#وحق عيونچ🤎.
Sheehana_11
شيهانه🦅!
———————-
حرير/
گاعده اني وسيرين بعدما اختفت فردوس؛ برا على كراسي اثنين ونسولف ونباوع على الاجواء...
بس صاحتها سرى يم المنقلة وترخصت وراحت؛ ثانيتين وگعد سيف بـ مكانها حتى شكيت انو جان ينتظرها تگوم.!
سيف: حياهم الله!
التفت نحوه بخجل: يحيي اصلك!
باوعلي بعمق " بس تخلصين سادس احچي وي اهلج، وكملي الكلية يمي"!
حرير بتردد: ها...؟
سيف بأبتسامة جانبية: نتزوج قصدي ورا هالشهرين!
بس اريدج تطلعين معدل دكتورة هسه وما تشغلين بالج...
حرير بأبتسامة اطمئنان: ان شاء الله...
سمعت الشباب صاحوا انو راح يخلص الشوي فـ گمنا نحضر الگعده علمود العشى؛ دا احضر السلطات والمح فردوس جايه من ورا البيت؛ عزه هاي مـ خافت وحدها هناك...
بدت تتمشى واني بقت عيني عليها؛ خفت صاير وياها شي،
بس يمكن دقيقة مرت واشوف صگر طالع من نفس المكان...
يا عززززه هذول شنو جانوا يسوون،
وصلت يمي فردوس واشوف الشفة مورمه هي صح شفتها منفوخة من قبل بس هسه كأن مسويه فلر وحمرررره...
سويت روحي مـ شفتهم استحيت احجي وياها بدون ما هي تحجي؛
بس تقدمت يمها وهمست بأذنها" فردوس حبيبي، خلي حمره على شفتچ"
مـ ردت احد يحجي عليها وخصوصاً سرى وشلتها بسرعة يحجون...
باوعتلي فردوس بفشلة وفهمت علي: احم اي رايحة.
راحت واني طلعت برا كلشي جهز بقى بس نتجمع كلنا؛ كلها گعدت واجى صگر والابتسامة منورة وجهه واحسه منتعش...
————————————————
فردوس/
وصلت لگيتهم متجمعين حول النار كل شخص گاعد بكرسي ومسوين دائرة)
والجو صار ولا اروع...
شفت هشام ويوسف وحرير يم بعض بعدها سيرين والجهة الخ گاعد هو يمها...
والكرسي الثاني اليمه فارغ هو اول ما فتت اشرلي على هذا الكرسي بس لو اعرف سيرين شجابها يمه...
روحي يم اخوانج يمعودة!
اتجهت وگعدت واني اتأفأف بضجر وصرت بصفه ويمي جهة لخ سرى...
التفت علي وهمس بهدوء بدون محد ينتبهه: شبيها الغزاله تأفأف؟؟
فردوس: مـ بيه شي؛ بس أتسأل هم صحت لسيرين تجي تگعد يمك هيج؟
ضحك وتفاحة ادم برگبته ظهرت بوضوح...
سكت وحجت نظراته، شفته طلع من جيبه مثل المنديل وانطاني ياه...
جان ابيض حيل ناعم تلمسته بأيدي وبزاوية مكتوب بالخط العربي "صگر" ؛
ابتسمت: شگد حلو...
رجع راسه لورا وهمس: آمم حلو، بس مسحي بي حمرتج يلا!!
أنت تقرأ
وحق عيونچ 🤎.
Romanceفردوس بنظرة غضب: گتلك ألف مرة لا تصرخ بوجهي بهذه الطريقة ، انت ليش متفهمني... صگر: وعيونه تطاير بيها الشرار: وانه الف مرة گتلچ وحق هاي عيونچ ما تصيرين مره لغيري! كلمتي وحدة ما اثنيها ! سمعتي لو لا؟؟ فردوس بقت تنظر اله وكأنوا تتحداه رجع صاح بصوت ا...
