قصة : ( انا والقمر اعداء ) ل سهيلة سعيد المنجي

الحلقة ٢١ و ٢٢

قصة : { #انا_والقمر_اعداء } 👀💔

الحلقة الواحد والعشرون { ٢١ } 🤺

عطوة ب ارتباك : ااا ، انتي ، هواا .........
رنين : في ايه ي بني ، مالك ؟!
( يتنهد عطوة بس يجيب اخره )
عطوة ب انفعال : في إن انتي معندكيش دم 😡
رنين ب خضة : انا !!
عطوة : انا بحبك وانتي حمارة مبتفهميش 🤷🏻‍♂️
( تتخض رنين وتتنحله )
عطوة وعيونه بتدمع : من اول م وعيت ع الدنيا وكل حاجة هي انتي ي رنين ، كل تفكيري كل كلامي كل خططي ، كل حاجة حرفياً راسمها وانتي فيها انتي مبتخليش منها ، وانتي ولا حاسة ، ابن خالتك وزي اخوكي وبس ، سرنا مع بعض وبنتكلم ب الساعات مع بعض ومسمينا صحاب ، احنا مش صحاب ي رنين ، انا اتصاحبت ع ريماس بسبب إنك شيفاني معقد وماليش ف البنات ، بس كل الحكاية إن انتي الي جوايا ي رنين ، انتي مالية مكانك ، انا بغير عليكي ، وبتوحشيني لما تغيبي ، ومبعرفش احكي لحد حاجة غير ليكي ، وبتضايق لو رحتي حكيتي ل يحيي ولا هزرتي معاه ، انتي مش صاحبتي ي رنين ولا زي اختي ، انا بحبك ، تفكيرك من ناحيتي حاجة تخصك مقدرش اقولك ازاي او حاولي تغيريه لا متغيرهوش براحتك الحب مش بالعافية ، وانا هبعد ، والله انا هبعد ومش هضايقك ب مشاعري تاني ، بس الكتمان تعبني بجد 💔
( تنزل دموع رنين ، يبصلها ب استغراب )
عطوة : انا اسف والله متزعليش مني ، طب اعتبري مقلتش حاجة انا اسف بجد عكيت الدنيا اكتر 😟
( يذيد عياطها وتمسح ف دموعها )
عطوة ب ندم : عشان خاطري طيب انا اسف والله خلاص متعيطيش ، والله م هقربلك تاني ولا هكلمك ف حاجة تاني ، انا اسف بجد 🤦🏻‍♂️
رنين ب عياط : انت ، انا مش عارفة اقولك ايه 😩
عطوة : حقك عليا ، انا بس معرفتش اسكت والله مبقتش قادر ، بس لو اعرف إنك هتزعلي اوي كدة مكنتش نطقت وربنا 😕
رنين : انت ، انت ليه مقلتش الكلام دة من بدري ؟!
( يبصلها ب عدم فهم )
رنين : ليه سايبني كدة وانت جواك كل دة ، ليه متكلمتش دة انا كنت بشحت منك اي كلمة تبينلي اي حاجة ومكنتش بلاقي ، مكنتش بلاقي ، كان كل مكالمة وكل مقابلة كنت اقعد احلل فيها عشان اطلع كلمة حلوة اتقالت من غير قصد ولا موقف اتعمل ب تلقائية ، مكنتش بلاقي ، كنت قادر ازاي تخفي مشاعرك بالطريقة دي ، انت مش بني ادم والله ، طب مبانش عليا انا ، مبانش رد عليا مبانشييييي 😫
عطوة ب تشويش : انتي ، انا ........
رنين : انا بحبك ، انا بحبك ♥️
( يتصدم عطوة )
رنين : بحبك يمكن من قبل م انت تفكر فيها او حتى تحسها ♥️
( وفجأة ، يحضنها ، تتخض رنين وتتحرج ، تنزل دموع عطوة ويعيط ، تبدأ الناس تبصلهم )
رنين : يخربيتك هنتمسك اداب سيبني 😬
( يبعد بسرعة )
عطوة : انا اسف اسف 😥
( يمسحه دموعهم )
عطوة : انا مش مصدق ، وربنا م مصدق 🤦🏻‍♂️
رنين : لا صدق ي غبي صدق عشان انا تعبت والله ، وعشان يكون ف بالك انا لو شفت ريماس دي قريبة منك تاني وربنا ل اجيبها من شعرها 😐
عطوة وهو بيمسك ايدها : ريماس ايه بس تولع ريماس ع كل البنات ، انا عاوزك انتي انا بحبك انتي ي رنين ، انا عاوز اتجوزك 😟♥️
رنين ب خضة : تتجوزني 😳
عطوة : ايوة اومال اسيبك تضيعي مني ، انا هتكلم مع بابا وهاجي اقعد مع بباكي وخالته
رنين : انت بتتكلم جد !!
عطوة : والله العظيم انهاردة هكلمه
رنين وعيونها بتدمع : الله 🥺
عطوة : مش هضيعك من ايدي تاني ♥️
( تبتسم رنين وتفرح ، تطلع ريماس قدام الكليه ، تلمحهم ، تبتسم وتقرب عليهم )
ريماس : بتعمله ايه كدة ؟
( تتنهد رنين ب ضيق )
عطوة : كويس إنك جيتي ، انتي تقريباً اول واحدة اقولها إني هطلب ايد رنين 🙂
( تتخض ريماس )
ريماس : اة ، اة مبروك 😐
