غفران قلب مظلوم

الأخير 😌🦋

✨✨✨✨✨✨✨✨✨✨✨✨✨✨

*وفى المنزل*
كان يحمل كل من رعد ويامن وعدى ومازن طفل من الأطفال وبجوارهم زوجاتهم ينظرون لهم بغضب قاتل ثم قال رعد بضيق :- يارهف كفاية كدا عندى شغل
شوحت رهف بيدها قائله :- لا لو سبت البنت من ايدك مش هرحمك
رعد وهو ينظر لبنته بغيظ :- يارهف وانا مالى عدى هو إللى قال إنكم فاشلين
صرخ عدى بغضب وقال :- انا منك لله شايفنى مش خايف على عمرى علشان اقول كدا ده يامن
نظر لهم يامن وهو يخرج منه شهقة نسائيه وهو يقول :- نهارك اسود انا إنشاءالله امشى على قبرك قريب محصلش
وعد وهى تنظر له بشر :- يامن بلاش انت احسنلك
يامن بصراخ :- وانا مالى هو كل مصيبه يامن
عدى بغيظ :- وبعدين مين إللى قالكم اننا بنقول الكلام ده
ليلة وهى تهز السكين بين يديها :- يعنى مقولتش انك ندمان على اليوم إللى اتزوجت فيه
بلع عدى رايقه وقال :- ه.هو انا مجنون علشان اقول كدا
رعد وهو ينظر ليلة والسكين بصدمه :- انتى ياحيوانه ابعدى البتاعه دى فى اطفال معانا
رهف وهى تأخذ السكين من بين يدين ليلة :- بقا يارعد انا بقيت زي الدب القطبي ومش بتكفينى اكل
رعد بصدمه :- والله ماحصلش مين الحيوان إللى قالك كدا اصلا
نظر رعد ليامن الذى قال بدهشه :- هو كل مصيبه انا وبعدين ماانتى بقيتى شبه شول البصل يارهف
نظرت له رهف بشر وقالت :- بتقول ايه
ابتسم يامن وهو يهز يده بذعر:- لا مش انا إللى بقول ده رعد
بلع رعد رايقه بتوتر :- انتى تعرفى عنى كدا
تنفست رهف بغضب وقالت :- رعددد
رعد وهو يعانق الصغير بخوف :- انا ماسك بنتك
عدى بضحك :- عامل البنت دفاع والله جدع
ليلة بنبرة افزعت قلب عدى :- عدى
عدى بذعر :- ايه قطعتى ليا الخلف
ليلة وهى تشير له بسخرية :- بقا انا الباب مش بيرضا يدخلنى الاوضه من التخنه
عدى بزهول :- مين انا
ليلة بشر :- عدى
عدى بخوف :- انتى ده انتى عود فرنساوي
ليلة وهى تتطلع فيه بغضب :- انا هقوم اصلى هتشل 
ابتسم يامن لوعد التى اقتربت منه بشر مماثل للجميع :- وانا اي
يامن بهدوء :- اي
وعد بغيظ :- بقا انا بقيت شبة ريا وسكينه
يامن بنفى :- انتى احلى
وعد وهى تضغط على اسنانها بغيظ :- يـــــامن
يامن وينهض بخوف :- هروح ارضع الواد  عن ازنك
جلس يامن بجوار سهير التى تضحك بقوه وقالت :- كفاية مين إللى قال الكلام ده ليكم
عدى بغيظ :- اكيد الزفت إللى جانبك
يامن بغيظ :- يعنى هقول على نفسى انتى عبيط
سهير بتعجب :- اومال مين
عهد وهى تهز الصغير بحنان :- مازن
مازن وهو ينسحب ببطء :- عندى مذاكره
امسكه عدى من ملابسه وقال :- قولى انت بتكرهنى
مازن بخوف :- انت حبيبى
عدى بغيظ :- حبك برص ياشيخ
مازن بصرخ :- وانا مالى انا
يامن وهو يلعب رحيم الذى يجلس بين يديه ويقول :- والله انت متربتش ياولد يا مازن
عدى بغيظ :- زيك كدا
يامن بقرف :- لا شبهك
رعد بغيظ :- قسماً بالله اتزوج وانا افلقك نصين
يامن بذعر :- نصيحه بلاش
وعد بشر :- بتقول ايه
يامن بخوف :- ب.بقوله زين ما قولت
مازن بسخرية :- والله تستاهلوا احمد ربنا انى مقولتش انكم عايزين تطلقوهم وتسبوهم يشحتوا بالعيال
يامن خوف :- لا كتر خيرك ازيك يا ام رحيم
وعد بنبرة مرعبة :- ام رحيم هتقتل ابو رحيم
يامن وهو ينظر للرحيم بدموع :- منك لله انت وامك
رعد بصدمه :- الواد ده كذاب
رهف بغيظ :- أما مارفعت عليك قضيت خلع وشردت اهلك
رعد بتأكيد :-رهف وتعمليها
عدى وهو يقترب من مازن بشر :- مــــاازن
ركض مازن بعيداً عنهم وخلفه عدى، الذى توقف عند رايت زينب تدخل وعلامات الغضب تعلو معالم وجهها وهى تجلس بجوار سهير التى نظرت إليها بتعجب وقالت :- فى ايه يا زينب
زينب وهى تنظر لطارق الذى يركض خلفها ويقول :- زينب يابنت الناس اسمعينى
زينب بغضب :- قولتلك مش عايزه أسمع حاجه
