قصة : ( انا والقمر اعداء ) ل سهيلة سعيد المنجي

الحلقة ١٣ و ١٤

قصة : { #انا_والقمر_اعداء } 👀💔

الحلقة الثالثة عشر { ١٣ } 🤺

يحيي : هو انتي مش ماشية معايا يبقا تمشي جنبي 👇
شادية : امشي جنبك ليه إن شاء الله ، خطيبتك ؟
يحيي : خطيبتي مين ي مصدية انتي انا اخطب واحدة شبهك !
شادية : ههههههه مصدية 😄 ماشي هصدقك ، وانت فعلاً متطولش تخطب واحدة زيي 💁🏻‍♀️
يحيي : انتي واخدة بوكس ف نفسك ف مخليكي فاقدة الوعي وربنا !
شادية : لا حوش انت الشاب الروش ، ي بني انت لولا ماسك حوار اتحاد الطلبة دة كان زمانك شفاف 🤷🏻‍♀️
يحيي وهو بيقرب عليها اكتر : طب لمي ليتك دي وخلينا نرجع بدل م نفرج علينا الناس
شادية : لا سيبهم يتفرجه هينبسطوا اوي 😊
يحيي وهو بيمسكها من دراعها ب عنف : طب امشي قدامي ، وع فكرة مفيش خمس درجات
شادية ب وجع : ااااه سيب دراعي ، ووالله ماشي عشان ودتني المشوار دة كله وف الأخر مش هترجعلي ال خمس درجات 😧
يحيي ب استفزاز : اة والي عند اعمليه 😏
( يقرب امين شرطة )
الامين : في ايه انت ماسكها كدة ليه ؟!
( يتخض يحيي ويسيبها ويلاقوا نفسهم كانوا واقفين قدام القسم )
الامين ل شادية: مين دة ، تعرفيه ؟
شادية : لا معرفوش ، دة بيتحرش بيا ومسك دراعي 🥺
يحيي ب خضة : اييييييه 😦
الامين : اتفضل معايا ع القسم 👮🏽‍♂️
يحيي : قسم ايه وربنا م جيت جنبها !!
الامين : انا شايفك وانت بتمسك دراعها ، انت هتكدبني ؟!
يحيي : مبكدبش حضرتك بس انا ..........
الامين : هتتفضل معايا ب الأدب ولا ابعت العساكر ياخدوك ب قلة الأدب ؟
يحيي : لا ليه جاي حضرتك ، جاي 😐
( يبص ل شادية ب غيظ وهي واقفة ماسكة ضحكتها ب العافية )
الامين : اتفضل
( يدخل يحيي القسم ، يمسك فونه )
يحيي : يزن الحقني 😟
( ترجع شادية الأوتيل تكمل شغلها )
صابرين : اومال فين يحيي ، مش كان معاكي ؟
شادية : دخلته القسم 🤭
صابرين ب اندهاش : ايه 😃
( يعدي الوقت ، المطعم فاضي ، الكل قاعدين ف اوضة الأكل ، شادية ماسكة فونها وبتتكلم فيه قدام الأوتيل برة ، يركن تاكسي وينزل منه يزن ووراه يحيي وهو كل قلم والتاني معلم ع وشه وقفاه م القسم ، تتخض شادية اما تشوفه ، يلمحها واقفة ، يبصلها ب غيظ ولسة هيتحرك تطلع تجري ، يجري وراها )
يزن : ي بني انت فيك حييييل 🤷🏻‍♂️
( تطلع شادية ع فوق جري وهو وراها )
يحيي : اقفااااي 😡
شادية وهي بتجري : الكعب الكعب ، والله رجلي هتنكسر 😨
يحيي : وربي م هسيبك ، دة انا هكسر رقبتك مش رجلك 😡
( تجري ع اوضتها ولسة هتقفل يزق يحيي الباب عليها ، تجري تقف ورا ترابيزة تتحامى فيها )
شادية : يحيي اهدى مينفعش الي انت بتعمله ☝️
يحيي : بقا انا اتحرشت بيكي هااااا 😡
شادية : لا طبعاً دة انت متربي عشر مرات والله دة انت الأدب والأخلاق متعملش كدة طبعاً لأ 🙅🏻‍♀️
يحيي : لا لاااا مفيش الكلام دة ي شوشو ، دة انا مشفتش ب جنية واحد تربية ، دة انا ابن ستين ف تسعين ، وهوريكي دلوقتي الي اتحرش بيكي ف الشارع وسط الناس قدام قسم البوليس هيعمل فيكي ايه جوة اوضة 😐
( تتخض شادية )
شادية : افهم بس انت استفزتني لما قلتلي ع الدرجات بس ، والله قلت كدة عشان انت غيظتني بس 😬
( يهبد ب ايده الأتنين ع الترابيزة يخضها )
يحيي ب زعيق : انتي عارفة انا خدت كام قلم بسببك انهاردة ؟ دة قفا امي ورم دة انا هكشف نظر شايفك اربعة 😡
( يحاول يمسكها تلففه حوالين الترابيزة
، يمسكها من هدومها جامد يقطعلها الشميز ويوقعها ع السرير ويقرب عليها ، لسة هتقوم يكتف ايدها ، تتخض )
