ရှောင်းကျန့်ရဲ့ခင်ပွန်းကိုကလူကျီစယ်ခြင်းနည်းလမ်းများ(COMPLETED)

Part- 28

"ရှောင်းသခင်လေးကဥက္ကဌဝမ်ကိုထမင်းပုံမှန်စားဖို့မှာလိုက်ပါတယ်"

"သူကတော့ဟိုကောင်ကိုချက်ကျွေးနေတာဘဲမဟုတ်လား"

သူ့စကားကြောင့်နည်းနည်းစိတ်ပြေသွားပုံပေါ်ပြီးမျက်မှောင်‌ကုတ်နေတာတွေပြေလျှော့သွားခဲ့၏။ ဒါပေမယ့်အသံကတော့ဟိုနေ့ကကိစ္စကိုကျေနပ်ပုံမပေါ်။

"ပြီးတော့ဘာပြောသေးလဲ.."

"ပြီးတော့ အသားနဲ့ပဲများများစားဖို့မှာလိုက်ပါတယ်
အနာမြန်မြန်ကျက်အောင်ပါတဲ့"

"သိပြီ"

ဝမ်ရိပေါ်ကသွားချင်ပုံမပေါ်သေးလို့အတွင်းရေးမှူးဖုန်းကကားစက်မနှိုးဘဲတိတ်တိတ်လေးဘဲငြိမ်နေလိုက်သည်။ ဝမ်ရိပေါ်ကအကြာကြီးစဉ်းစားနေပုံရပြီးနောက်မှဆေးလိပ်လှမ်းတောင်းလာ၏။

"ဆေးလိပ်!.."

"ဆေးလိပ်သောက်တာကျန်းမာရေးအတွက်.."

"ဆေးလိပ်!!"

အတွင်းရေးမှူးဖုန်းကအိတ်ကပ်ထဲကဆေးလိပ်ကို‌ထုတ်ပြီးဝမ်ရိပေါ်ကိုလှမ်းပေးလိုက်၏။ အရင်ကဆေးစွဲပြီးကတည်းကဝမ်ရိပေါ်ကဆေးလိပ်ပါဖြတ်ထားတာကြာပြီ။ ဒါပေမယ့်အခုနောက်ပိုင်းပြန်သောက်လာပြန်တယ်။ ကိုယ်တိုင်ဆောင်ထားတာလည်းမဟုတ်ဘဲသူကဘဲဆောင်ထားပေးရတယ်။ အတွင်းရေးမှူးဖုန်းကအလိုက်တသိမီးခြစ်ပါကမ်းပေးလိုက်၏။

ဝမ်ရိပေါ်ကသူ့ဘာသူဆေးလိပ်လက်ကြားညှပ်ပြီးရှောင်းကျန့်တို့အခန်းဘက်ကိုငေးနေပြန်တယ်။ ဆေးလိပ်တစ်လိပ်လောက်ကြာချိန်ရောက်တော့...

"မောင်းတော့.."

ဒီအချိန်ကဝမ်ဝမ်ရဲ့မူကြိုလွှတ်ချိန်မို့အတွင်းရေးမှူးဖုန်းကသားဖနှစ်ယောက်အတူအိမ်ပြန်လာလို့ရအောင်မူကြိုဘက်မောင်းလာခဲ့တယ်။ ကျောင်းတံခါးဝမှာဝမ်ဝမ်ကမူကြိုဆရာမလေးနဲ့ရပ်စောင့်နေတယ်။ ‌အိမ်‌တော်ထိန်းဝတ်ပေးလိုက်တဲ့အဝတ်အစားတွေကရှောင်းကျန့်ဆင်ပေးကျပုံစံနဲ့လုံးဝကွဲထွက်နေပြီးဝမ်ဝမ်အအေးမမိအောင်သေသေချာချာထုတ်ပိုးထားတာနဲ့တူနေတယ်။

ဝမ်ရိပေါ်ကကားထဲကမထွက်ခင်ဆေးလိပ်နံ့တွေလျှော့သွားအောင် air freshenerဖြန်းဖို့ပြောလိုက်၏။ အမဲရောင်ပြောင်လက်နေတဲ့နောက်ဆုံးပေါ်SUVကားပေါ်ကဆင်းလာတဲ့ဝမ်ရိပေါ်ကိုဝမ်ဝမ်ရောမူကြိုဆရာမလေးပါငေး‌ကြည့်နေကြ၏။ မူကြိုဆရာမကတော့လိုင်းပေါ်မှာခဏခဏအဆဲခံနေရတဲ့လူကဒီလိုအရမ်းမိုက်နေတာမြင်တော့မျက်နှာလေးကပန်းနုရောင်သန်းနေတော့သည်..။ ဒါပေမယ့်ဝမ်ရိပေါ်လက်ပေါ်ကဝမ်ဝမ်လေးရဲ့နှာခမ်းစူနေတာကိုမြင်တော့ချက်ချင်းဘဲသူမမျက်နှာကိုပြန်တည်ထားလိုက်၏။ ချောလို့ငေးတာကို..