"Zemiragh: The Unwanted Princess" S1

ZTUP S1 - C H A P T E R : 4 3

Binangga naman ni Prinsesa Nexzia ang balikat ni binibining Ahrimita at binelatan ito at tumakbo upang sumunod sa kanyang kuya.

Galing naman sa kilig na nararamdaman ni binibining Ahrimita ay napalitan nalang bigla nang galit at inis dahil hindi man lang siya iginalang ng Prinsesa.

Gusto niya na respituhin siya ng lahat dahil isa siyang anak sa nangungunang Opisyal sa kaharian ng Llum.

Si Prinsesa Ellezna, Prinsesa Ellezbeth at si Prinsesa Allikya naman ay palihim namang napa ngiti sa kanilang nakita sa ginawa ni Prinsesa Nexzia kay binibining Ahrimita habang si Prinsesa Quinta naman ay napataas kilay nalang.

Kahit magpinsan silang dalawa ni binibining Ahrimita ay hindi naman sila laging magkaka sundo isa pa, ang kinaiinisan niya ay ang laging paglapit nito kay Prinsipe Lawrence na kanyang mahal.

Ayaw na ayaw pa naman niyang may lumalapit na ibang babae sa kanyang iniibig dahil buo parin ang tiwala niya na darating din ang araw na magkaka balikan sila nang Prinsipeng kanyang minahal.

Kaya malakas ang loob niyang may nararamdaman pa ang Prinsipe sa kanya dahil sa suot pa nito ang ibinigay niyang pulseras.

Napaangat ang gilid ng kanyang labi dahil tila hindi talaga siya makakalimutan ng Prinsipe kahit may nagawa pa siyang pagkakamali.

Sumunod narin siya sa paglalakad at inirapan ang kanyang pinsan na mabilis din nag lakad upang mahabol ang nauna at makapal talaga ang pagmumukha nito dahil sa sumabay pa talaga ito kay Prinsipe Lawrence sa pag lalakad at nag sasalita na naman ng ano-ano patungkol sa babaeng akala niya ay kanya nang napatay.

Pero tila totoo talaga ang kasabihan na ang masamang damo ay matagal mamatay.

Subalit hindi naman huli ang lahat para maisakatuparan niya ang utos ng nakakataas na patayin ang Prinsesa sa kaharian ng Genezers.

Pagkapasok ng mga Prinsipe at Prinsesa sa pintuan ng Cantena ay bigla nalang nanlaki ang kanilang mga mata sa kanilang nakita sa paligid.

Gulong-gulo ang mga upuan at mga mesa lalo na ang mga pagkaing nagkalat sa sahig.

"ANO ANG NANGYARI DITO?!!"

Umirap naman si Prinsesa Nexzia kay binibining Ahrimita na siyang sumigaw dahil tila umasta pa talaga ito na parang siya ang nakakataas sa kanilang lahat at inagawan pa ang kanyang kuya sa posisyon nito.

Nanlaki naman ang mga mata ng ibang Prinsesa at Prinsipe nang makita nila ang ilang mag aaral na nakatihaya na puno ng dugo ang mukha at wala nang malay.

"Ahhhhhh!!!!!"

Ganun nalang ang pagkagulat nila ng sumigaw ng pagkalakas-lakas si binibining Ahrimita at nakita nalang nila na lumipad ito pabalik sa labas ng Cantena.

Nakita naman nila na si Prinsesa Zemiragh na ang nakatayo kung saan naka pwesto kanina si binibining Ahrimita habang naka angat ang kanang paa pa nito sa hangin at may ngiti sa mga labi na nagbigay kilabot sa kanila lalo na at nakita nila ang mga dugo sa mukha at sa mga kamay nito.

.

.

.

.

.

.

.

[=Miragh=]:

Pagkakita ko sa mukha ng mangkukulam na impakta ay hindi ako nang dalawang isip na lapitan siya ka agad kung saan siya naka tayo habang masama ang pagkaka tingin sa akin.

Hindi ko man alam kung bakit tila nag laho ako bigla sa aking pwesto at agad naka lapit sa kanya pero hindi ko na iyon pinansin pa dahil sa sabik na akong makita ang mukha niya na duguan.