نهض ذاهبا للغرفه التي ترك بها " مالك " و " داوود '' منذ قليل .. لم يكن هناك شجار بينهم كما كان يتوقع .. بل كان كل منهم ينظر أمامه بصمت .. لكن تعابير وجوههم تختلف.. ف " داوود " يطغي علي تعابير وجهه البرود و الا مبالاه .. و علي النقيض تماما تظهر علي تعابير وجه " مالك " الغيظ و التعصب ، يبدو أن داوود كان يستفزه بالحديث... هذا أكثر ما يجيده كثيرا
جلس " معتصم " علي مكتبه أمام " داوود " بعد أن أمر " مالك " بالخروج ،،
لن ينكر أحد أن غضب " مالك " في تلك اللحظه بلغ ذروته .. لكنه حاول أن لا يظهر هذا برغم أنه فشل .. و خرج ملبيا الأمر
بادر " معتصم " بالحديث :
- عملت كده ليه ؟
قال " داوود " باستغراب :
- عملت اي ؟
قال " معتصم " بغضب :
- انت فاهم .. متمثلش... أنا عارف ان انت اللي ضربت رصاصه علي رجله .. حتي لو كل الادله أثبتت أن مش انت ف أنا عارف أنه العكس .. و برغم أن عن حسني قال إنك رجعت بيتك قبلها الا اني برضه متأكد أن انت
قال " داوود " مبتسما ببرود متعمدا استفزازه :
- و اي اللي عرفك اوي كده ؟
قال " معتصم " :
- عشان أنا اكتر حد عارف انك حويط .. و انك مش هتضربه غير لما تتأكد أن محدش هيدينك
قال " داوود " ببرود :
- بس اللي يثبت خطأ كلامك إني اتخانقت معاه قدام القسم قبل كده .. و قدام الناس عادي... لو عاوز اعمل زي ما انت بتقول كان زماني سيبته يضربني و رحت اضربه بعدين و انا حويط
ضحك " معتصم " عاليا قبل أن يتابع :
- طب اقسم بالله أن. اللي ضربته.. و حتي لو حويط و مش سايب دليل بس مش هتعرف تقنعني .. عموما .. أنا مش بقولك كده عشان ادينك أو احبسك أو اخليك تعترف..
رفع الاخر حاجبيه باستغراب ليكمل قائلا :
- أنا بقولك كده عشان اعرفك اني لو عاوز امسك عليك دليل هعرف امسكه .. فتتفاداني احسن
قال " داوود " :
- اتفاداك ازاي مش فاهم
قال " معتصم " و قد علق عينيه علي عيني " داوود " :
- ابعد عن " عمر "
ضحك " داوود " قائلا :
- إن شاء الله يباشا .. عن اذنك .. اظن أنا بقي مش عليا حاجه تديني عشان اقعد اكتر من كده .. ولا اي ؟
نفث " معتصم " الهواء من فمه قائلا بغضب :
- يبني بطل استفزاز يبني .. مش عاوز احطك في دماغي بس انت اللي بتصر اني اعمل كده .. اتفضل اطلع بره
خرج " داوود " بالفعل من المكتب .. ووجد مالك يجلس علي كرسي بالخارج .. تحرك ليخرج لكن صوت " مالك " قاطعه قائلا :
- رايح فين ؟ هو الباشا سايبك تمشي كده عادي !! فين العدل يا ناس
لم يعر لحديثه اهتماما بل تابع في طريقه للخارج.. كان سيذهب في البدايه لمنزله لكنه قرر أن يذهب للبحيره ، كان عمر يجلس هناك فجلس بجواره
YOU ARE READING
قل مات عمر
Action- " أيتها الزهرة الخلابة، يا ذات النظرة الأخاذة، يا من أسرت ذاك القلب بتلك العينان الحسناء، سرقت سطوري الغزلية، و فصوص عقلي الذهنية، فتلك اليد ما كتبت الا عنكِ، و تلك العين ما رأت سواكِ، و ذاك القلب يهواكِ، فهل بعد ذلك لا اكون أسير حبك ؟ "
part 3 ( أين اختفت ؟ )
Start from the beginning