شادية : يحيي ابعد عني انت بتعمل ايه !!
يحيي : انا كنت قلت كفاية وهتلم ومجيش جنبك تاني ، بس إذا كنت هتلم من ناحيتك يوم ف انتي خلتيني احطك ف دماغي انهاردة سنة ي شادية ، ف متزعليش 😐
شادية : كل الي انت عملته فيا دة وضايقك إني ف مرة خدت حقي !!
يحيي : انتي ملكيش حق عندي عشان تاخديه
شادية : ولا انتاااا ، ولا انت ي يحيي ، ولو ليك ف انت اخدته بدل المرة تلاتة واربعة وعشرة ، عاوز مني ايه تاني سيبني ف حالي بقا ، ومتستغلش إن ف ايدك حاجات تضرني ف تأذيني بيها 😟
( ميردش باصصلها ، يسرح فيها ويقرب منها اكتر ، وفجأة .................... )
رنين من ع باب الأوضة : اللاااااااااه 😃
( يتخضوا ويقوم يحيي بسرعة ويخرج م الأوضة ب احراج ، تاخد شادية نفسها ب ارتياح )
رنين : انقذتك هااا 😉
شادية ب احراج : اة 😅
رنين : ااااه 🤭
( تمشي رنين ، تجري شادية تقفل الباب وتحط ايدها ع وشها ، تاني يوم ، باص مستني قدام الأوتيل عشان الرحلة الترفيهية بتاعة الطلاب وواقف جنبه يحيي ، يلمح شادية ع باب الأوتيل بتتكلم ف الفون ، لابسة بوريكيني هادية غالب لونه لبني ف ازرق ورافعة شعرها هورس تيل ولابسة نضارة شمس ، يفضل باصصلها ، تقفل الفون وتنزل ال خمس سلمات )
شادية : ازيك ؟
يحيي : كويس
بهاء : ايه الحلاوة دي ي شيري 😃
( يبصله يحيي ، يقف بهاء جنب شادية )
شادية ب كسوف : الله يخليك ي مستر بهاء 😊
بهاء : لا منقدرش ع كدة ، هتخلي الواحد يرجع يفكر ف الجواز 🤷🏻‍♂️
شادية : هو حضرتك مش متجوز ؟!
بهاء : لا ي قمر لسة
شادية : ليه كدة 😄
بهاء وهو بيحط ايده ف ضهرها : هتشجعيني بقا 👋
( تتخض شادية وتبعد ايده )
يحيي وهو بيهبد ع الباص : مش يلا بقاااا ، اتأخرنا 😐
بهاء : طب يلا بينا اطلعوا 😄
( تطلع شادية )
يحيي ب استغراب : هو انت جاي معانا ؟!
بهاء : اة اومال اسيبكم لوحدكم ، يلا 🤷🏻‍♂️
( يطلع بهاء الباص وعيون يحيي مش متشالة من عليه ب غيظ ، يطلع الباص ، يلاقي شادية قاعدة جنب صابرين وقاعد قدامهم بهاء ، يبصله ب قرف )
يحيي ل السواق : اطلع ي عم هاني 😐
( يتحرك السواق ، يقرب يحيي ع بهاء )
يحيي : خدني جنبك ي مستر بهاء
بهاء وهو بيقوم : اة ي حبيبي تعالى
يحيي : لا خليك انا هقعد من برة عشان بتابع السواق
بهاء : اة ، اوك 😒
( يدخل بهاء جوة ، يبتسم يحيي ب انتصار ويقعد جنبه ، تبصله شادية وتبتسم )
شادية ب صوت واطي : احسن 🤭
صابرين ب صوت ميسمعهوش إلا شادية : غتت اوي بهاء دة !
شادية : اويييي
( بعد دقايق ، شادية تقرب ب دماغها ناحية يحيي )
شادية وهي بتخبط ع دراعه ب صوابعها : لو سمحت 👋
( يبص ل ايدها )
شادية : هنروح شط ايه ؟
يحيي : خيبتك
شادية ب ضحك : بتكلم جد 😄
يحيي : عجيبة
شادية : بس دة مبيتنزلش !!
يحيي : هنتصور هناك وبعدين نرجع بلو بيتش
شادية : اهاا اوك
( ترجع تعدل قعدتها وبعدين ترجع تميل ناحيته تاني )
شادية : هو بعيد ؟
يحيي : اة
شادية : اد ايه ؟
يحيي : ساعة كدة
شادية : لسة بدري !
يحيي : امممم
شادية : اوك 😊
( ترجع مكانها )
رنين من ع كرسيها : يحاييحوووو
يحيي : الله يخربيتك 🙄
رنين : هههههه 🤭
يزن : هو عطوة هيقابلنا هناك ؟
يحيي : اة يوم رحلتهم برضو
يزن : اشطااا
رنين : يحاييحووووو
يحيي : لو قلتيها تاني هقوم اجيبك من شعرك
الكل وشادية : هههههه 😄
رنين : هههههه يح يحااااااا يييي يحيى 🤭
( يحدفها ب شبشبه )
رنين ب ضحك : هههههه ، طب وربنا م مرجعاه 😂