نامت لطيفه هذيج الليله وهي مرتاحه تحس انه في شي حلو.
نشت الصبح عند الصلاه خذت لها شور وسوت سكين كير ولبست كندوره بيضاء وشيله بيضاء وتدخنت بكسرة عود وتعطرت بعطرها المفضل لوف من اطياب الشيخ وطلعت بتسير تتريق ف بيت يدتها تحس من زمان ما شفتها لانه لطيفه وايد متعلقه فيها.
لطوف وهي تحضن يدتها : صباح الخير امايه (تقول ليدتها امايه)
اليده : مرحبا مليون بشيخة البنات
لطوف : شحالج فديتج
اليده : بخير يوم انا اصبح ع هالويه
لطوف : فديتج يامايه والله اشتقت لج وايد
اليده : انتي قاطعه مستويه ماتين صوبيه قبل تتعشين عنديه كل يوم
لطوف : ماعليه الحين كل يوم بتعشاء وبتريق بعد
فجأه يندق الباب : هود هود
لطوف تعدل شيلتها
اليده : يا مرحبا قرب ابويه محد
سيف وهو داخل وشال وياه صحن : السلام عليكم (يتجدم يسلم ع يدته وعقب طالع لطيفه) شحالج لطيفه
لطوف وهي تطالع فيه بجديه : بخير الحمدالله شحالك
سيف : نحمد الله (يطالع يدتيه) اميه هذا رطب لقيت الشغاله تبا تيبه وشليته عنها قلت بسلم عليج قبل ماسير الدوام
اليده : فديتك يا بويه زين ما سويت شتقنا لويهك
سيف : فديت ويهج انا ادري اني مقصر فيج ومنشغل بس ماعليه لو دقيقه كل يوم بيج
اليده : القصور يعداك يا بويه عذرتنك ادري عنك مشغول ف هالدوام
كانت لطيفه قاعده حذال يدتها وسيف ع الطرف الثاني كانت تشوف اسلوبه كيف ومستغربه لانه اول مره يقعد يسولف جيه قدامها وماخذ راحته، شوي ويرن فونها وطلعت عند المدخل عشان ترد
لطوف : مرحبا امايه
ام لطيفه وهي معصبه : انتي وين طالعه من الصبح ؟
لطوف : ماماتي بلاج انا عند امايه عوشه
ام لطيفه : والي يطلع ما يقول؟
لطوف : فديتج يعني بقول لمنوه وكل حد نايم
ام لطيفه : ع الاقل قولي لحد من الخدم يشوفونج طالعه بس
لطوف : خلاص فديتج من عيوني
سكرت لطيفه ولفت ويت عينها ف عين سيف الي كان واقف وراها ووايد جريب
لطوف وهي ترد خطوه ورا : شو فيك
سيف : قالوا لي ما وافقتي
لطوف ترفع حاجبها : ويعني
سيف : مادري ليش استانست
لطوف : زين لين تدري يستوي خير
ودخلت عنه كان تعاملها قاسي لانها شاله ف خاطرها عليه
سيف تم واقف مكانه مب فاهم شو الي ستوى قبل شوي وعقب طلع وريحت عطرها عالقه ف راسه.
(دخل الانستا وكتب)
سيف : شو فيج
شافت من برا ولا ردت كملت سوالف ويا يدتها
عقب نص ساعه طرش : ارمسج انا
لطوف : نعم سيف
سيف : قلت لج شو فيج
لطوف : انا شو فيني ولا انته الي ما تعرف شو تبا
سيف : ممكن تفهميني ليش معصبه الحين
لطوف : يعني بتقولي انك ما كنت تقدر تسوي نفس منصور ولا تقولي لا توافقين انته شو قلت؟ الله يوفقكم مادري الله يهنيكم مادري شو خربطة وعقب سحبت عمرك
سيف : لطيفه فهمي انه ذياب مب بس ولد خالي هذا ربيعي واقرب ناسي
لطوف : وانا؟
سيف : ماعليه حصل خير
من عقبها لطيفه ما ردت عليه ولا قالت شي تحس مافي عتبها فايده بس سيف حس بغلاته من عتبها وستانس اكثر
مر اليوم طويل بنسبه للطيفه لانه ماعندها شي تسويه
الساعه عشر
كانت لطيفه ماخذه شور ولابسه بجاما مريحه وقاعده تحط كريماتها عند المنظره (المرايه) ونتبهت للاشعار الي وصلها
سيف : انا اسف وحقج عليه
لطوف : حصل خير
سيف : صدق انا اسف بس ما كنت اقدر اسوي شي ويوم كلمتج وقتها كنت متضايق شوي ومقهور لانج قلتي بتخسر الي تحبه لقرب الناس لك
لطوف : سيف انا شوه؟ ما قلت لي
سيف : لطيفه انا بروحي مادري انتي شو بنسبه اليه بس وايد دخلتي خاطريه من يوم شفتج ف المستشفى مادري هو اعجاب ولا حب بس وايد اتضايقت يوم استوى الي استوى
لطوف : شو كان معنى نظرتك هذيج؟
سيف : مادري كنت اشوف نظراتج الحاده وكيف تغيرتي وايد
(قعدوا يسولفون ويضحكون مع بعض لين تجرا سيف وخذ رقمها وتصل وكملوا سهرتهم لين نامت لطيفه من التعب ع سوالف سيف)
سيف : اييه نمتي
مافيه رد
سيف يقول بصوت خفيف : يالحيوانه يعني لها درجه سوالفيه خايسه عشان تنامين؟
خلاها سيف ع الخط ونام هو الثاني.
أنت تقرأ
صدفة مستشفى توام
Romanceصدفه في المستشفى تحيي دقات قلوب من زمان موقفه. تجدد في هذيج الصدفه حب مدفون من سنين طويله.
