هذا الشي عشان تاخذين جوالي؟
ديم شهقت بقوه
سعود: ليه تستغلين طيبتي ؟ مو عشاني ساعدتك اكثر من مره قلتي خل استغله
من اليوم ورايح بتشوفين شخص ماعنده احساس ومشاعر وتشوفين
ديم وهي تبكي وماتعرف وش تقول: وش فيك عصبت بس انا ماسويت شي غلط بناخذ جوالك عشان نطلع من هنا
سعود: كل هذا وماسويتي غلط؟ ولا بعد تعترفين اقول ولا كلمه ويلا امشي
سعود كان معصب من حركتها ماتوقع تسوي كذا وتستغله مسكها وفتح غرفه البنات ودفها وقفل الباب..
