#وحق_عيونج🤎.
Sheehana_11
شيهانه🦅!
———————-
حرير/
كلنا توسطت الفرحة بگلوبنا من طرح صگر الموضوع والفرحنا اكثر، عدم رفض اهلها ومبين عليهم القبول من حجيهم...
بس كلها انصدمت من جراءة فردوس بـ رفضها الفوري لـ صگر،
بحيث ثواني معدوده ضلينا صافنين بوجهه؛
وهي قبل لا اي احد يگول شي، انسحبت من المكان بهدوء وطلعت بس اشوف الوجوه كلها مبين عليها الصدمة اما عن صگر فـ چان الموقف بالنسبة الا ابد ما يحسد عليه...
خصوصاً شخصيته ومكانته ابد ما تتقبل هذا الرفض السريع والجريئ بصراحة؛ مع انو يعني جان مبين عليها تحبه الاخويه بس الظاهر اكو شي مجهول بالنسبة النا،
جان المفروض ما ترفض بهذه السرعة وگدام الكل؛ وجان الكل موجود يعني حتى فهد وزوجته...
فـ بصراحة هذه سالفة جانت مو حلوه منها، نقطة تنحسب عليها حتى لو هي رافضته بدون تفكير بس يعني... المفروض تعرف هو شيخ وضابط واله مكانته،
والگاعدين مو صغار وشقى الموضوع.
كلها بعدها بنفس الهدوء فأخذت نظرة على صگر؛ جان شكله ابد ما يتفسر...
ابو فردوس: بويه اعذرنا، فردوس شوي تسرعت... وما تعرف العادات وتقاليد... احسبها علي وليدي!
بصوت خشن حاد عصبي حمقان، متحمل الگعده بالگوه: لا حجي، انه انتظر منك الحچايه!
- واذا ممكن انه احچي وياها قبل لا تروحون، واسمع سبب رفضها للموضوع بهذه السرعة!!
تدخلت الحجيه فردوس: ولكم جيبولي العصة، وينها هاي الجاهلة؛ اكو بنيه فاهمه تسوي سوايتها!!
ام صگر: حجيه عذريها، تسرعت!
ام فردوس بهدوء: اني احجي وياها واتفهم اسبابها، وان شاء الله خير..
وابني صگر، اذا ما اقتنعت . انت احچي وياها مثل ما تفضلت!
بس هسه اني رايحة اشوف شبيها..
اعرف بنتي مو هذه سوالفها، وابد ما تتسرع...
اكيد عندها اسبابها!
طلعت ام فردوس، واباوع لصگر اذانه صارت حمره وعروق رگبته حيل برزت،
خفت لا يصير بي شي بهالليل،
ركضت جبتله ماي بسرعة انطيته اله،
وامي هم ركضت عليه...
- وليدي، لا تتعصب الله يخليك! اهدئ!
فر رگبته بعصبية؛ شرب الماي برشفة وحده،
واخذ باكيت جكايره الي بصفه وطلع بغضب!
كلها تسحبت بهدوء؛ وانا رحت اباوع من شباك المطبخ على الحديقة...
جان گاعد على الكرسي ويدخن ؛
يطلع بهالدخان ويرجع يسحب نفس بغضب ومبين على وجهه الحده؛ شوي وضل يروح ويجي بالحديقة؛ واحس الارض راح تنخسف من مشيته!
رفع الموبايل شوي ضل صافن عليه؛ بعدها گعد بسرعة وهو يخلي ايده على ركبه وبيده الموبايل بنص وارجله تهتز بعصبية...
أنت تقرأ
وحق عيونچ 🤎.
Romanceفردوس بنظرة غضب: گتلك ألف مرة لا تصرخ بوجهي بهذه الطريقة ، انت ليش متفهمني... صگر: وعيونه تطاير بيها الشرار: وانه الف مرة گتلچ وحق هاي عيونچ ما تصيرين مره لغيري! كلمتي وحدة ما اثنيها ! سمعتي لو لا؟؟ فردوس بقت تنظر اله وكأنوا تتحداه رجع صاح بصوت ا...
