قصة : ( انا والقمر اعداء ) ل سهيلة سعيد المنجي

الحلقة ١ و ٢

قصة : { #انا_والقمر_اعداء } 👀💔

الحلقة الأولى { ١ } 🤺

*( شهر 3 ، سنة 2009 )*

( جوة بيت كبير ، يرن جرس باب البيت كتير )
الام وهي بتقرب ع الباب : ايوة ايوة ي يحيي اهدى 🏃🏻‍♀️
( تفتح الأم ، يدخل ولد صغير ف تالتة ابتدائي يجري ع جوة بيعيط )
الام ب قلق : في ايه ؟!
( يدخل اوضته ، تروح وراه )
الام : في ايه ، بتعيط ليه كدة ؟!
يحيي ب عياط وانفعال : البنت الجديدة عمالة تقولي ي عينكبوت ي عينكبوت ، وخلت الفصل كله يضحك عليا ويقولي ي عينكبوت معاها حتى صحابي 😣
الام ب استغراب : عينكبوت ، ليه بتقولك كدة ؟!
يحيي : عشان انا اطول واحد ف الفصل ، وعشان النضارة الكبيرة ديييي 👓
( يقلع النضارة ويرميها ف الأرض ، تتنهد الأم وتقرب ع النضارة تاخدها وتروح تقعد جنبه )
الام : احنا مش قلنا لما حد يضايقنا نروح نشتكي ل المس ، مشتكتهاش ليه م البنت دي ؟!
يحيي : قلتلها هقول ل المس عليكي ، قالتلي لو قلتلها هضربك
الام : لا ي حبيبي متخافش واشتكيها ل المدرسة ، ولو مبطلتش تضايقك انا هروح معاك المدرسة اكلم المدير ، ماشي ؟
يحيي ب حزن : ماشي 😔
الام وهي بتاخده ف حضنها : متزعلش بقا خلاص 
( تنزل دموعه ، تاني يوم الصبح ، يدخل يحيي المدرسة وهو متوتر ، جه متأخر عشان ميحضرش الطابور وصحابه يتريقوا عليه تاني ، يطلع الفصل ، لسة هيقرب يلاقي دوشة والمدرسة لسة مدخلتش ، يلمح بنت طخينة ماسكة بنت تانية بتضرب فيها والباقي بيضحكوا ، يتخض ويرجع ل ورا ، تلمحه البنت )
شادية ب صوت عالي : العينكبوت جييييييه 😃
( يضحك الكل ، يتنهد يحيي ويدخل الفصل وهو حاطط وشه ف الأرض )
الكل : العينكبوت اهو اهو العينكبوت اهو اهو العينكبوت اهو اهو العينكبوت اهو اهو ...........
( يقعد يحيي مكانه متضايق وعيونه بتدمع )
شادية : العينكبوت اهو اهو ابو العناكب اهو اهووووو ☝️
يحيي ب انفعال : بطلي بقاااا 😧
شادية ب رخامة : لااااء ي ابو اربع عيون لأ لأ لاااااأ 🤪
( تدخل المدرسة ، يقعد الكل مكانهم )
المدرسة : صباح الخير
الكل وهما بيقفوا : صباااااااح النووووور 🗣️
المدرسة : اتفضلوا اقعدوا
( يقعده ، قاعد يحيي متردد يتكلم ، يرفع ايده )
يحيي : مس نهااا ✋
( يبصوله )
المدرسة : نعم ي يحيي ؟
( يقوم يقف )
يحيي ب تردد : مس نها ، شادية بتضايقني 😕
المدرسة ل شادية : ليه كدة ي شادية ؟
شادية : معملتلوش حاجة انا 🤷🏻‍♀️
يحيي : والله بتضايقني وبتقولي ي عينكبوت ، وبتخلي صحابي يقوله زيها 😟
شادية : محصلش ي كداب ، اسأليهم ي مس نها كدة
المدرسة : الكلام دة حصل ي ولاد ؟
الكل : لاااااء
( يتخض يحيي )
المدرسة : بتكدب ليه ي يحيي ؟!
يحيي ودموعه بتنزل : والله م كدبت 😥
الكل : كداااب كداااب كداااب .........
المدرسة : بس ي ولاد عيب كدة ☝️
( يسكته )
المدرسة ل يحيي : ارجع ل اخر ديسك ي يحيي ورا خالص
