باقي اسبوع عن عرس اليازية ومنصور واغلب العائلات عندنا ف العين يفضلون الملجة تكون قبل العرس بيوم او يومين, وهم حددوا الملجة تكون قبل العرس بيوم
ف بيت راشد
سيف : رفقة ابويه خلنا نملج وياهم
ابوسيف : قلت لك ماشي
سيف : اميه قولي شي
ام سيف : اقولك حشرتنا تراك مب يايه تطير لطوف
سيف : خلونا نملج رباعه شو بيستوي يعني الا هي ملجة
ابو سيف : امس خاطب تريا
سيف : لو اليوم عادي انا ابا الملجة عقب اسبوع
ابو سيف : سيفوه قوم اجلب ويهك عنيه حشره تراك تقول ياهل
سيف : ماعليه بروح بس ملجتيه عقب اسبوع قلت لكم
طلع سيف من بيتهم راح بيت يدته الي مستحيل حد يقولها لا وقعد عندها وسولف شوي وعقب قالها الموضوع
اليده : انزين صدقة ابوك توك خاطب ماقلنا بسم الله بعدين لطيفة يبالها وقت تزتهب وتعدل امورها وعقب يستوي خير
سيف : انزين اميه انا ماقلت بعرس الحين الا هي ملجة دخيلج اميه رمسيهم بنخليها ف يوم واحد عند يزوي ومنصور
اليده : بشرط
سيف : عيوني لج
اليده : نشوف راي لطيفة قبل اذا وافقة برمسهم وبخليهم غصب يوافقون
سيف : والله تم الحين كلميها
اتصلت اليده للطيفة
اليده : هلا لطيفة شحالج
لطوف : مرحبا اماية بخير فديتج شحالك
اليده : بخير الحمدالله لطيفة بغيت اتخبرج
لطوف : امري فديتج
اليده : سيف يبا الملجه عند اليازية ومنصور شو رايج
لطوف : مادري امايه
اليده : ماشي مادري يا هيه يا لااء
لطوف : عادي امايه الي تشوفينه
اليده : افهم انج موافقة؟
لطوف والكلمة غصب تطلع : هي
سكرة اليده عنها
سيف : ها شو قالت موافقة صح ؟
اليده : لا
سيف : قولي والله
اليده : اصغر عيالك انا ؟
سيف : محشومه فديتج
اليده : عقب شوي يوم كلهم بيون بقولهم يخلون ملجتكم عقب اسبوع
سيف طار من الفرحه : فديتها ما تقدر تعيش بدوني
اليده : ايه حشم اني موجوده
استحا سيف وقعد مكانه يتريا الكل ايي بيت اليده وطبعا لطيفة كانت معاقبة ما تروح بيت اليده عشان ما تشوف سيف. واول ما دخل ابوه وعمه
سيف : اميه لا تنسين موضوعنا
اليده : سيف وايد مستخف هالكم يوم اعقل شويه
سيف : كله من بنت ولدج
اليده عطته نظره خلته يسكت
اجتمع الكل وفتحت اليده الموضوع وخلتهم غصب يوافقون بدون اي اعتراض وعقبها طلع سيف
: الوه
سيف : تزهبي الملجه اليمعه اليايه
لطوف : قول والله
سيف : والله ما تعرفين شو سويت عشان خليتهم يوافقون
لطوف : انزين انا جيه ما عندي وقت عشان اخلص اموريه
سيف : حبيبي بس ملجة والحفله بتكون عائليه يعني ما يباله وايد واصلا انتي بتتحنين وبتخلصين امور الصالون عشان عرس يزوي صح
لطوف : صح بس بعد لازم ادور شي البسه
سيف : لو شو ما تلبسين بتكونين احلا من خلق ربي
لطوف : اونه!
سيف : هذا الصدق
لطوف : فديتك
سبف : لو تعرفين شكثر اشتقت لج ماقدر اتريا اسبوع بعد ما اشوفج ماعرف شو كنت بسوي لو ما وافقوا ع الملجه
لطوف : حتى انا اشقت لك وايد
سيف : عقب ابسوع ابا اشوف حد يمنعج تشوفيني
لطوف : شو بتسوي
سيف : بخطفج من بيتكم
تموا يضحكون مع بعض مهم مستانسين ويخططون شو بيسون
وبالباجر تجمعا البنات عندها عشان يشوفن شو بيسون
يزوي : انا خلصت كل شي وحجزت المحنيات بينا يوم الخميس
ودوم : وانا توني حاجزه بكج بولقاري لكن انتن الثنتين ونحنا عادي بنروح الصالون (بكج بولقاري عند شيفال صالون يكون هوم سيرفيس)
لطوف : كل شي اك بس باقي لي لبسه من وين باخذ ماشي وقت
عنود : ماعليه انا اعرف كم مصممه بنروح نشوفهن
ميروه : صراحتنا سيفوه وايد مستعيل
يزوي : بنلحق بنلحق واذا ماشي عيبج بنروح دبي ولا بوظبي وختاري ع عينج
لطوف : خايفه
ودوم : من شو خايفة ؟
لطوف : مادري بس احس كل شي بسرعه
يزوي : ماله داعي تخافين كلنا وياج وبتخلصين بسرعة
اتفقن البنات ع الامور قلها وحددنا وين يبن يسيرن وشو بيسون
فليل وصلها اشعار هي كانت ناسيتنه
: ربي يبارك لكم ويسعدج
لطوف : امين وعقبالك
ناصر : ما اعتقد
لطوف : ناصر الحياه قافله تسير بدون ما توقف لا تتريا حد يوصل ولا ترد عشان حد عيش حياتك
ناصر : ان شاء الله
لطوف : اتمنى هذي اخر مره اكلمك فيها
ناصر : تامرين شي ف خاطرج غير
لطوف : سلامتك
وبعدها طلع ناصر من حياة لطيفه نهائيا( مع اني ما اعتقد هالشي بيستوي )
YOU ARE READING
صدفة مستشفى توام
Romanceصدفه في المستشفى تحيي دقات قلوب من زمان موقفه. تجدد في هذيج الصدفه حب مدفون من سنين طويله.
