صدفة مستشفى توام

2

السلام عليكم مدامكم وصلتوا هالبارت شو رايكم تقولولي رايكم ف الي قريتوه؟

اليوم بنشوف الاحداث من منظور سيف

ياني اتصال كان مندوب يسأل عن مكان الغرفه يايب فواله قلت له عن المكان ووصل وخذيت الاغراض الي عنده وسألت الكل اذا يعرفون منو مطرشنه بس ولا حد يعرف عقب ساعه تقريبا وانا راد لغرفة ابويه لاقيت لطيفه بنت عميه. ف البدايه ما عرفتها بس يوم تكلمة تذكرتها ودخلنا مع بعض ووقفنا قدام بعض بينا بس سرير ابويه، ومن كلامها مع البنات فهمت انها هي الي طرشت الفواله رفعت راسي اشوفها مستغرب وافكر كيف عندها رقمي؟ لكن وانا اطالعها رفعت عينها هي بعد وشافتني كانت نظراتها وايد حاده ف البدايه بس بعدين شفت في عيونها شي وايد عميق عيونها كانت وايد تلمع وملامحها تغيرت مثل الي ارتبك وبعدين مسكت فونها وسوت نفسها مشغوله مع انه مبين عليها تخفي ارتباكها.
مر اليوم وانا بس افكر كيف عندها رقمي وانا مب وايد عند بنات اعمامي ولا اتذكرهم وايد لاني عايش عند خوالي.
ياربي شو فيني انا اليوم مب قادر اطلعها من بالي.. عيونها فيها شي وايد غريب كأنها مجره تلمع ووايد حلوه ماشاءالله ما كنت متوقع انها بتكبر وبتستوي حلوه جيه.. اففف كان ف خاطري اشوفها اكثر ولا تنزل عينها. . ياربي لازم انام ورايه نشه الفير.
هذا كان حوار سيف مع نفسه طول الليل وهو يعيد ويزيد ف هالافكار كان يحاول يطلعها من باله كثر ما يقدر بس لطيفه كانت مسيطره ع تفكيره، مر الليل كله ولا نام نش عند الصلاه بعد ما يأس من محاولات النوم الفاشله تسبح وصلى وطلع بيسير يتريق وعقب بيروح عند ابوه لانه بيطلع من المستشفى.
عدا اليوم على سيف وهو مشغول ف المستشفى عند ابوه وستوى العصر، دخل سيف البيت وكل العايله مجتمعه ع سلامة بو سيف ومسوين عشاء. اول ما دخل لمح حد قاعد ف الصاله الداخليه دق الباب ودخل وكانت لطيفه الي قاعده وعاطيتنه ظهرها اول ما سمعت صوته نشت وسلمت عليه سيف وايد استانس وبانت الابتسامه على ويهه مع انه كان تعبان هاليوم ولا كان راقد. . كان وده يقعد وياهم ويسولف بس ما قدر لانه مستعيل يبا يدخل غرفته بياخذ اغراض وبيطلع عند الريال.
سيف اول ما دخل غرفته استوعب الي صار وانه ليش مستانس لها درجه يعني؟ وكيف جيه توه كان تعبان ومسطل؟ ومن بعدها عرف انه انعجب فيها وانها دخلة خاطره. رد طلع وكان خاطره يلمح عيونها بس لمحه ع السريع بس للاسف ما شافها.

عـيونك تـجـبر الخـاطر
‏وحبـك غالـب الشاطـر

‏ملكـت الـروح يا روحي
‏ملكت العقـل والخاطر