وحق عيونچ 🤎.

بارت 24

‎#وحق عيونچ🤎.
Sheehana_11
شيهانه🦅!

———————-

بارت 24

———

صگر/

تجمعنا كلنا على الغدة وانه احس روحي مرتاح، شغلي بخير وعائلتي بأحسن حال والي دخلت گلبي وعائلتها بأمان يمي...

حسيت بعد طول هاي السنين استحق ابتسم بأطمنان بس منين يجي الاطمئنان وانه اشوفها تدخل برشاقتها لغرفة الاكل...
خرب عشيرتج فردوس مو هيج اتفقنا،،
تبقين ببيتي ومو على ذمتي اكثر من يومين على هذا الحال؟؟
تصير بيه جلطه اطگ واموت

بت اللذين لابسه دشداشة ومرتبة روحها كالعادة والشعر اخخ الشعر لافته ونازلات خصل تتلمس الخدود ...
والرگبه شحم صفنت بيها ورحت لغير العالم لو ما العيب واعتبر شيخ جان استغفرالله

ربي هاي صدك كل هذه الايام الجانت هنا تلبس هيج وكدام اخواني؟؟
هو انه كدام ابوها واخوها بودي اموتها من اشوفها هيج مو انوب هنا خرب غيرتك فادي گ*** اختك شلون تخليها هيج
ضل التفكير يجيبني وياخذني شلون اگومها منا بدون ما يتاذى احد،،
احس روحي وجرت ونار تحرگ بيه؛ عيوني بقت عليهه ونسيت الكدامي والوراي الا ان :
قاطعني صوت يوسف الگ *** " خاب هسه انفتحت شهيتي على الاكل"

عقل ما ضل براسي هنا خزرته ردته بس يباوعلي علمود اطيح حظه واتوبه من هاي سفالته؛ ادري شقى وضحوك بس يمعود مو وياها،
مو وياها هذه غير، تخصني انه... بس انه اتغزل واتشاقه وياها...

هشام انتبهه عليه ونكز يوسف بخاصرته بس هذاك سافل كلشي عادي عنده وادري بي ما راح يسكت الا يجلطني بمكاني وانه منا مشعول بسببها...

درت عيني عليها شفتها ابتسمت بخجل وانه روحي ضلت تلوب؛ اجيت اطلعلي حجة واگومها هي وحرير منا قبل لا ارتكب جريمة بس سمعت السافل رجع يصخم اكثر بحچيه

- ولكم فردوس خنست... ولك خويه صگر خلست البنية ع كيفك؟

عيوني بقت عليها وانه اشوف الكل التفت عليه وهي من ضمنهم بس شنو بس احد يگلي شي اگلب الدنيا ع روسهم،

بحيث احس اديه ضلت ترجف لا انه الي اكدر ابقى ساكت واتحمل ولا الي انه اكدر احجي واطلع ضيم گلبي...

هي دارت عليه وشفت عيونها لو احس الكون حولي كله هدئ وبقينا بس انه وياها؛
مدري شلون ترجيتها بعيوني تفلت منا لا وحق القرأن اجرم بيها،
وهي فهمتني بت اللذين صايرة تفهمني انه من دون شي روحي رايحة مو انوب تفهمني وافهمها؛

نزلت عيونها ع صحن بأرتباك ورفعت ايدها بهدوء بعدت خصلة من شعرها وگالت بصوتها المبحوح: اني ... شبعت؛ عوافي الكم!

يوسف بتدخل: گعدي يمعودة اتشاقه وياج... اخوي ما ياكل بشر لا تخافين!
" والله اذا كل بشر مثلها اكل ما اگول لا ههههه" حجيتها بيني وبين نفسـي بخبث واني اشوفها بدت تگوم...

اريد اشبع عيوني منها بس بنفس الوقت اريد ابعدها منا بأسرع وقت لهذا بقت عيوني عليها الا ان حسيت بـ فردوس العودة وهي تحاجيني بأبتسامة تظهر انو هي كشفتني: ها شيخ... اكل يما اكل عيونك ع صحن لا يطير اكلك... هذا يوسف ياكله ترا اذا تركته ، تدري بي ابو بطن!!

- اي حجيه جاي اكل شحده الي يمد ايده على اكلي" وابتسمت الها وكأني أكد على قصدها!

————————————————

فردوس/

يما طفرت من المكان بروحي العزيزة، هذا صگر مخبل صدك يخوف شبي هيج،
عود اني مـ اخاف من احد غير ربي ، بس صگر رعبتني نظرته حسيته وكأن يگول اذا مـ گمتي هسه ما اضمنلج الي يصير بسببج"

كضيت گلبي اريده يسكت ماكو ينبض بقوة؛ بس شنو حسيت روحي طايرة واني اشوف الغيرة بعيونه...
ليش حتى يغار اذا مـ يحب ها؟؟

اخذني التفكير وجابني ولگيت روحي اكتبله رسالة على فيس بوك: انت عود شبيك ها؟
على شنو شايف روحك؟!
هاي لان شيخ عود وببيتك هيج اسوي؟! بعد لا تخزرني لا والله....

فجاءة شمرت الموبايل من ايدي وكأني صحيت على روحي همزين قبل لا ادزها " ياء هاي شبيج فردوس؟!" هاي ابد مو اني!! هذه مو تصرفاتي ولا عقليتي" شبيج تخبلتي؟؟

ثواني واحس الموبايل يرن، رفعته وجان اشوف رقم غريب.....

يتبع...
————————

‏‎# وحق عيونچ

‏‎هاي♥️.

‏‎اعتذر عن الاخطاء الاملائية!