اليده كلمة عبدالله وميثه (ابو لطيفه وامها) ما يكلمون لطيفه ف الموضوع ويخلونها ع راحتها وطبعا ما قدروا يقولون شي لانها اوامر عليا.
العصر كلهم راحوا المستشفى يسلمون ع سيف الي طلعون من العنايه بعد الاربعه وعشرين ساعه.
اليده : سيف ابويه شو تحس الحين ؟
سيف : الحمدالله اميه اخير لو تبيني ارد عندج البيت الحين برد
ام سيف : لا فديتك مب بشورك بتقعد هنيه اسبوع بعدك
سيف : ماقدر اقعد هنيه
اليده : وليش شو وراك؟
سيف بصوت خفيف : اميه تذكرين الي قلت لج عنها بسير اخطبها
اليده : يوم بتغدي بخير بروح اخطب لك الي ف خاطرك
سيف تشقق من الفرحه وعنود طالعت لطوف الي سوت نفسها ما سمعت شي وتلعب ف فونها
سيف : اميه ما يصير تخطبينها الحين والله بستوي بخير شوفتها ترد الروح
اليده : بتخبركم انتوا شو عاطينه هذا؟
ام سيف : عميته ضربيه وبيسطلب
سيف : اهون عليكم؟
ام لطوف : حرام عليكم ملان والشباب محد
سيف : صدق وينهم؟
ام ناصر ومنصور : منصور عنده شغله يخلصها وناصر رد دوامه بوظبي
لطوف حست بفرحه انه خلاص ناصر رد بوظبي وبيكون بعيد عنها شوي ومب لازم كل شوي تبتعد عن نظراته
ام سيف : نحنا بنروح عيل وبخلي سالم وعيال خالتك ايون
سيف : لا لا قعدوا قعدتكم احلا
يزوي : صدقها اميه عوشه شو عطينك اليوم؟
سيف : لو تدرين اليوم مسيري عليه عرب غالين
عنود : سامحيه سامحيه تأثير البنج مال امس توه يطلع
ودوم : اول مره اشوف سيف جيه
ميروه : والله حتى انا
عنود : شاق الحلج اليوم ومستانس والله من الخاطر
سيف : فونيه وين حد شافه؟
قامت يزوي وعطته الفون
شويات وشاف كل حد منشغل ويسولف وطرش لها : قومي من مكانج وخلج قداميه
هي الي ردت بسرعه لانها تلعب ف الفون : ماقدر
سيف : يالله
قامت وقعدت شوي قريب منه بس يعني يقدر يشوفها اكثر من قبل ما يحتاي يلف ويهه
واستغل الفرصه انها قاعده عدال الدلال
سيف : لطوف صبي لي قهوه
قامت صبت له ولا كأنه في شي وعطته ولا حد اهتم لانه مافي شي وردت قعدت مكانها
سيف : هيه جيه اقدر اشم ريتحج الي اشتقت لها
لطوف : لاوالله مخلني اصبر لك قهوه عشان اتقرب منك وتشم ريحت عطريه؟
سيف : وعشان اخذ فنيان القهوه من ايدج
استحت لطيفه وتمت قاعده جيه مكانها لين يوا بيروحون الكل كان ماخذ اغراضه وياي يبا يطلع لطوف تعمدت تخلي سماعتها عنده ف الغرفه ويوم شافت الكل طلع من عنده قالت لهم يروحون قبلها لانها بترجع تاخذ السماعه وردت
سيف ابتسم يوم شافها داخله عليه : اشتقتي لي بسرعه
لطوف : يت عشان اخذ سماعتيه الي خليتها عندك
سيف : قولي انج مب متعمده
لطوف : الا متعمده ونص بعد
سيف : والله انه حظي عيل
لطوف مسكت اديه وقعدت ع شبريته : اذا تكلمة عن الي معذبتنك مره ثانيه قدامهم براويك كيف بعذبك صدق
سيف ضحك : انزين انتي يا غبيه
لطوف : حتى لو كنت انا
سيف : انزين يا غبيه احبج
لطوف : غبيه لاني احبك شو اسوي
مسك ايدها وباسها : بتكلميني فليل صح؟
وهي تقوم من عنده تبا تطلع : وبنام وياك ع الخط بعد
سيف : باي حبيبي
لطوف : باي حياتي
YOU ARE READING
صدفة مستشفى توام
Romanceصدفه في المستشفى تحيي دقات قلوب من زمان موقفه. تجدد في هذيج الصدفه حب مدفون من سنين طويله.
