#وحق عيونچ🤎.
Sheehana_11
شيهانه🦅!
———————-
بارت 25
————————
صگر/
قررت اسوي عزيمة چبيرة بـ مناسبة جيت ابو فادي بعد غياب طويل للبصرة وافرحهم بذات الوقت ببشارة ان گدرنا نكض العصابة الچانت تهدد حياتهم بـ خطر وشبعناهم من المقسوم انه وسيف...
عزمت عمامي واولاد عمامي ونسوانهم وكل من يستاهل يتواجد بفرحنه وخبرت الكل يبدون يتحضرون للعزيمة ويتسوگون وهاي السوالف...
ضلت بس سالفة شاغله بالي؛ وهـي ام عيون ...
لازم اشوفلها حل بحيث انهه تصير حلالي قبل رجوعهم لبغداد بعدما نحلت المشكلة اكيد يردون الحياتهم...
تذكرت هاي المصيبة مالتي باجر بالعزيمة اذا تواجدت وولاد عمي موجودين احرم بيها...
بسرعة رفعت الموبايل وطلعت رقمها واتصلت،
دگ مرة مرتين وبالثالثة يلا جاوبت بت اللذين شلعته الگلبي!!
- ألووو " اجاني صوتها العذب من الجهة الثانية"
( منو وياية؟ منين جبت رقمي الخاص؟؟ الووو" حـ اسده تراااا"
ابتسمت على سوالفها،، رقمها الخاص بت اللذين اني م اجيبه لعد شتردين اتصل ع سكرتير حضرتج! احجي بيني وبين نفسي
تحمحمت وعدلت صوتي: ألوو، فردوس؟!
سمعت شهگتها العالية: صگر!! هذا انت؟؟
- اي منو غيري قابل!! سمعيني باچر عزيمة ببيتنا بـ مناسبة جيتكم!!
كملت بتهديد ادري بيها ما يفيد وياها بس التهديد:
فـ عيوني اذا لمحت خيالچ الانيق باچر بأي مكان يتواجد بيه احد!
ما تلومين الا روحج،
سمعتيني لو تحبين اعيد؟؟
ارتفع صوتها عن قبل شوي وهي ترد بعنف: لحظة... لحظة ...
شنو عيني مـ سمعت!! انت منو وتقرر عني ها؟؟
اشو طوختهااااا...
جرت اخر كلمة جر وانه روحي راحت وياها...
- ولج اشتعلوا اهلج... صوتج بت اللذين على كيفج وي گليبي!!
ترا رچيج ما يتحمل!!
فردوس وشوي هدئ صوتها: يااااء هاي شبيك!! ترا انت مثل اخويه فادي!
- اشتعل فادي، يا اخوة ولج!
انه بس حرير وغدير خواتي!
غمزت بخبث وانه اكلها: اكلج عود بعد يومين بالغرفة هم تگليلي اخويه... غير اللعب بيج شناو! گال اخوها گال...
لا حبيبتي اخوه بينا بح اخوه
طب غلقت الخط بوجهي، اشتعل **** هاي ثاني مرة چا ما اكضج واتوبج عليهم وحدة وحدة!!
قاطعني سيف وهو يصيح علي؛ صگرررر، يمعود تعال.!!
يگولون وين نحط الجدورة مال الطبخ ورا البيت لو برا البيت؟؟
علمود باجر
- ورا البيت، بلا هوسه احسن!!
——————————
حرير/
اخويه قرر يسوي عزيمة وكلنا ملتهين نحضر ونسولف ونضحك..
فـ امي دزتني اروح اصيح على هشام تريد منه فد معلومة عن الغده،،
صعدت فوگ ما موجود، اتصلت عليه ماكو ...
گلت اكيد راح للديوان،
فـ احنا عدنا ممر يؤدي للديوان بدون ما نطلع برا،
فـ هستوني دا اوصل للديوان ما احس الا نجريت ودخلت بغرفة يم الديوان احنا مخليها لسوالف الديوان...
دلات وفنجاين وكذا!!
اجيت اصرخ بس نخلت ايد على حلگي، وسحبني اكثر للداخل
بس هدأت من استنشقت عطره..
ومنو غيره؟؟
حسيت بأيده من وراي سدت الباب بهدوء بس جانت الغرفة حيل ظلمة بحيث كلشي ما اشوف بس فاتحه عيوني واحاول افلت ايديه مني...
سيف بهدوء: اشششش، هدأي !! هذا انه..
ضليت احاول افلت منه بس بدون جدوى وهو ساد حلگي حتى ما اگدر اعيط!!
تقرب عليه اكثر بحيث ما بقى يفصل بينا شي...
ودنگ راسه لـ يم ذاني كلش وهو يجر نفس بقوة، حسيته فاقد...
انه هنا نزلت دموعي؛ مـ اعرف من الموقف... من اشتياقي اله؟؟
من لهفتي عليه؟؟
- مشتاقلچ... حيل مشتاقلچ حرير!
راسي رخى على كتفه القريب عليه وهو بعد ايده عن شفايفي، وبهدوء بدا يفلتني،،
- راح اتركچ... بس بلا صوت!!
روحي رجعي للبيت! ولا تخطين خطوة للديوان سمعتي!!
هو فلتني وانه من لهفتي وحبي اله واريد يسامحني من كل گلبي على الي سويته ' وكأن الفرصه اجت لعندي بعد ما جان متجاهلني كلياً! هاي فرصتي...
حضنته ورفعت نفسي ودفنت راسي بـ رگبته بقوة وشوق...
حسيت جسمه تشنج وانصدم بس فجأة بادلني الحضن بـ حضن اقوى وهو يبوس براسي بلهفة...
- ولج شسويتي بيه؟!
حرير بشهگات: بعد لا تتركني هيج... ابد... ابد
بسرعة رفع راسي والتقط شفايفي بين شفايفه ورحنا بغير عالم...
نسينا احنا وين وليش...
الا ان انقطعت انفاسنا،،
بعدت عنه بهدوء رجع باس گصتي وگال بهمس: حرير، فلتي منا بسرعة، لا اجرم بيج!!
ابتسمت بسرعة وطگيتها ركضة للبيت وانه اتلمس شفافي بصدمة!!
يتبع...
————————
# وحق عيونچ
هاي♥️.
اعتذر عن الاخطاء الاملائية!
ها حاولت اطول البارت والله :)🌝♥️
أنت تقرأ
وحق عيونچ 🤎.
Romanceفردوس بنظرة غضب: گتلك ألف مرة لا تصرخ بوجهي بهذه الطريقة ، انت ليش متفهمني... صگر: وعيونه تطاير بيها الشرار: وانه الف مرة گتلچ وحق هاي عيونچ ما تصيرين مره لغيري! كلمتي وحدة ما اثنيها ! سمعتي لو لا؟؟ فردوس بقت تنظر اله وكأنوا تتحداه رجع صاح بصوت ا...
