——————-
#وحق عيونچ🤎.
Sheehana_11
شيهانه🦅!
———————-
11.
صگر/
سمعت بالسالفة مالت اهل فردوس والصاير الهم عن طريق الصدفة،، وگلبي ضل بنار گلت لازم اتصرف...
تذكرت عندي رقم اخوها على طول شلت الموبايل واتصلت عليه؛
سألته عن السالفة وتكفلت انه بيها؛ اخذت منه عنوان بيتهم مع انو اندله بس علمود لا يشك بالموضوع اخذته منه وگتله ساعة وانه يمك.!
چنت بالمكتب بالمناسبة انه قبل فترة ترقيت وصار اغلب شغلي بالتحقيق والمراكز ابتعدت عن الحدود وهاي سوالف بس هم اروح مرات من يجي خبر يردوني.!
بعدني هستوني اريد اطلع ودخل سيف علي؛ الله حيهم وين ماخذة چويلاتك ورايح هسه گلنا يا الله؟!
صگر بسرعة وهو يلم بأشيائه: سيف مالي خلگ سوالفك! طالع بمهمة ...
سيف وهو يغمزلي: مهمة عسكرية لووو..؟
ضربته على كتفه وانه اتذكر المفروض اخذ وياي واحد عالاقل يبين احنه صدك متكفلين بالقضية: اگلك تمشي وياي؟ انه ما ارتاح منك فأمشي وياي وريحني!
سيف وهو يهز كتف وحواجبه ترگص: اموت على الطلعات الوياك سيدي ، بس ترا صبح سيدي مو ليل خاف مخربط!!
صح سيف كلش قريب علي واقرب من اخواني وهو الوحيد الي احچيله كلشي، بس هاي سالفة احس تخصني حلالي انه وبس لازم يصير كلشي رسمي يلا أكدر اعلن الخبر.
دفعته بغضب: تالي وياك! يابه مهمة عسكرية...
مشيت وهو اجى وياي وانه اكمل كلامي: امس صار اطلاق نار على بيت واحد تاجر!
ضحك سيف بصوت عالي: لا لا شنو ما فهمت؟! واحنا من يمتى وظيفتنا حماية بيوت الطاگين؟؟؟
تجاهلت كلامة وانه اركب السيارة، صعد وهو بعده يلغي ولا انطفى...
ما اعرف شلون انه وياه صرنا رگفه وروح بالروح، ابد ولا نشبهه بعض ولا بأي شي.!
شخطت بالسيارة بقوة ووصلت لباب بيتهم بسرعة، باوعت من خارج البيت، بيت فخم ونازك يعكس طبيعة العائلة والحديقة كلش مرتبة بس امس الظاهر صاير دمار هنا!
دگينا الجرس وانتظرنا بهذا الوقت سيف شوي احتدت ملامحه ورجع لشخصية الضابط ؛
مع انو متوقع كلش هو وفادي راح يتوالمون ؛ نفس الطينه:)
فتح الباب فادي وهو يرحب ويسلم بس مبين عليه مضايق!
فادي : اهلاً وسهلاً... تفضلوا! والله تعبناكم اليوم!
صگر: ابد لا تگولها، انتوا اهل!
تقصدت اذب هيج كلمة..:)
سيف باوعلي وضحك هذا الگ*** ولا اكدر اضم شي عليه ،
طبينا لصالة وابوها اجى سلم ومبين عليه التعب: هلا بيكم تفضلوا!
سيف: زاد فضلك يابه،
قاطعنا صوت ام فردوس( كلش تشبهه معاني فردوس) خفت لا بس هي هم تجي تسلم انوب...
سهير: اهلاً وسهلاً بيكم ولدي، اني ام فادي !
شنو تحبون تشربون من وتتناقشون؟!
گمنا سلمنا عليها بأحترام وانه كيفت ام فردوس وتعرفت عليها بعد محد بقى؛ هلا بيج خاله، وياج العقيد صگر سلمان!
كمل سيف: وانه هم عقيد سيف! تسلمين خاله، جايين نكمل شغلنا ونروح!
تدخل والدها وهو يصر: لازم نضيفكم ما يصير هيج!
سيف بتدخل: عمي ليش احسك من اهل البصرة ولو اعذرني على تدخل بس حسيتك من عدنا وبينا!
ضحك ابوها مع انو ملامحة جانت شوي مضايقة: اي وليدي انه من البصرة!
انصدمت ولا توقعت ؛ بالملف جان مكتوب هو من بغداد... يلا يمكن الاصل مناك! وطلع بيها دم بصراوي هالفردوس!
صگر: حياهم الله.!
سلمان: الله يحيي اصلك، گهوة عربية لو شي بارد يابه!!
سيف: گهوة ما دام مصرين
صح والدتها بس سلمت وطلعت فـ فادي راح وراها گللها؛
بدينا نتناقش ونستفسر عن الموضوع وگتله لازم ناخذ الاقوال وانه كل عقلي بس اقوال والدها وفادي ابد مو ام عيون :|
فادي: عدنا كامرات بس الگ*** ما مخلين رقم سيارة!
صگر: انطيناهم هم نستفاد منهم حتى لو بس السيارة مبينه!
سلمان: هو انتم ضلوا حققوا بس انه ما أگدر اخلي العائلة هنا وكلهم بخطر! خصوصاً بعد الرساله!
صگر: حقك عمي، انه راح أمن الك طريق لأي محافظة او دولة وبس تستقر الامور ان شاء الله ترجعون سالمين! واحنا نضل على تواصل!
انه هسه أكدر امن الك البيت بس اعرف انتم اصحاب اعمال مو مال تگعدون بالبيت لمدة طويلة!
سلمان: اي طبعاً ابني، لهذا راح اخذهم واطلع من بغداد فترة!
راح فادي يجيب التسجيلات وما احس الا على صوتها هي وامها دخلن سلمن وهم علمود سالفة الاقوال؛
بس انه شنو بهاي اللحظة روحي وصلت لخشمي!
دخلت تسلم هيج وسيف موجود لو روحي طلعت شلون تحملت ما اخذها واطلع أگطعها ما ادري؛ انوب بت اللذينه شلابسه وشمسويه مع انو هدوم بيت مبينه بس كلش مرتبة بس اخخخ لو اكضها!!!
سلم سيف وعينه ابد ما شالها عليها؛ حسيته فهم وضل يضحك ويتوعدلي بس انه اهجس روحي متتت تمنيتها بس تطلع!!
بحيث ضليت ادور حجة بلكت تطلع!!
يمكن دقيقتين وما تحملت...
يتبع...
————————
# وحق عيونچ
هاي♥️.
اعتذر عن الاخطاء الاملائية!
أنت تقرأ
وحق عيونچ 🤎.
Romanceفردوس بنظرة غضب: گتلك ألف مرة لا تصرخ بوجهي بهذه الطريقة ، انت ليش متفهمني... صگر: وعيونه تطاير بيها الشرار: وانه الف مرة گتلچ وحق هاي عيونچ ما تصيرين مره لغيري! كلمتي وحدة ما اثنيها ! سمعتي لو لا؟؟ فردوس بقت تنظر اله وكأنوا تتحداه رجع صاح بصوت ا...
