ကျန်းထျန်နှင့်ယှဉ်ရင် ချူယီကမှပိုပြီးအလုပ်ကြိုးစားပေသေးသည်။
ကျန်းထျန်သည် နှစ်ပတ်ကြာခရီးထွက်ခဲ့တာဖြစ်သည်။ပထမတစ်ပတ်ကတော့ အဆင်ပြေနေသေးပေသည်။သူ၏ ညီငယ် ညီမငယ်လေးများသည် အလွန်နာခံကြပြီး Xiao Gao သည် သူတို့၏နေ့စဉ်ဘဝများကို ဂရုစိုက်လေ့ရှိသည်။ဒါကြောင့် သူတို့ဒယ်ဒီဟာ ဒါနဲ့ပတ်သတ်ပြီး စိုးရိမ်စရာမလိုပေ။သို့သော်လည်း ဒုတိယအပတ်မှာတော့ သူတို့မာမီ၏စည်းကမ်းတွေနဲ့ကင်းကွာနေသည့် ဂေါ်ဖီထုတ်လေးနှစ်ထုတ်သည် သူတို့၏ကာလာအစစ်အမှန်ကို ထုတ်ပြလာကြသည်။
မနက်ခြောက်နာရီဝန်းကျင်လောက်မှာ ချူယီ အိပ်ယာထပြီးရေချိုးလိုက်သည်။ပြီးနောက် သူ့အိပ်ယာကိုသိမ်းလိုက်ပြီး နောက်ဆုံးမှာစာကြည့်လိုက်သည်။စာကြည့်ပြီးသည့်နောက်မှာ တစ်ဖက်ခန်းရှိ သူ့ညီလေး၏အခန်းတံခါးကို သူသွားခေါက်ခဲ့သည်။
လျန်ရှန်းမထသေးမှန်း သိတဲ့အတွက်ကြောင့် ချူယီတံခါးကို တွန်းဖွင့်လိုက်သည်။
အခန်းထဲရှိကန့်လန့်ကာတွေကို တင်းတင်းကျပ်ကျပ်ပိတ်ထားကာ အရုပ်တွေသည် ကြမ်းပြင်ပေါ်တွင်ပြန့်ကျဲနေပြီး ကျိုးပဲ့နေသည့်အနီရောင်ရွံ့စေးတွေထွက်ကျနေသည့် ကျောင်းလွယ်အိတ်သည် အဝတ်အစားတွေအောက်မှာရောနှောနေသည်။ချူယီသည် လျန်ရှန့်အိပ်ပျော်နေသည်ကို တည်ငြိမ်စွာကြည့်ရင်းကုတင်ဘေးနားသို့ လျှောက်လာခဲ့သည်။သူသည် ကြယ်ငါးပုံစံအတိုင်းအိပ်နေပြီး စောင်ကို ကုတင်တစ်ဖက်သို့ ကန်ထုတ်ထားသည်။ပိုဆိုးတာက ဝက်ပေါက်လေးသည် စောင်ပေါ်မှာ ဆေးခြယ်ထားသေးသည်။
သန့်ရှင်းပြီး စေ့စပ်တင်းကျပ်တာကို နှစ်သက်သည့် virgo တစ်ယောက်အနေနှင့် ငယ်ရွယ်သည့် ချူယီလေးဟာ ဒီမြင်ကွင်းကြောင့် အသက်ရှူကျပ်တော့မည်ဟု ခံစားလိုက်ရသည်။
သူတို့မာမီ အိမ်မှာရှိတုန်းဆိုရင် သူ့ညီငယ်ညီမငယ်လေးတွေသည် အလွန်လိမ္မာရေးခြားရှိပြီး နာနာခံခံရှိကြလေသည်။သူတို့ဟာ ဒီလိုဖွတာမျိုးမလုပ်ကြသလို အရာဝတ္ထုတွေအပေါ်မှာ ရေးခြစ်တာမျိုးကိုလဲ မလုပ်ကြပေ။အခုတော့ရက်အနည်းငယ်ပဲရှိသေးသည် သူတို့၏ပုံစံအစစ်အမှန်ကို ပြသပြီးနေကြပြီဖြစ်သည်။
YOU ARE READING
မြတ်နိုးရသူ ဗီလိန်၏ ချစ်ဇနီး Completed✓
Romanceဒီ Novel လေးက တော့ တော်တော်များများ ဖတ်ဖူးပြီးဖြစ်လောက်မှာပါ ထွေထွေထူးထူးတော့မပြောတော့ပါဘူး ကိုယ်က 112 to completed ထိကို ဆက်ဘာသာပြန်ပြီး တင်ပေးသွားမှာပါ 1 to 111 ကိုကတော့ Pure__Taro ဆိုတဲ့ acc မှာ သွားရှာဖတ်လို့ရပါတယ် Start Date - 13 Sep,2022 End...
( 119.1 )
Start from the beginning
