عند جوان بعد مافتحت عينها ولقت نفسها بغرفه فاضيه مافيها ولا شي ومربوطه بكرسي
جوان وهي خايفه جلست تصايح: وش ذا المكان مين انت وش سويت لك تعالل
فجأه انفتح الباب
تقدم فيصل: بتعرفين مين انا
جوان: مين انت اقولكك وليه خاطفني وشتبيي
فيصل:لاتخافين برجعك بس خطفتك عشان اقولك اني بتزوجك وانتِ بتوافقين
جوان استغربت وجلست تضحك
فيصل: مافهمت يعني وش الي يضحك ضحكينا معك!
جوان: انت الحين خاطفني عشان تقول كذا؟ ولا بعد تقولها بثقه بتزوجك
فيصل: اي وانتي بتوافقين
جوان: وش هالثقه وبعدين اقولك من الاخر ماراح اوافق وش بتسوي؟
فيصل : متاكده
جوان: طبعا متاكده خاطفني وتقولي بتتزوجيني مين انت عشان تقول لي كذا
فيصل: كنت عارف انك بترفضين
جوان: حلو انك عارف الحين فك يدي
فيصل وهو يضحك: اذا صحيتي بتلقين جمبك رقمي لاسمح الله صار شي او احد صارله شي دقي علي
جوان: مريض انت؟
فيصل: الي تبين
فيصل خدرها ورجعها المزرعه..
.
عند البنات
ديم: ماتحسون ماصرنا نشوف بعض كثير
جود: كيف يعني
ديم: احس مادري كل وحده بمكان مو جالسه احس اننا مع بعض
لارين الي توها جايه راحت انسدحت على السرير ونامت بدون صوت
جود كانت بتروح تسألها
مسكتها كادي: واضح صار لها شي خليها اذا صحت نسألها
كادي: بنات خلونا نروح الصاله بقول لكم شي
راحو البنات الصاله عشان مايزعجون لارين الي نايمه
جود: وش
كادي: راكان ناداني انا وتركي
جود: وش يبي؟
كادي: الكلب ذاك بيخليني انا وهو نروح لمهمه مع بعض!!
ديم: كيف
جود: ايشش
كادي: الي سمعتوه صراحه انا ماعندي مشكله اسوي الي يبيه عشان مايأذينا لكن مالقى الا ذا اروح معه بناتت احس مقدرر والله يقهرنيي يمكن اقتله او شي بنص الطريق
ديم: على اساس بتقدرين
كادي: هي انتي لو ماسكتي بادفنك هنا
جود: كادي خلاص هدي
متى بتروحون؟
كادي: بكره مستوعبهه
جود: خلاص اسمعي خلي جوالك معك لو صار شي دقي علي وانتبهي منه
كادي: معليك
.
.
غدير رجعت الغرفه انصدمت لما شافت جوان وهي طول الوقت خايفه عليها وتدورها راحت تصحيها
غدير: جوان؟ من اليوم ادورك متى رجعتي ونمتي
جوان وهي تحاول تتذكر شصار قامت مخروشه
غدير: يمه جوان فيك شي؟ شصارر كنتي بتجيبين اغراض
جوان وهي ماتبي تقول لغدير شي عشان ماتخاف عليها: نسيت اجيب كنت مره دايخه وجيت ونمت
غدير: يلا تعالي نفطر
راحت غدير وجوان للحين مو مستوعبه كيف ارجعت..
الليل الساعه2
عند لارين الي بالغرفه وماطلعت منها من الي صار امس
دخلت ديم وقالت: لارين وش فيك؟ تعالي اكلي ترى ماكليتي من امس
لارين بكت لما قالت وشفيك
ديم وهي شوي وتبكي معها راحت حضنتها: لا لا لارين انتِ اقوى من كذا من يقدر يبكيك تكفين لاتبكين وشصار لك
لارين وهي تبكي: انا بنت غير شرعيه ياديم انا بنت وجودي بهذي الدنيا كان غلطه
ديم وهي تبكي ومو مصدقه وش تقول لارين: لاررينن تكفين لاتقولي كذا ومن وين جاك هالكلام
لارين: من وحده تقول انها خالتي
ديم: انتِ وجودك مو غلطه انا وجود وكادي كلنا نحبك ومستحيل نعيش من دونك لا اسمعك تقولين هالكلام
لارين: طيب هي ماتت ليه تقولي كذا؟ بس عشان تبكيني بس عشان تدمرني خلقه انها ماعترفت فيني ورمتني بالميتم تقولي كذا ليه تعلمنييي وتقول سامحينيي انا مستحيل اسامحها
ديم: سامحيها ماتت هي
لارين عصبت من كلام ديم: انتي ماتعرفين وش جالسه امر فيه كيف تقدرين تقولين لي سامحيها
ديم: ماقصد شي والله بس عشان..
لارين وهي تصايح: اطلعي برا ياديم الحينن
ديم طلعت وهي تبكي
