السلام عليكم . سوري ادري كم يوم ما نزلت شي بس انشغل شوي
ميره وهي تصارخ : لطوف يا حيواااانه
لطوف : اوفف شو تبين انتي من الصبح
ميره : شو الصبح استوى الضحى نشي دوام
لطوف : ميروه زولي عن ويهيه مابا اداوم
ميره : نشي نشي جداميه
لطوف : طلعي برا
ميره : نشي اقولج دوام
لطوف : انزين طلعي خلاص فهمت
طلعت ميره وردت لطيفه تبا تكمل رقاد
سيف الي بعده بعده ع الخط : ماشالله وايد نشيتي!
لطوف : سيفوه خلني ارقد امس ما خليتني تراك وايد تهذرب
سيف : نشي انتي الحين وانا بعلمج عقب منو الي يهذرب ع راس الثاني
لطوف : افتك من ميروه تطلع لي انته
سيف : انتي ليش ما تقفلين الباب
لطوف : مره ثانيه بقفله
سيف : تدرين انه عندي اجازه؟
لطوف : هيه اسكت خلني بنام وياك ع الخط
سيف : والدوام الشيخه
لطوف : انا ابا اتم وياك ما تباني شوه؟
سيف : خلاص نشي قفلي الباب عشان ما ترد ميروه
نشت لطيفه قفلت الباب وردت تنام وسيف نفس الشي كمل نومه.
حس بشعور وايد حلو يوم قالت له انها تبا تتم وياه، كانت تعلقه فيها كل يوم اكثر عن اليوم الي قبل بكلامها واسلوبها وتصرفاتها العفويه. وهي كانت تستانس ع حنيته لانه يعوضها عن حنان ابوها الي كان دوم مشغول ف شغله ودوامه عنها، صح ابوها ما يقصر فيها ووايد يحبها بس بعد مب موجود اربعه وعشرين ساعه عندها وهذي اول مره لها تكلم حد طول الوقت وتلتقي فيه بعد ويهتم فيها.
نشوا الظهر مع بعض وطلع سيف يخلص له كم شغله وهي تمت وياه ع الخط لين خلص شغله وهي خلصت كشختها عشان يتلاقون ف بيت اليده.
لطوف : سيفوه يوم بتدخل لا تقفل سيارتك
سيف : اصلا ما قفلها بس ليش
لطوف : ماشي بس اقولك
سيف : والله تقولين ليش
لطوف : طالبه طلبيه بحطها عندك
سيف : وشو هالطلبيه الشيخه لطيفه؟
لطوف : خلاص لا تحن شرات لعيوز لمطلقه بتعرف عقب
مات سيف من الضحك ع كلمتها : ماعليه بقول لاميه عوشه تقولين العيوز مطلقه تحن
لطوف وهي تضحك وياه: اسكت مره سمعتني ونقمتنيه بعد
سيف بعده ميت ضحك عليها
(يدهم مطلق يدتهم من زمان وماخذ وحده ثانيه وعندها عيال وبنات بس مب عايشين عندهم ما يشوفونهم غير ف المناسبات)
لطوف : يالله يالله جلب ويهك بطلع وانته لا تتأخر
سيف : خلاص وصلت عند الحاره
لطوف : باي
دخلوا بيت يدتهم مع بعض وكان بعدهم الباقين ما وصلوا، كان الموجود عمهم علي وناصر ومنصور ووديمه وعنود.
سيف ولطيفه : السلام عليكم
الكل : وعليكم السلام
سلموا ع الموجودين وقعدوا يسولفون
عنود : وين ميره ودانه؟
ودوم : ف بيتنا قاعدات هناك ما طاعن اين
لطوف : ويزوي وين؟
عنود : راده من الدوام تعبانه ونامت
ودوم : لطوف يالخايسه ليش ما داومتي اليوم
لطوف : نايمه الصبح ماقدرت انش
وشوي ويوصلها اتصال وطلعت
خذت الطلبيه من عند المندوب وخذت منها اغراضها وخلت اغراض سيف ف الكيسه وحطتها ف سيارة سيف
كان في حد يراقبها من الدريشه (منو تتوقعون؟)
دشت حطت اغراضها عند طاولة المدخل وقعدت عند البنات
فليل عقب ما راحوا الكل وراحوا الشباب الميلس
علي : سيف تعال اباك شوي
سيف : شو مستوي
علي : بنروح السياره
طلعوا مع بعض صوب السياره وسيف وايد مستغرب
علي : سيف شو الي بينك وبين لطيفه!
سيف : شو بينا
علي : انا مب ياهل قدامك رمس
سيف : ماشي
علي : سمعتكم تسولفون يوم كنتوا ف المستشفى قبل ما دخل وادري كل يوم الصبح تتريقون مع بعض ف بيتنا واليوم ياين مع بعض من غير الاغراض الي حطتها ف سيارتك، هذا كله وماشي
سيف : لطيفه بنت عميه وانا اباها بس ماقدر اخطبها الحين
علي : انته تعرف لطيفه اغلا بنات خوانيه لا تتحراني اذا تغاضيت عن الموضوع يعني مب فاهم اذا تبا فلوس قولي وانا بعطيك المبلغ الي تباه
سيف : توها من كم اسبوع خطبوها منصور وذياب ولا وافقة ماقدر اخطبها الحين اصبر علينا شوي بس
علي : ما وافقة عشانك
سيف سكت ولا عرف شو يقول
علي : يعني تحبون بعض من زمان! عيل ليش ما خطبتها قبل؟
سيف : صح من زمان بس ما كنا نرمس بعض ولا كنا ندري الا عقب سالفة الخطبه
علي : سيف انته ولد اخويه ولطيفه بنت خويه مابالكم الشر بس لو درا ابوها ما بيستوي خير ولا تتحراه بيوافق عليك
سيف : ماعليه بتصرف
علي : اتمنى بسرعه
تكدر خاطر سيف هذيج الليله حتى ماكلم لطيفه وهي يوم شافته مارد توقعت عنه عند الشباب وخذت لها بندول نايت ونامت
YOU ARE READING
صدفة مستشفى توام
Romanceصدفه في المستشفى تحيي دقات قلوب من زمان موقفه. تجدد في هذيج الصدفه حب مدفون من سنين طويله.
