أصفاد الصعيد

الفصل السادس وعشرون

الفصل السادس وعشرون..

يجلس بصمتِ تام مُنذ جلوسه كلما حاول التحدث صمت مره اخرى مُعيدا ترتيب كلماته واختيارها بعناية حتي لا يخطئ  بينما تفترسه عيون رحيم الجالس امامه بثباتِ ينتظر حديث ذلك الغريب الجالس امامه في توتر يكسو ملامحه ..
ولكن مع هيئته تلك يرى بانه صاحب مركز مهم ويحتل مرتبة من الرقي والاحترام ..
قاطع صمتهم حديث رحيم قائلاً: قالوا إنك بتسأل عليا بس من ساعه ما شوفتني متكلمتش ولا قولت عاوز اي؟!..

حمحم قليلاً ليعتدل في جلسته قائلاً: انا فعلا بحاول أرتب كلماتي واعرف ابدأ منين ..

ابتسم رحيم قائلاً: اتكلم وانا حاول أرتب عاوز اي بالظبط ..

استكمل حديثه قائلاً: انا كريم السيوفي الدكتور اللي كنت بدرس ل للأستاذة ريم في الجامعه..

ضاق ما بين جبينه قائلاً: دا قبل ما تنقل هنا ولا انت دكتور جديد عندنا في البلد .. !

اعتدل كريم في جلسته مره اخرى قائلاً: لا كنت في القاهرة مش هنا يا أستاذ رحيم..

ابتسم رحيم قائلاً: اهلا بحضرتك يا دكتور كريم دا انت نورت البلد كلها .. بس برضو في اي جايب حضرتك لحد هنا !..

ابتسم كريم ليستكمل حديثه قائلاً: البلد منورة بناسها يا استاذ رحيم .. واللي جابني هنا هو اني اطلب ايد اخت حضرتك ..

نظر رحيم حوله قائلاً: بس مش شايف يعني اهلك معاك ولا انت ناوى تطلبها لوحدك ؟!..

اجابه كريم سريعًا مُرددا: اول ما هي توافق وحضرتك توافق هيجوا علي طول !..

امتعن رحيم النظر في وجه كريم قائلاً: يعني انت لغيت فرحك اللي المفروض بكرا!.. عشان تيجي تطلب ايد ريم يا دكتور كريم؟!..

احتلت الصدمة معالم وجه كريم ببراعة وكأنه يُخيل بأنه استمع لكلماتِ أخرى للتو .. والسؤال الذى يدور في عقله الآن هل يعلم رحيم كل شيء قبل أن يتفوه به؟!..

حاول أن يتلاشي صدمته سريعًا قائلاً: مقدرتش ابعد عنها اكتر من كدا يا استاذ رحيم .. كنت بوهم نفسي انها مجرد طالبة عندى لحد ما قلبي هو اللي اتمرد عليا ..

ابتسم رحيم بسخرية قائلاً: واكتشفت دا لما خطبت وكسرت قلبها يعني .. ولا لما خليتها تقضي الليل كله بتفكر هي غلطت في اي  !

استولي الحزن علي مُقلتيه قائلاً: صدقني يا استاذ رحيم كان في حاجات كتير وقتها خلتني اخد القرار دا وقتها بس دلوقتي اتاكدت من حبي ليها بجد خليني بس اشوفها ..

نظر له رحيم بشك يحوم بمُقلتيه ولكن تلامس الحزن المستحوذ عليهم ليردد قائلاً: اسمع يا كريم انا هخليك تقعد معاها هي مره واحده بس ولو اقتنعت بكلامك ساعتها هيكون في كلام تاني بس لو مقتنعتش وكانت لسه رافضه ساعتها تاخد بعضك وتروح مكان ما جيت .. انا مش هقدر استحمل دمعه واحده من عيون ريم تاني ..