يحيي : ي مس ..........
المدرسة ب حدة : اسمع الكلام بدل م انزلك ل المدير ، يلا 💁🏻‍♀️
يحيي ب قلة حيلة : حاضر 😔
( ياخد يحيي حاجاته ويروح يقعد ورا خالص وهو متضايق ، يعدي الوقت وتخلص الحصة وتمشي المدرسة ، تقوم شادية تقرب ع يحيي ، يتوتر )
شادية : انا مش قلتلك لو قلت ل المس هضربك ؟
يحيي ب ارتباك : ااا م انتي بتضايقيني طيب 😕
شادية وهي بتضربه ب القلم : قلتلك هضربك 👋
( توقع النضارة من وشه ، يعيط يحيي )
شادية : عيط بقا زي البنات عيط ، يحيي البنت اهو اهو يحيي البنت اهو اهو يحيي البنت اهو اهو ☝️
( يقول الكل معاها ويحيي يعيط اكتر ، تعدي الأيام وشادية موراهاش حاجة غير إنها تأذي يحيي نفسياً وجسدياً كمان وهو خايف يشتكي لحد ل تضربه تاني وتذود عقابها ، الولاد خارجين م المدرسة ، تقرب شادية ع يحيي من ورا وتشده من شنطته وتجري تجره وراها وتسيبه يقع ع وشه ، يرفع دماغه يلاقوا وشه بينزف النضارة اتكسرت وعورته ف جبينه ، يتخضوا ويجروا ، يعيط يحيي ب حرقة وب صوت ، يجروا عليه ناس كبيرة يقوموه م الأرض ويودوه مركز طبي ويتصله ب اهله ، بعد شوية ، يوصل بباه ومامته والدكتور يحكيلهم إنها بسيطة ويطمنهم ، يدخلوا ل يحيي )
الام وهي بتقرب ع يحيي : الف سلامة عليك ي روح قلبي 😟
( تاخده ف حضنها ، يعيط )
يحيي ب عياط : مش هروح المدرسة تانييييي 😣
الام : طب اهدى طيب !
يحيي ب صريخ : مش هروحهااااا 😫
الاب وهو بيطبطب عليه : والله حاضر مش هوديك اهدى بس !!
( يفضل يحيي يعيط واهله يهدوا فيه ، تعدي الأيام وبالفعل اهل يحيي يخرجوه م المدرسة ويفضل ف البيت مبيتكلمش مع حد ولا بيختلط ب حد حتى ب اهله بيرد ع اد السؤال ، يحيي قاعد ف اوضته بيلعب ب عربية لعبة بتاعته ، تدخل مامته )
الام : يحيي
( يبصلها )
الام : حبيبي يزن ابن خالتو فوزية جه عشان يلعب معاك هدخلهولك
يحيي ب خضة : لأ 😧
الام : ليه بس ؟!
يحيي : عاوز العب لوحدي مش عاوز حد
الام : بس انت بتحب يزن !!
يحيي : انا بحبه بس هيتريق عليا وهكرهوا 💔
الأم وهي بتوطي عليه ف الارض : لا ي حبيب قلبي يزن بيحبك اوي ومستحيل يتريق عليك ، وبعدين انت زي القمر ومفيش فيك حاجة حد يتريق عليها 🤷🏻‍♀️
يحيي ب زعل : شادية كانت بتتريق عليا 💔
الام : شادية دي بنت مش كويسة واهلها معرفوش يربوها معلموهاش إن مينفعش نتريق ع حاجة جميلة خلقها ربنا حتى لو فيها حاجة ناقصة لإن ربنا خلقنا كلنا جمال من نواحي كتير مش بس الشكل ، ف المفروض منتأثرش ب كلام حد زيها ، ماشي ي قلبي ؟
( يشاورلها ب اة )
الام : وبعدين احنا مش اتفقنا هنروح ندرس ف مدرسة يزن ورنين وتبقوا سوا ، وإنهم هيحموك ومش هيخلوا حد يزعلك ؟
يحيي : اة 😕
الام : يبقا ازاي بقا مش عاوز تلعب مع يزن لازم تبقوا صحاب اكتر م الأول كمان وتتعامل معاه كويس اتفقنا ؟
يحيي ب قلق : اتفقنا 😐
( تبتسم الأم وتبوسه من دماغه )