قصة : ( انا والقمر اعداء ) ل سهيلة سعيد المنجي

الحلقة ٧ و ٨

قصة : { #انا_والقمر_اعداء } 👀💔

الحلقة السابعة { ٧ } 🤺

احلام : ايوة انا وانت
هيثم : انا وانتي ازاي وانا كنت قايلك هبات برة انهاردة !!
احلام : حسيت ، حسيت إنك جاي 😃
هيثم ب شك : والله ؟!
احلام : اة 😐
( يدخل هيثم ع جوة واحلام وراه بتلطم ع وشها ب خوف ، يدخل اوضة النوم يلاقيها فاضية ، يقرب ع السرير يبص تحتيه )
احلام : بتعمل ايه ي هيثم ؟!
هيثم ب حدة : اخرسي خالص ☝️
احلام ب خوف : ح حاضر 😬
( يقرب ع الدولاب ، تتخض احلام )
احلام : ي هيثم 😦
هيثم : ششششش
( يفتح الدولاب ، يلاقي يزن قاعد جوة )
يزن : طبعاً انا لو حلفتلك إني نجار وكنت بجرب الدولاب مش هتصدقني 🥺
هيثم وهو بيشده من هدومه : تعالى ي روح امك 😡
يزن ب خضة : يختاااي 😨
( يطلعه م الدولاب وينزل فيه ضرب واحلام تصرخ )
احلام : يلهوي يلهوي كفايااااا 😱
( يعدي الوقت ، ف مستشفى ، نايم يزن ع السرير دراعه ودماغه ملفوفين ووشه مليان كدمات وقاعد قصاده يحيي وعطوة )
يحيي ب ضحك : ههههههههه ينهار ازرق مش قادر والله مش قادر 😆
يزن : ي عم انت جاي تشمت فيا ولا ايه 🤕
عطوة : م انت مبتتهدش بصراحة ، مش فاهم مستني ايه لما المرة الجاية نزورك ف المقابر 🤷🏻‍♂️
يحيي : لا انا كنت متوقع إن دي اخرتها ، جوزها هيقفشكوا ويرنك علقة موت تريحك شوية
يزن ب قلق : مش عارف عمل فيها ايه 😕
عطوة : برضو ي بني انت مفيش فايدة فيك !!
يحيي : انسى ي عم 🙄
( تدخل رنين )
رنين : الدكتور جاي
يحيي : ي ست قولي سلامو عليكم داخلة ع يهود !!
رنين : عاملين ايه ؟
يحيي : الحمدلله
يزن : مش هتروحي ولا ايه ؟
رنين : متشغلش بالك انت
( يدخل الدكتور )
الدكتور : استنوا برة معلش
( يقوموا يخرجه م الأوضة يستنوا برة والدكتور يكشف ع يزن ، يرن فون يحيي ، ياخده ويبعد ، عطوة يبص ل رنين )
عطوة : رنين
( تبصله )
عطوة : متزعليش مني ، انا اسف
رنين : محصلش حاجة ، مش زعلانة
عطوة : بجد مش زعلانة ؟
رنين : اة
عطوة : لا زعلانة والله ، انتي مش رنين الي نعرفها 😕
رنين : مفيش حاجة والله ي عطوة ، انا بس عندي شوية دربكة
عطوة : في ايه طيب احكيلي !
رنين : مش عاوزة اشغلك
عطوة : انتي هبلة ولا ايه ، م انتي دايماً قرفاني ب حواراتك التافهة ، قولي في ايه ؟!
رنين : عارف ميادة صاحبتي ؟
عطوة : اة الي اتخانقتوا سوا وبعدته عن بعض ؟
رنين : ايوة هي
عطوة : مالها ؟
رنين : هي ان .........
( يرن فون عطوة ، تسكت رنين ، يطلع عطوة الفون )
عطوة : دي ريماس ، معلش ي رنين ثواني بس هشوفها
رنين ب ضيق : طيب !
( ياخد الفون ويبعد ، يرجع يحيي )
يحيي : لسة مطلعش الدكتور ؟
رنين : لسة 😒
يحيي وهو بيبصلها : مالك ؟!
رنين : ماليش
يحيي : لا بجد مالك ، انتي مش متظبطة بقالك كام يوم !!
رنين : مفيش حاجة ، انا بس مخنوقة شوية
يحيي : لا يبقا نقعد ف حتة ونتكلم ونشوف مالك بقا
رنين : متشغلش بالك بيا ، انا هبقا كويسة 😊
يحيي : م انتي هتبقي كويسة ب اذن الله بس برضو نتكلم
رنين : اوك
( يخرج الدكتور ويطمنهم ويرجع عطوة ، الكل ف الأوضة مع يزن )
يحيي : انا والله لولا إن بكرة في امتحان وانت عارفني بلم قبلها ب ليلة كنت بيت معاك ، وكمان لازم اروح بدري عشان ارتب الدنيا وكدة
يزن : ي بني انا فاهم مهو عطوة معايا اهو
عطوة : انا معاه متقلقش
يحيي : طيب انا هروح رنين ع سكتي ولو في اي حاجة كلموني
عطوة : اوك
