#وحق عيونچ🤎.
شيهانه🦅!
Sheehana_11
________________________
2.
گاعد بالمضيف (بس مو الاساسي الي بولايتي) ، لا هاي عدنا مضيف ببغداد هم لان روحاتي هواي بين بغداد والبصرة فقررت اعدلي بيت ومضيف ابقى بي من اتواجد هنا
، ما احس الا حارس من الحراس العدنا دخل علي وهو يركض
- هوب هوب يمعود شبيك، انطق؟؟!
وگف وهو ياخذ نفسه وبالگوه يريد يحچي ( شيخ ، صارت مشكلة وي واحد من عدنا بالمطار ، وشايل سلاح على شرطة المطار ..!)
طفرت بسرعة وانه انكث عباتي : امشينا بسرعة ، حضر سيارة وخبر العدنا يلحگونا...
————
وصلنا للمطار سيارتين وبالطريق حاولنا نفتهم اصل المشكلة ،
اول ما دخلت استقبلوني استقبال حار لان انه مو بس شيخ عشيرة *** ومعروف لا الحمدالله حققت حلمي ودخلت كلية العسكرية وصعدت بمراتب بتعب ايدي حتى وصلت لمكاني اليوم...
خل احچيلكم شوي عني:)
انه صگر محمد شيخ عشيرة **** توليت المشيخة بعد وفاة ابوية الله يرحمة،،
چان مسلم المشيخة الي بوصيته بينما عندي ٣ عمام يگدرون ياخذوها عني بس هو فضل انو انه اديرها ... وانه لبيت وصيته حتى لو چان التعب يصير علي مضاعف !!
نفس ما ذكرت سابقاً تخرجت من كلية العسكرية ووصلت يوم ورا يوم لرتبة "عقيد" ،
عمري متوسط ثلاثينات .. اذا تردون تعرفون شوي عن شكلي فانه طويل واسمر بعد من البصرة اكيد اسمر بس عيوني عسليات طالع على بيبتي الله يحفضها !!
وعندي عضلات احب اهتم بالرياضة والصحة ، اما عن شخصيتي فالكل يهابني من طفولتي ويمكن لهذا السبب شاف الوالد شخصية المشيخة تلوگ الي!!
ومن دخلت المجال العسكري زادت هيبتي وثقتي بنفسي !
ابوي ترك علي حمول چثيرة ، المشيخة.. مصانع وشركات صح اخواني ما مقصرين بادارة اغلبهم بس تبقى كلها على عاتقي،
الله يقويني واگدر اتحمل كلشي...
انه ما متزوج مع ان امي تلح علي من زمان، تزوج بنات خالتك وتزوج بنات خالتك ...
بس انه قافل لو تجي الي بالي او ماكو، طبعاً اكو متطلبات لكل رجل وانه احلها بطريقتي
اتزوج بالحلال واخذ الي اريده بس بشروطي طبعاً واغلبهن هنه يجن الي برجلهن فانه البي وبسسس
————-
وصلت واشوف الشرطة محاوطة المكان كله والمسافرين مبعديهم من مكان الحادثه وكاضين المنعول ؛
هو هذا اكبر سگط يومية مشكلة
مراهق واهله مدللينه وطلع زفت ،
وتعال شيخ حللنا السالفة ! يا سالفة الما تخلص ،
وگفت افهم السالفة من واحد صاحبي بالجيش وما احس الا على وحدة تصيح بصوت عالي وترزل،
هاي اول مرة اشوف مره تصيح وهيج بمكان عام ضليت جامد ...
التفت وچان اشوف وحدة الشعر مفتوح عسلي والتنورة فوگ الركبة والسيقان بيضة تلمع ومنطيتني ظهرها وياها واحد جبير بالعمر يمكن ابوها!!
واگفين والظاهر اكو مشكلة وي....
يتبع...
__________
# وحق عيونچ
هاي♥️.
اعتذر عن الاخطاء الاملائية!
گلولي احچولي شنو رأيكم؟
أنت تقرأ
وحق عيونچ 🤎.
Romanceفردوس بنظرة غضب: گتلك ألف مرة لا تصرخ بوجهي بهذه الطريقة ، انت ليش متفهمني... صگر: وعيونه تطاير بيها الشرار: وانه الف مرة گتلچ وحق هاي عيونچ ما تصيرين مره لغيري! كلمتي وحدة ما اثنيها ! سمعتي لو لا؟؟ فردوس بقت تنظر اله وكأنوا تتحداه رجع صاح بصوت ا...
