غفران قلب مظلوم

البارت السابع والعشرين ♥️🖇️

✨✨✨✨✨✨✨✨✨✨✨✨✨✨

وبعد مرور بعض الوقت من نقل وعد إلى أحد الغرف وجلوس الجميع بجوارها ،،،
فتحت عينها بتعب وهى تغمضهم مجدداً بالم يطوف كل أنحاء جسدها وهى تبلع رايقها بوجع فتحتهم مره اخرى وهى تنظر ليامن الذى يقف فى المقابل منها وهو يبتسم لها بحب وعيون قلقه وهو يقول :- وعد انتى كويسه
وعد وهى تنظر للمكان من حولها لوجود الجميع بجوارها وهى تقول :- انت السبب منك لله
يامن بغيظ :- ياوعد بقا
ليلة بتأكيد :- معاكى حق منكم لله فعلاً.. مش بتجيبوهم انتو ليه
عدى بصدمه :- انتو ايه اللى بتعملوا فى حياتكم غير حتة المفعوص أو المفعوصة إللى بتجبوها بس
رهف بغيظ :- ويعنى انتو ايه إللى بتعملوا فى حياتكم أصلاً
وعد وهى تنظر ليامن بقرف :- فالح يتشرط عايز ولد ولا بنت
يامن بشهقه مصدومه :- انا امتى ده انا لسه عارف انك كنتى حامل فى ولد أصلاً
وعد بالم :- اخرس انت مش عايزه أسمع صوتك
زينب بضحك :- حبيبتى قولى الحمدالله انك والدتى بسلامه
وعد بغيظ :- ما انتى أمه هتقولى ايه غير كدا
زينب بصدمه :- بقا كدا تصدقى انك جزمه
سهير بضحك :- يجماعه كفاية خناق كدا .. الف حمدالله على السلامه يا حبيبتى
وعد بالم وهى تحاول النهوض قليلاً :- الله يسلمك ياماما
ليل وهو يجلس بصمت حتى ينتهى هذا الاشتباك المعروف وقال :- حمدالله على السلامه ياوعد
ابتسمت وعد بتعب وقالت :- الله يسلمك يا ابيه
عهد وهى تساعد وعد على الجلوس :- انتى كويسه
وعد :- الحمد لله
ثم نظرت وعد ليامن بقلق :- فين الطفل
يامن وهو يهز رأسه بنفى :- معرفش
برقة وعد عينها بصدمه وقالت :- يانهار اسود انت بتهزر
يامن وهو ينظر لها بتأكيد :- والله معرفش هو فين
وعد وهى تنظر له بشر :- لا والله محدش يمسكنى سيبوني عليه ابعدوا عنى
ليلة بضحك :- اهدى يا وعد
وعد بغضب :- اهدا ايه هو كيس لب الواد فين
رهف وهى تنظر لها بضحك :- متخفيش رعد راح علشان يجيبه هنا
زينب وهى تقترب من يامن بحزن :- هو هيعرف مكانه منين ياوعد لسه مجربش الأمور ده
وعد وهى تنظر ليامن بغيظ والى الباب الذى يفتح أمامها ويطل منه هذا الصغير الذى بين يدين رعد بابتسامه وهى تقول :- ابنى
يامن وهو يقترب من الطفل بنظرات توتر وفرحه نظر لرعد الذى يمد يده ويعطيه له بحنان ويقول :- الف مبروك
فتح يامن زراعيه بتوتر ملحوظ وخوف من أن ياذي وهو يقول بخوف :- بلاش
عدى بضحك :- انت هتاكله امسك متخفش
نظر يامن لليل الذى يبتسم له بتشجيع
وضع رعد الطفل بين يديه وهو يقول :- هتسمى ايه
عانق يامن الطفل وهو ينظر إلى صغر يده ووجهه وهو يتطلع فيه بعيون دامعه ويقترب من وعد التى تبتسم له بحب جلس بجوارها وهو ينظر لها ولطفل بحنان ويقول :- رحيم
قطب رعد حاجبيه وقال :- رحيم
عهد بعجاب :- حلو اوى
ليل بتأكيد :- جميل الاسم
رعد بغيظ :- وحش
نظر له يامن بدهشه :- ليه
رعد وهو يجلس بجوار رهف ويحمل صغيرته بضيق :- هو كدا
رهف بضحك :- رعد حلو همم
رعد بغيظ :- ماله رعد زى العسل
اقترب مازن من الخارج وهو يحمل كثير من البلالين التى ملئت الغرفه من حولهم وقال :- وحش اوووووى .. حلو رحيم حبيب عموووووو اصغير تعال بين احضان عمك ياقلبى
يامن بغيظ وهو يكاد أن لا يرا المكان من حوله :- اطلع بره ياحيوان
