Melody Of Endora [pjm×jjk]

2

Unicode

မုန့်စားဆင်းတာနဲ့ ကိုယ့်ကိုကိုယ်
သပ်သပ်ရပ်ရပ်ဖြစ်အောင် လုပ်လိုက်သည်။
သဘောကျနေတဲ့သူရှေ့မှာ အကောင်းဆုံး
ဖြစ်ချင်သည်လေ ။

တပ်နေကျ မျက်မှန်လည်း မရှိတာမို့
JungKookမျက်ဝန်းတွေကို ရှင်းရှင်း
လင်းလင်းမြင်ရသည် ။ ဆံပင်ကို
ပြင်နေတာလည်း တော်တော်များနေပြီမို့
ဘေးက Minwoo အော်တော့သည် ။

ထိုအခါမှ ပန်းချီအခန်းဟောင်းဆီကို
​ပြေးထွက်သွားတော့သည် ။
မဝင်ခင် အရင်ချောင်းကြည့်တော့
Jiminဟာ အရင်တိုင်းပဲ ထိုင်နေဆဲ ။
နာမည်သိရပြီဆိုတော့ Jiminအကြောင်း
ဆိုပြီး နာမည်တပ် ထိုင်တွေးလို့ရပြီလေ ။

" ဝင်ခဲ့လေ..ရပ်နေအုန်းမလို့လား "
သူရောက်နေတာ ဘယ်လိုလုပ်
သိနေပြန်ပြီလဲ ။

အဖြူရောင်တွေပဲ Jiminကတော့ ။
ဘေးမှာ ခပ်ခွာခွာထိုင်လိုက်တော့မှ
သေချာမြင်ရတဲ့ Jiminမျက်နှာ ။
ထတောင်အော်ပစ်ချင်လောက်ကို
ခန့်ညားနေတာမို့ မသိမသာ
အောက်နှုတ်ခမ်းကို ဖိကိုက်ထားရသည်။

လက်ဖျားတွေကတော့ အေးစက်နေတာ
ကြာလှပြီ ။
" ဘာလို့ အရင်တုန်းက စကားလာ
မပြောတာလဲ "

" ဘာကိုပြောတာလဲ Jimin "

" သုံးလလုံးလုံး.. ကိုယ့်ကို
လာလာကြည့်နေတာ ကိုယ်သိသားပဲ "

ရေနွေးအိုးထဲကို မျက်နှာစိမ်လိုက်ရသလိုပဲ
ရှိန်းခနဲပူသွားသည် ။ သူကတော့ Jimin
မသိဘူးဆိုပြီး ကြည့်ကြည့်နေခဲ့တာ ။
ဘယ်လိုတောင်မှ သိနေတာလဲ ။

" Hk..နားရွက်တွေ နီနေပြီ "
JungKookယောင်ယမ်းပြီး
လက်နှစ်ဖက်ဖြင့်နားရွက်ကို ကောက်အုပ်
မိလိုက််သည် ။Jiminကပါ သူ့လက်ပေါ်ကို
လာအုပ်ကိုင်သည် ။

" ချစ်ဖို့ကောင်းတယ် မင်းက "
တခစ်ခစ်နဲ့ သဘောတကျရီနေသည်
Jiminက ။ ဝါဖျော့ဖျော့ ဆံစတွေကလည်း
တလှုပ်လှုပ် ။ လေမတိုက်ဘဲ
သူ့တစ်ကိုယ်လုံးလည်း အသည်းထဲထိ
အေးပြီး ကြက်သီးမွှေးညင်းတွေ
ထနေသည် ။

Jiminလက်ဖဝါးဖယ်ခွာသွားတော့
သူ့လက်ဖမိုးမှာ အနွေးဓာတ်တို့
ကျန်ရစ်သည် ။ သဘောကျလိုက်တာ ။
" ပေးစရာရှိတာ မေ့နေတယ် "