قصة : ( انا والقمر اعداء ) ل سهيلة سعيد المنجي

الحلقة ١١ و ١٢

قصة : { #انا_والقمر_اعداء } 👀💔

الحلقة الحادية عشر { ١١ } 🤺

( يشاوروله ب لأ )
يحيي : تمام ، الأوضة الي جنب مطبخ الأوتيل ادخلوها هتلاقوا فطاركم جاهز الحقوا افطره عشان فطار النزلاء بيجهز
الكل : اوك
( يدخل الكل اوضة الأكل ، يلاقوا الفطار متحضرلهم ، يقعده ياكله )
صابرين ل شادية : شكل الموضوع اصعب مما كنت اتخيل !!
شادية ب صوت واطي : اي حاجة الزفت يحيي دة فيها مش بتفائل خير !
صابرين : شفتي محن ميار معاه ؟
شادية : دمها سم بجد 🙄
صابرين : هنتنفخ شكلنا
شادية : باين كدة
( يخلصه فطار ويبدؤا النزلاء ينزله المطعم ويبدؤا الطلاب يشتغله ، يوصله الأكل ع الترابيزات وياخده رأي النزلاء ف الأكل والأستفسارات وكل حاجة ماشية تمام ، يعدي الوقت ويخلص الفطار والمطعم يفضى ، الكل قاعدين ف اوضة الأكل ، تخرج شادية وتقرب ع التويليت ، يحيي قاعد ع ترابيزة ف اول المطعم ، يشوفها )
يحيي ب صوت عالي : شاديااااا
( تتنهد شادية وتتغاظ مبتحبش حد يندها ب شادية ، تبصله وتقرب عليه )
شادية : في ايه ؟!
يحيي : طب اتكلمي كويس عشان في ايه دي كفيلة ترجعك بيتكم الصبح !
( تتنهد شادية وتضير وشها )
يحيي : انا مش قلت شعركم يتلم ؟
( تنتبه شادية إن شعرها سايب )
يحيي : متلمش ليه شعرك ، انتي الدكر الي فيهم يعني ؟!
شادية : نسييييت هلمه
يحيي : لميه حالاً
شادية : معييش حاجة المه بيها لما اطلع فوق ابقا المه 🙄
يحيي : اطلعي لميه
شادية : هسيب المطعم واطلع دلوقتي ؟!
يحيي : مش شايفة الناس واقفين قدامنا طوابير اطلعي
شادية ب غيظ : ماشي 😐
( تمشي شادية ع اخرها تطلع الأوضة وهي بتلعن ف يحيي ، تدور ع توكة )
شادية وهي بتربط شعرها : حاجة قرف من اولها قرف 😡
( تخلص وتنزل ، تلاقي يحيي مازال قاعد وميار واقفة قصاده ساندة ع الترابيزة وبيتكلمه )
ميار ب ضحك : لا والله انا بسمع الكلام وبنفذه اهو 😄
يحيي : انت مفيش زيك ي عم 🙂
( تعدي شادية من جنبهم )
يحيي : خدي هنا
( تقف شادية )
شادية : في ايه تاني بقا ؟
يحيي : تاني في ايه !!
شادية : نعم ي يحيي ؟
يحيي : نزلي كم الشميز دة
شادية : لا والله !!
يحيي : نزليه وقلت ارفعي شعرك انتي كدة رفعاه ؟!
شادية : مهو بينزل تاني اعمله ايه 🤷🏻‍♀️
يحيي : ادخلي الحمام واظبتبه عدل
شادية : تمام ، حاجة تاني ؟
يحيي : الكم ينزل
( يدخل بهاء المدير )
بهاء : ايه الأخبار ؟
يحيي : كله تمام
بهاء : في اي مشكله ؟
يحيي وهو بيبص ل شادية : لا خالص 😐
بهاء : طب الحمدلله ، هدخل اشوف الباقي عديني ي قمر
( يحط ايده الأتنين ف وسط شادية ويبعدها من طريقه ، تتخض شادية من لمسته ويحيي وميار يتنحوله ، يدخل بهاء جوة )
ميار ب اندهاش : ايه دة عادي قدامنا كدة 😃
شادية ب استغراب : هي دي مشكلتك ؟!
ميار : ويبقا عندي مشكلة ليه اصلاً 🤷🏻‍♀️
شادية : صح مهو مش انتي الي حصل معاها كدة !
( تتنهد ميار وتبص ل يحيي ، تمشي شادية تدخل التويليت )
ميار ل يحيي : ع فكرة انا خلقي ضيق ولساني طويل ، ولو اتكلمت معايا ب الأسلوب دة تاني هزعلها ☝️
يحيي : طب متزعليني انا ، انا مش هتكلم خالص 😉
ميار : هههههه 🤭
( شادية ف التويليت ، واقفة قدام الحوض وباصة ل نفسها ف المراية ب غيظ ، ترفع شعرها كويس وتنزل كم الشميز بتاعها )
شادية : ماشي ي يحيي 😐
( ترجع الأوضة الي قاعدين فيها مع زمايلها يكون بهاء مشي ، ترجع ميار ، تبص ل شادية ب استحقار وتقعد )