قال مازن وهو يصرخ بغيظ :- لاااااا هات العيل انا عايز الطفل
يامن وهو يصرخ بغضب :- لاااا والله اموتك يامازن الكلب
مازن وهو يحاول اخذ الطفل من بين يدين يامن :- هات الواد اعمالكم مصيبه والله
وعد وهى تنظر له بشر :- مازن ياحيوان الشوارع اطلع بره
مازن بدموع :- ربنا على المفتري
عدى وهو يقترب منه بحزن :- معلش ياحبيبى تعالا اخلى ليلة تجبلك واحد
ليلة بغيظ :- شايفنى مجنونه علشان اعملها تانى ده بعينك
مازن بقرف :- وانتى حد قالك أنى عايز منك حاجه
نظر إليه عدى بغيظ :- تصدق بالله انت عيل كلب ماتستهل حاجه
مازن بقرف :- انتو اصلا عيله كلها معفنه وأن شآء الله هتبرا منكم قريب
عدى بنظرات مستهزاء :- فى داهيه وفرت
رعد وهو يقترب من مازن بحزن :- والله حرام عليكم الواد عايز يشيل العيل تعملوا فيه كدا
مازن بنظرات ساخره :- وانت جبت الحنان المفاجئ ده منين
رعد بغيظ :- عدى معه حق اطلع بره
ليل بضيق :- كفاية كدا دى مستشفى وبعدين وعد تعبانه كله برا
نظر الجميع لليل بغيظ ونظرات قاتله وقالت عهد بحزن :- بس انا عايزه اشيل النونى
ليلة بحزن مشابه :- وانا كمان
زينب بغيظ :- وانا ام ابوه يعنى لازم آشيل اول حد
سهير بنفى :- لا انا ام ابوه الكبيره ولازم اشيل اول وحده
زينب بغيظ :- لا ياسهير انا الاول
سهير بصرار :- لا انا الاول
طارق بصدمه وهو يقف بينهم :- اهدوا ياجماعه
زينب وهى تقف أمام يامن وتقول بعند :- يامن هات انا
سهير وهى تنظر ليامن بنفى :- انا يايامن
بلع يامن رايقه وقال بتوتر :- هه.هه ه هو نايم
زينب بتأكيد :- متخفش انا عارفه اتصرف معه هات
سهير بسخرية :- ويعنى انا إللى فاشله يازينب
زينب بصدمه :- انا مقولتش كدا ياسهير
سهير بصرار وعناد :- تمام هات الولد يايامن
زينب بعناد هى الاخره :- لا ياسهير انا إللى هشيل رحيم
يامن وهو ينظر للطفل الذى بين يديه ويقول بتوتر وهو يطلع فى الاثنان بخوف :- انتو عايزين ده
الاثنان بتأكيد وصوت واحد :- ايوه
يامن وهو ينظر لليل بخوف :- ليلللل الحقنى
ليل وهو يحاول كتم صوت ضحكته وهو يقول :- احم ياجماعه عيب كدا وبعدين هو هيروح فين موجود سبوا الطفل مع أمه وأبوه ووقت مانرجع البيت هو بتعكم
نظرت سهير وزينب لبعضهم البعض وقالوا معاً :- ماشى فى البيت
ابتسم يامن براحه بعد خروج الاثنان من الغرفه ونظر عدى لرعد بصدمه وقال :- هما ليه مفيش حد فيهم عملوا كدا وقت ما جبنا العيال
رعد بنفى :- مش عارف الواد ده أنا خفت منه من دلوقتى
عدى وهو ينظر للصغير الذى بين يدين يامن وقال :- وانا كمان
ليل بضيق :- انا قولت الكل بره ولا كل واحد بدوره هنا
نظر له عدى ورعد بغيظ وهم يخرجون من الغرفه وتركوا يامن يحمل هذا الصغير الذى يشعر بشيء غريب تمكن من قلبه بمجرد أن حمله بين يديه، كأنه ولد من جديد وفى الحظة التى شعر به ينام بين يديه كأن قطعه من قلبه يمسكها وليس ابنه ،
رفع عينه لليل الذى ابتسم له بحب أبوي وهو يقترب من الباب ويخرج للخارج استدار بجسده لوعد التى تنظر له بعيون تلمع بدموع وهى تقول بحب :- مبروك عليك رحيم
ابتسم يامن وهو يجلس بجوارها ويقول :- مبروك عليا انتو .. انا بحبك
ابتسمت بدموع وهى تضع راسها على كتفه وتغمض عينها براحه وامان ..،