POSSESSIVE 6: Dark Montero

CHAPTER 1

CHAPTER 1

ANNIZA woke up with a massive headache. Sapo ang ulo na bumangon siya sa pagkakahiga at umalis sa kama. Napakurap-kurap siya ng bumaba ang tingin niya sa katawan at nakitang wala siyang saplot.

Kaagad na nagsalubong ang kilay niya. Huh? Bakit wala akong damit? Nagtatakang tanong niya sa sarili.

Naguguluhang ipinalibot niya ang paningin sa kabuonan ng silid na kinaruruonan niya habang parang agos ng tubig na dumaloy ang ala-ala niya sa mga nangyari kahapon.

Naliligo siya sa sa sariling pawis habang mabilis na tumatakbo sa treadmill na nasa tabi ng swimming pool ng bahay nila. Desidido talaga siyang mabawasan ang timbang niya kahit kaunti lang bago ang kasal nila ni Paul. Alam niyang gusto ng fiancé niya ng mga skinny na babae at napaka-suwerte niya dahil nagustuhan pa rin siya nito kahit medyo may katabaan siya.

Ginagawa niya talaga ang lahat para naman maging proud sa kanya si Paul bilang bride nito.

"Balak mo bang magpakamatay, Any?" Tanong ng kaibigan niyang si Haze.

'Any' ang tawag nito sa kanya dahil may kahabaan daw ang pangalan niya na Anniza. Hindi naman e, pero wala talagang tumatawag sa kaniya sa buo niyang pangalan. Kapag hindi 'Any' ay 'Iza' ang tawag ng kamag-anak at kaibigan niya sa kanya.

"Kailangan mabawasan ang timbang ko kahit ilang kilo lang," sagot niya kay Haze habang hinihingal na tumatakbo sa treadmill. "Paul wants me to be sexy in our wedding day."

Sinabi talaga iyon sa kanya ni Paul sa kanya at naiintindihan naman niya ito. Gusto raw nito na sa araw ng kasal nila ay nabawasan na ang timbang niya.

"Any, kung mahal ka talaga ni Paul, hindi niya hihilingin na magpapayat ka," ani Haze na umingos. "Kung totoo ang pagmamahal niya, tatanggapin ka niya kahit ano ka pa."

"Hayaan mo na ang babaeng 'yan, Haze," ani Czarina na abala sa pagbabasa ng isang malapad at makapal na aklat. "Obsess 'yang pumayat."

Naiinis na inihinto ni Anniza ang treadmill at humarap sa mga kaibigan niya. "Ano ba naman kayo? Sa halip na i-motivate niyo ako, inaaway niyo ako."

Malakas na bumuntong-hinga si Czarina saka bumaling sa kanya. "Any, tama naman kasi si Haze, e. Kung mahal ka ng lalaking 'yon, hindi niya hihilingin na magbago ka." Tumayo ito mula sa pagkaka-upo sa gilid ng swimming pool at isinukbit ang shoulder bag sa balikat nito pagkatapos ay naglakad paalis. "Mauna na ako. May manganganak akong pasyente ngayon, e." Pahabol nitong sabi bago nawala sa paningin nila ni Haze.

Czarina Salem is an ob-gyne Doctor. Pero sa edad na twenty-eight, hindi pa yata ito nakontento sa natapos na kurso kaya naman nag-aaral ito ngayon para maging Psychiatrist.

"Tama si Czarina, Any," ani Haze ng sila nalang dalawa. "Stop changing yourself."

Napabuntong-hininga siya. "Masama bang magbago para sa taong mahal mo?"

Si Haze naman ang bumuntong-hinga at hinawakan siya sa magkabilang balikat. "Any, kaibigan mo ako mula ng high school tayo. Alam na alam ko lahat ng pinaggagagawa mo para pumayat ka pero wala namang nangyari. Tanggapin mo nalang na hindi ka magiging payat na babae. Your body is voluptuous. Hindi ba 'yon ang sabi ng nutritionist mo nuong nag diet ka at dinala ka sa hospital dahil hindi na kinaya ng katawan mo? Just accept it. You are not fat, okay? Malaman ka lang talaga."

Nagbaba siya ng tingin. Totoo nga na dinala siya noon sa hospital. 'Yon yung panahon na nag-propose sa kanya si Paul at sinabihan siya nitong mag-diet para sa kasal nila. She wanted to be sexy for Paul. Gusto niyang sexy siya sa araw ng kasal nila. May tatlong buwan pa siya para pumayat bago ang kanyang kasal.