شادية ب صوت مسموع : كويس إنهم منبهوناش إننا ممكن نجيب بعض من شعرنا عادي
الكل : هههههه 😄
( تبصلها ميار ب فهم ، يدخل يحيي )
يحيي : اجهزه ، نص ساعة وهيبدأ الغدا 🤳🏻
الكل : اوك
( تعدي ميار من جنب شادية وتخبطها ف كتفها متعمدة ، تغمض شادية عيونها ب غيظ )
رنين ل يزن : شكل كدة هيبقا في اكشن 🤭
يزن : خدت بالي 🤔
( يبدؤا النزلاء ينزله ل الغدا ويبدؤا الطلاب شغل تحت اشراف يحيي )
يحيي ل طالبة : بسرعة يلا 👏
( تعدي الأيام والكل ماشي ع نظام يحيي وكل حاجة تمام ، وقت الفطار ، يحيي يلمح شادية قاعدة ع ركبة ونص ع جنب وبتربط ل ولد م الي بيشتغله معاهم الكوتشي بتاعه )
شادية : اهو اتربط ، زعلان ايه بقا !
محمد : مكنتش عارف اربطه ومستر يحيي هيزعقلي 😟
شادية : مستر يحيي دة شرير اوي 🥺
( يشاورلها ب لأ )
شادية : لا شرير اسمع مني انا ادرى
محمد ب توتر : لااا لأ 😬
شادية : ههههه انت خايف كدة ليه مش هيعملك حاجة 😄
يحيي : دة حقيقي
( تتخض شادية وتقوم تلف تلاقيه ف وشها )
يحيي : بس ممكن اعملك انتي عادي 🤷🏻‍♂️
شادية : انا كدة هخاف مثلاً ؟!
يحيي : دة المفروض
شادية : لا مخفتش
يحيي : طب لو نقصتك خمس درجات هتخافي ؟
شادية ب انفعال : لييييه انا جيت جنبك ي بني !!
يحيي : ي بني !!
( تسكت )
يحيي : روح ي محمد كمل شغل
محمد : حاضر !
( يمشي محمد )
شادية : والله لو نقصتني انت حر ☝️
يحيي : هتعملي ايه يعني ؟
شادية : بلاش تعرف احسن
يحيي : طب اعتبري نفسك نقصتيهم
( تتخض شادية )
يحيي : وانتبهي ل شغلك ، انتي جاية تدربي مش جايبينك تربطي كوتشيات
شادية : وانت مالك هو دة اوتيل امك ؟
يحيي : هههههههه 😆
شادية : عجبتك اوي !!
يحيي : امممم اوي
شادية : ال ..........
( يخبط فيها شاب طالع بيجري تتخبط ف يحيي يمسكها تبقا شبه ف حضنه ، يبصلها ، تتحرج وتبعد بسرعة وتمشي تدخل اوضة الأكل ، يبتسم يحيي ويحط ايده ف جيبه ، تشوفها صابرين )
صابرين ب قلق : مالك ي بنتي وشك احمر كدة ليه ؟!
شادية : ماليش ، النيلة يحيي
صابرين : ماله ؟!
شادية : خبطت فيه 😐
صابرين : هههههه ودة الي مخلي وشك احمر كدة 😆
شادية ب احراج : اسكتي بقااا 🤦🏻‍♀️
صابرين : هههههه 🤭
( بعد شوية ، ف مكتب صاحبة الأوتيل ، قاعدة ست ف اواخر الأربعينات ع مكتبها ويحيي قاعد فوق المكتب قدامها )
منى : مشوفكش هنا غير وقت التدريب بس يعني !
( تعدي شادية تشوفهم تستغرب المنظر ، تقف تتصنت )
يحيي : معنديش وقت وربنا وانتي دايماً هنا ، اعمل ايه بقا عشان اتلم عليكي ، مفيش غير وقت التدريب وف الأجازة بقا لما اجي المحل 🤷🏻‍♂️
منى وهي بتطبطب ع خد يحيي : خلينا نشوفك طيب انت بتوحشني ♥️
يحيي وهو بيبوس ايدها : ي حبيبي وانتي كمان والله عيوني حاضر ♥️
( تضحك شادية ب كتمة وتجري من قدام المكتب )
شادية ف سرها : اتاريك هايص ف الأوتيل كأنه بتاعك يخربيتك دي اد امك ، وقعت من نظري اكتر 🤦🏻‍♀️
( يعدي الوقت وييجي وقت الأستراحة ، الكل قاعدين بياكله إلا شادية كلت وقاعدة ماسكة الفون ، يدخل يحيي )
يحيي : خلصته ولا ايه ؟
الكل : بناكل
يحيي : طب محتاج حد معايا حالاً هنجيب حاجات ل الأوتيل
( يبص ل شادية )
يحيي : تعالي انتي مدام قاعدة
( تتخض شادية )
يحيي : يلا انجزي
شادية : اوك 😕
( تقوم شادية تمشي مع يحيي )
شادية : هنروح فين ؟!
يحيي : شاطئ ام الراخم 
شادية ب ضحك : ههههههه ام الرخم 😆
يحيي : ام الراااااخم مش الرخم