رنين : عقبالك ي سو 😊
ريماس ب ضيق : إن شاء الله ، اسيبكم بقا سوا ، باي 😒
( تمشي ريماس ، تتنهد رنين ب ارتياح )
رنين : متوقعتش إنك تقولها بصراحة !!
عطوة ب حب : انا عاوز اقول ل اي حد معدي ف الشارع دلوقتي ♥️
رنين : هههههه 😄
( يحيي واقف مع صحابه ، يلمح شادية داخلة وبتتكلم ف الفون ، يفضل باصصلها ،  ترفع بنطلونها وتضحك مع صحابها ، يبتسم غصب عنه )
كرم : إلا صحيح ي يحيي
( يبصله يحيى )
كرم : فينها البت الي كانت لزقالك دي الي اسمها مرام ، مبنشفهاش معاك !!
يحيي : ميار ؟
يرن : لا مهو مركز مع حد تاني دلوقتي 😏
الكل ب فهم : ههههههه 😆
يحيي ل يزن : بطل خفة دم ي حيلتها 😐
يزن : انا قلت حاجة غلط ي عم 🤷🏻‍♂️
( يتنهد يحيي ويرجع يبص ل شادية )
يزن : اهو متلبس اهو 😃
( يضحكوا كلهم ، تبص شادية ل مصدر الدوشة تلاقيهم بيهزره ، يلمحها يحيي بصاله ، تبتسمله وتشاورله ب هاي ، يبتسم ويشاورلها )
يزن : كفاية قلبي بيتقطع 🥴
يحيي : يلعن ابو شكلك 😑
الكل : ههههههه 😄
( يعدي اليوم ، ييجي الليل وعطوة يتكلم مع اهله إنه عاوز يخطب رنين واهله يفرحه بما إنها بنت خالته ويكلمه بابا رنين وياخده منه ميعاد ، تاني يوم الصبح ، شادية ف اوضتها نايمة ، يرن منبه كليتها الساعة عشرة ، تطفيه وتقوم تقعد ، تتاوب وتقوم تطلع من اوضتها ف طريقها ل التويليت ، تلاقي عاطف ف وشها باصصلها ، تتخض وهي لابسة بيچامة نوم هوت شورت وكت )
شادية ب انفعال : ايه داااا 😦
( تجري ع المطبخ اقرب حاجة ليها ، مامتها جوة )
شادية ب انفعال : عاطف بيعمل ايه هناااا 🤷🏻‍♀️
الام : جاي يطمن علينا ، في ايه ؟!
شادية : الساعة عشرة الصبح ، معندوش حاجة اسمها المغرب ولا العصر حتى !!
الام : وطي صوتك طيب عيب كدة ل يسمعك !!
شادية ب زعيق : كان المفروض تقوليلي إنه هنا مش تخليني اطلع بالمنظر دة قدامه ، انتي ازاي متقولييييش 😡
الام : ان .........
عاطف وهو بيدخل : م تحترمي نفسك وتتكلمي مع امك عدل ي بت انتي !
شادية وهي بتداري نفسها ف مامتها : وانت مالك انت ، انا وامي بتدخل انت ليه ؟!
الام : عيب كدة ي شادية 😐
عاطف : لا عيب ايه دي بت قليلة ادب ومتعرفش العيب 🤷🏻‍♂️
شادية : احترم نفسك ومتطولش لسانك عليا ي عاطف ☝️
عاطف وهو بيقرب عليها : هتعملي ايه يعني ، هتضربيني ولا حاجة ؟
شادية : لا مش هضربك بس هطردك واتفضل بقا
الام ب خضة : ي بت !!
عاطف : شايفة بتك ي عمتي بتطردني !!
الام ب احراج : والله م قصدها ي بني متزعلش 😧
شادية : لا قصدي اتفضل بقا ، والمفروض إن دة بيت في ستات ايش حشرك انت ، دة ايه التلزيق والقرف دااااا 🤷🏻‍♀️
( عاطف يجيب اخره ، يضربها بالقلم )
شادية ب وجع : اااه 😦
الام ب خضة : بتي !!
عاطف : بصي بقا يختي ، انا هنا ف البيت دة مكان ابوكي ، وبعدين انا ف حكم خطيبك اصلاً والي اقوله يتنفذ ويتسمع ، وتحترمي نفسك مع امك ومتعليش صوتك عليها ، وإذا كان هو دلعك ومعلمكيش الصح م الغلط انا هعلمهولك ي شادية ☝️
( تنزل دموع شادية )
عاطف وهو بيذغدها ف كتفها : فاهمااااا 😡👊
( تجري شادية ع اوضتها وهي بتعيط )
الام : م بالراحة ي عاطف ، مش كدة ي بني 😟
عاطف : بقولك ايه ي عمتي ، سبيني بقا اتعامل ، انتي دلعك دة خلاها تقف تبجح فيكي وتزعق اهو 🤷🏻‍♂️
( تسكت الأم ب قلة حيلة ، يطلع عاطف م المطبخ )
الام : ربنا يخرجك بالسلامة ي اشرف 🤦🏻‍♀️
( يذيد عياط شادية ، تمسك فونها وتتصل ، يحيي سايق عربيته ف طريقه ل الكلية ، يرن فونه ، يمسكه )
يحيي : الو
( يسمع عياطها )
يحيي ب استغراب : شادية ، شادية في ايه ؟!
( شادية مش عارفة تتكلم بتعيط بس )
يحيي ب قلق : طب انتي كويسة بس طمنيني 😕
شادية ب عياط : لأ لأ لأ 😣