ရှောင်းကျန့်ရဲ့ခင်ပွန်းကိုကလူကျီစယ်ခြင်းနည်းလမ်းများ(COMPLETED)

Part- 8

"ရှူး..
ဒါဆိုဒက်ဒီပြောတဲ့အတိုင်းလုပ်"

"ဟုတ်"

ဝမ်ရိပေါ်ကသူ့သားကိုရှောင်းကျန့်ကိုဂျီကျဖို့နည်းလမ်းနည်းနည်းသင်ပေးလိုက်တယ်။ ဒါမှနှစ်ယောက်လုံးအိမ်ကပ်ပြီးသူပျင်းမနေမှာ။ မဟုတ်ရင်ရှောင်းကျန့်ကသူရိုးရိုးဖျားတာဆိုပြီးဆေးတိုက်ပြီးတာနဲ့အလုပ်သွားမှာ။ သူတကယ်နှာစေးနေပြီးနှာခေါင်းလည်းပိတ်နေတယ်။ ခေါင်းကိုက်တာမျက်လုံးတောင်မဖွင့်ချင်ဘူး..

မနေ့ညကမှောင်မှရေချိုးကြပြီးရေချိုးတာလည်းနည်းနည်းကြာသွားလို့။ ဒါပေမယ့်ရှောင်းကျန့်ကဘာမှမဖြစ်ဘဲသူကလာဖျားတယ်။ တကယ့် ချီးဘဲ!..။ မနေ့ညတုန်းကချမ်းတုန်ပြီးဖျားလာတာသေချင်စိတ်ပေါက်တယ်။ ဘေးနားကတစ်ယောက်ကိုဘယ်လောက်ဘဲတိုးဖက်တိုးဖက်အချမ်းမပြေဘူး။ ဒီလောက်ဆေးမသောက်ချင်တာတောင်ဘာမှမဟုတ်တာလေးနဲ့လာဖျားနေတယ်..

ဝမ်ရိပေါ်ကသူ့အတွင်းရေးမှူးကိုအကျိုးအကြောင်းလှမ်းပြောလိုက်ပြီးအရေးတကြီးလက်မှတ်ထိုးရမယ့်ဟာတွေကိုအိမ်ကိုယူလာဖို့မှာလိုက်၏။

နောက်တစ်ဖက်မှာတော့ဝမ်ဝမ်ကရှောင်းကျန့်ကိုအလုပ်သေချာမလုပ်ရအောင်ပတ်မွှေနေ၏။ မျက်နှာမသစ်ရသေးတဲ့မျက်နှာ၊ ရှုပ်ပွနေတဲ့ဆံပင်ခွေခွေရှည်ရှည်တွေ၊ ညဝတ်အကျီတကားကားနဲ့ဝမ်ဝမ်လေးကရှောင်းကျန့်ဆန်ပြုတ်သေချာပြုတ်လို့မရအောင်တွယ်ကပ်‌နေတယ် ။

ရှောင်းကျန့်ကဝမ်ဝမ်ကိုကြည့်ပြီးဆံပင်ညှပ်ရတော့မယ်လို့တွေးလိုက်၏။ ဆံပင်တွေမျက်လုံးကိုဖုံးပြီးလည်ပင်းဖုံးနေကြပြီ။ မဟုတ်ရင်သူ့သားကိုမိန်းကလေးမွေးထားတာလားလို့စကြတော့မယ်။

"ပါးပါး အလုပ်အသွားနဲ့
ဝမ်ဝမ်လည်းကျောင်းအသွားဘူး"

"ပါးပါးကပိုက်ဆံရှာဖို့အလုပ်သွားရမယ်
ဝမ်ဝမ်ကစာရေးတတ်၊ဖတ်တတ်ဖို့ကျောင်းသွားရမယ်"

"အသွားဘူး! ဝမ်ဝမ်ကပါးပါးနဲ့နေမာ!"

"ဝမ်ဝမ်! ပါးပါးဒက်ဒီအတွက်ဆန်ပြုတ်ပြုတ်နေတယ်
ဒက်ဒီဆီသွားနေစမ်းပါ"

"နိုး! ပါးပါးဝမ်ဝမ်ကိုအနှင်နဲ့!"

ဝမ်ဝမ်ကတကယ်စိတ်ကောက်လာပုံရပြီးပါကေးအခင်းအပေါ်မှာဒီအတိုင်းထိုင်ချပြစ်၏။ ရှောင်းကျန့်ကဆန်ပြုတ်ပြစ်အောင်သေချာမွှေနေတော့နောက်ကသားကိုသတိမထားမိလိုက်။ ဝမ်ဝမ်ကသူ့ပါးပါးသူ့ကိုလျစ်လျူရှူထားတော့အမှန်တကယ်ဝမ်းနည်းလာကာရှိုက်သံမထွက်အောင်မျက်ရည်တွေကျလာတယ်..