HATE ME NOT (BOLS #1)

66: Trust

"Gusto kong malaman kung sino ang tao na gustong kumpirmahin ng private investigator na iyon"

"Kailangan lang natin ng oras para malaman kung sino. Baka may maka-alam na iba. Lalo na pag nalaman ng mga kalaban ninyo. Mom, trust me. Hinding-hindi ko kayo bibiguin. Makakasama natin si Scarlet bago mag-pasko." seryoso at mahinahon kong sabi.

Napabuntong hininga si mama at ngumiti ng bahagya.

"Sige anak. Naniniwala ako sa iyo. Kakausapin ko muna si Jane." tumango ako sa paalam ni mama bago ito umalis.

Sabik na kaming makita kung sino si Scarlet. Pangako, kapag nakita ko siya aalagaan ko siya bilang kuya niya.

Pagkatapos kong tumulong sa bahay, nagpaalam ako kay mama para pumunta kay chairman Mendez dahil sa pagpatawag nito sa akin.

'Bakit kaya gusto akong kausapin ni Chairman ngayon?...'

Pagdating ko sa kompanya ng mga Mendez, si Tyler agad ang nakasalubong ko na paalis.

"Uy, Marky. Bakit ka nandito?" nakangiti nitong tanong.

"Mag-uusap kami ni Chairman. Ikaw, bakit tila nagmamadali kang umalis?" tanong ko rin sa kanya.

Napabuntong hininga siya.

"Well, may pupuntahan kami ni Jenny ngayon. Kasi nitong mga nakaraang araw, ako laging kasama niya kaya... ayun, sobrang saya!" tuwang saad nito.

I smiled a bit. "Take care of her always. Alam kong malaki ang tiwala ni Jenny sa iyo kaya, huwag mo iyong sayangin." saad ko na ikina-ngiti niya.

"Don't worry about that. Magiging masaya si Jenny pag ako kasama niya. Kaya Marky, pakisabi na lang kay Prince na... hindi na niya kailangang bumalik." nakaramdam ako ng inis sa sinabi niya.

"Hindi na kailangan malaman ni Prince. He needs to focus on himself." giit ko.

"Well, siguro masaya na siya dahil hindi natuloy ang kasal nila ni Sarah. Well, good for him. Pero, hindi tayo sigurado kung hindi matutuloy. Sa ngayon hindi pa. Pero malay natin sa susunod na maraming taon, sila padin talaga ni Sarah ang para sa isa't isa." nakangising saad niya.

I just sighed. "Hindi natin hawak ang buhay ng tao kaya huwag kang magsalita nang hindi tapos. By the way, papasok na ako." ngiting paalam ko sa kanya.

Gusto niya parin ipamukha na, talo si Prince.

'Hays. Tyler. Kahit hindi ka tunay na Mendez, tinuring ka paring pinsan ni Prince...'

Nang nasa loob na ako ng opisina ni Chairman Mendez, nadatnan ko siyang umiinom ng wine habang may binabasa sa computer niya.

"Good afternoon, Mr. Chairman." bati ko rito.

"Mabuti naman at pumayag kang makipag-usap sa akin iho."

I smiled.

"Please, take your seat" aniya.

Umupo ako sabay ng paglagay niya nang wine sa cocktail glass na nasa lamesa.

"Chairman, bakit niyo ako pinatawag?" pauna kong tanong.

"I don't have any communication with Prince simula nang umalis sila ng Pilipinas. Kaya gusto kong malaman kung ano na ang kalagayan niya." naging mahinahon ang boses ni Chairman.

Talaga bang, gusto niyang kamustahin ang apo niya? Wow. This is the first time na narinig ko ang ganito.

'Akala ko pa naman, wala lang sa kanya si Prince...'