يامن بتعجب :- فى ايه ياماما
عدى بدهشه :- انتو بتتخانقوا
مازن بسخرية :- لا بيلعبوا
نظر له عدى بغضب وقالت زينب بضيق :- طارق حل عنى الساعه دي
يامن بذهول :- الرجل ده عملك حاجه
زينب بضيق :- عملى حاجه هو عايز يموتنى
يامن وهو ينظر لطارق بتعجب :- نعـــم ..بتقولى ايه يبقا اخلعه ليكى
طارق بصدمه :- انت اهبل يلا ولا اى مصيبه داخل فيها
يامن بغيظ :- دى امى ولا نسيت تحب اوريك شهادة الميلاد ليا حق فيها اكتر منك
طارق بغيظ :- يامن متدخلش انت خليك فى حالك
يامن وهو يمسك يد أمه بتأكيد :- ولا دقيقة خدى
اعطي يامن لامه عدت اوراق وقال :- أمضي هنا وكل حاجه هتكون تمام
نظرت زينب للاوراق بتعجب وقال طارق بذهول :- ايه ده
هز يامن رأسه وقال :- اورق الخلع
عدى بصدمه :- انت شيل الورق معك
رعد بسخرية :- ههه ده شيلهم فى جيبه
وعد بصدمه:- انت عايز تخلع امك
يامن بتأكيد :- ايوه وبعدين مش اول مره يعنى
عدى بذهول :- لا انت عبيط
طارق بغيظ :- يامن اخفى من وشي احسن لك انا والله مش نقصك وبعدين امك هى إللى غلطانه
يامن وهو يجلس بجوار أمه :- امى مش بتغلط
رعد بضحك :- والله ياعمى الله يكون فى عونك
طارق بنفذ صبر :- يامن افهم وبعدين اتكلم امك حامل
فتح يامن عينه بصدمه وهو يقول :- احــى
وعد بذهول :- حامل
مازن وهو يعطى براء لوعد :- بتهزار مش معقول
ليلة بفرحه :- الله حلو اوى
رعد وهو يكتم ضحكته بصعوبة :- ههههه م.مبروك ياعدى
عدى وهو يلطم وجهه بصدمه :- انتو بتهزروا صح
زينب وهى تنظر لطارق بغيظ :- شوفت انا قولتلك ايه
سهير بذهول :- مبروك يازينب
زينب بغيظ من سهير :- مبروك ايه انتى التانيه
رهف بضحك :- واو يعنى بيبى جديد فى العيلة
زينب بشر :- رهف هقوملك
رهف بلا مبالاة:- وانا مالى
طارق بستفهام :- وفيها ايه انا عايز اكون اب وحس بالابوه  
برق عدى وجهه لولده وقال :- وانا والخياره إللى جنبك ده ايه
مازن بلا مبالاة وهو يقترب من والده بفرحه :- مش مهم المهم هيكون فى عندنا بيبى
زينب بغيظ :- ويعنى كل الموجود ده مش مكفيك
ليلة بضحك وهى تنظر ليامن :- اتخرست دلوقتى
يامن وهو ينظر لامه بذهول :- انا مبسوط اوى
زينب بضيق :- لا والله انتوا عايزين تجلطونى صح
يامن بنفى :- بعيد الشر عنك يا حبيبتى بس ده خبر حلو
طارق بتأيد  :- وانا قولت كدا انتى لسه صغير وانا كمان
يامن بنفى :- خليك فى نفسك انت هى بس الصغيره
طارق بقرف :- تصدق بالله مش انت ابن المره دى بس مش ضايق شكلك
يامن وهو يهز رأسه بتأكيد :- الراي متبادل
زينب بضيق :- يجماعه انتو ليه مش فاهمين انا كبرت انا جدة
طارق وهو يجلس بجوارها بحب :- زينب ياحبيبتى انا عارف أننا كبرنا بس انا عايز اجيب عيال منك انا مش هقدر اخليكى تنزلى الطفل ده ومش هغضب ربنا مننا يازينب ايوه معانا ولاد بس انا عايز حاجه تجمع الاتنين
زينب بتوتر وخجل :- طارق انت متاكد من قرارك
طارق وهو يقبل يدها بحب :- اكتر من اى حاجه فى الدنيا كفايه أنها حتى منك انا اسعد انسان انهارده
ليلة وهى تنظر إليهم بحب :- الله 
وعد بدموع :- حلوين اوى
رهف بعجاب :- والله ياحب زى ده يابلاش
عهد بهيام :- ربنا يحفظهم
نظر إليهم الشباب بقرف وقال عدى بغيظ :- ماجبالكم اتنين لمون احسن
يامن بسخرية :- وانت الشجره
مازن بفرحه :- انا مش مصدق هيكون عندى نونه الله
يامن وهو ينظر لعدى بقلق :- انا حاسس ان اخوك عنده تعوق اطفال
عدى وهو ينظر لمازن بقرف :- عيلة كلها مجانين
رعد وهو ينظر لعمه بضحك :- مبروك يا عمو
طارق وهو يمسك يد زينب ويصعد للأعلى :- حد يعمل لحبيبتى لمون
مازن وهو يركض للمطبخ :- انا هعملها بس براحه عليها
يامن بصدمه :- ايه ده
رعد بضحك :- هههه لسه مجربش هههه
يامن وهو ينظر لرحيم وبراء بغيظ :- لو يعرفوا إللى فيها ياعينى ...،