رنين : انا هقول ل ماما ايه ي يزن ، دي لحد دلوقتي مفكرة إننا ف عيد ميلاد صاحبتي 🤷🏻‍♀️
يزن : مش عارف والله بس مش عاوز اقلقها 😕
يحيي : قوليلها الحقيقة
يزن ب خضة : يخربيتك حقيقة ايه !!
يحيي : مش حقيقة ضربك ي متخلف ، اقصد لازم تقولها إنك ف المستشفى بس تفهمها إنك كويس ، حادثة بسيطة كدة
رنين : ايوة لازم اقول كدة مهي هتشوفك
يزن : ايوة قولي حادثة ، بس اوعي تغلطي ب الكلام وتقولي حاجة تانية ☝️
رنين : ماشي حاضر 
يحيي : يلا طيب
رنين : يلا
يحيي : سلام ي نجم
يزن : سلام
( يمشي رنين ويحيي ويفضل عطوة مع يزن )
يحيي : ربنا يهديه والله
رنين : هيودي نفسه ف داهية قريب ، افرض كان الراجل خده ع القسم ولبسه قضية 🤷🏻‍♀️
يحيي : كان ضيع مستقبله وسمعتكم
رنين : طبعاً
يحيي : يارب يهدى بقا ويعقل
رنين ب تنهيدة : يارب 😑
( يطلعه م المستشفى ويركبه العربية ويمشوا ، ف الطريق )
يحيي : قوليلي مالك بقا
( تتخض رنين وتوجعها بطنها ف ساعتها )
رنين ب توتر : ااا بص وقت تاني 😬
يحيي : ليه وقت تاني م الطريق لسة قدامنا !!
رنين : معلش ف مرة نقعد ع روقان كدة واحكيلك
يحيي : خلاص نقعد هي دي مشكلتك يعني
رنين : لأ هو .........
يحيي : استني نقعد ف اي كافيه ونتكلم
رنين ب تنهيدة : اوك 😐
( يوصله كافيه ، ينزله م العربية ويدخله يقعده )
يحيي : ها ي ستي مالك بقا ؟
رنين : ماليش والله ، بس حصل حوار  كدة شقلبلي الدنيا
يحيي : حوار ايه ؟!
( لسة هتتكلم يرن فونه ، يكنسل )
يحيي : كملي
رنين : عارف ميادة صاحبتي الي اتخانقت معاها ؟
يحيي : اة عارفها ، مالها ؟
رنين : انا طبعاً ف اخر مرة ضرباها بسبب الموقف الي عملته معايا والكلام الي قالته
يحيي : ايوة حصل
رنين : بقلب ف التيكتوك ب الصدفة لقيت عارف بدر خضر التيكتوكر ؟
يحيي : لا معرفوش ، ليه ؟!
رنين : دة تيكتوكر مشهور جداً عنده فوق ال ٣٠٠ الف متابع
يحيي : تمام !
رنين : لقيته منزل ڤيديو بيتكلم فيه عن بنت مش كويسة وكدة
يحيي : منزل عن ميادة ولا ايه ؟
رنين : لا لأ ، منزل عني انا 😐
يحيي ب عدم فهم : نعم ، عنك ازاي ؟!
( يرنه فونه تاني ، يكنسل )
رنين : لو عاوز ترد ر ........
يحيي ب حدة وهو بيقفل الفون خالص : كملي ي رنين يولع الفون ع الي بيرن 😐
رنين : حاضر ، هو معرفش انا بقولك بقلب بالصدفة لقيته بيتكلم عني
يحيي : عرفتي منين إنه بيتكلم عنك ، قال ايه يعني ؟؟
رنين : استنى هوريك الڤيديو ، انا حفظته عندي
يحيي : ياريت
( تفتح رنين فونها وتفتح الڤيديو )
رنين وهي بتدي الفون ل يحيي : دة 🤳🏻
( يمسك يحيي الفون ويتفرج ، يتصدم )
يحيي وهو بيبص ل رنين : انتي بتستهبليني ؟!
رنين : انا ليه ؟!
يحيي : كلامه كله عنك وعن شاب ايه دخل ميادة ف ال ، ي بت الكااااالب !!
( يفهم )
رنين : فهمت ؟
يحيي : كانت بتسجلك كل حاجة !! 
رنين : ايوة وادتها ل اخوها اداها ل بكر ، وبكر نزلها ع اساس إني بنت مش كويسة ، وهو كان كل كلامي معاها هزار والله بنات وبيهزره ، وكنت ببعتلها كل صور يومي بيت وبرة البيت وكل حاجة حرفياً
يحيي : الله يخربيتك انتي ازاي تعملي كدة ، ازاي تبعتي صورك 🤷🏻‍♂️
رنين : وانا هعرف منين إنها هتعمل بيهم كدة ي يحيي ، انا وميادة كنا صحاب داخلين ف خمس سنين هتوقع منها ازاي إن كل دة يحصل بينا 😕
يحيي : الصور دي عادية يعني مجرد صور بيت ولا حاجات مينفعش حد يشوفها ؟
رنين : لأ
يحيي : لأ ايه ؟
رنين : مينفعش حد يشوفها 😐