الروايه: - وهل لنا في الحلال ميعاد ( انتفاضة العشق)
رحيل القوافي ...51
الحلقه الواحد والخمسين ....
چا ليش اشتهي
ملاگاگ وانت بكاشي لأجمني
..............
اذن الفجر وهو ماكو ويا طلوع الشمس دخل للغرفه ما هتملي ولا اني عبرته عفته وغطيت راسي ونمت
ورائ ساعتين سمعت صوت طكطكه
فتحت عيوني بملل شفته جاي يبدل رفعت عيني على الساعه جانت بالسبعه وربع
كمت على السريع بدلت وهو نزل قبلي كملت كلشي ونزلت جوه دورت عليه ما لكيته طلعت للحديقه شفت غيلان وغريب واكف يمه
طلعت يمهم غريب من شافني عبس وجهه
واشر الغيلان عليه
غيلان باوعله بنظرات لوم وضوجه وكال .... تعاي ويايه غضبان مشتاق لايام قبل يله.
رغم نقهرت هواي بس ما بينت كتله .... والله اجتي بوكته اني هم مشتاقه للروحه وياك
ابتسمت وتقربت من السياره اباوع على غريب عيونه صارت بكصته من العصبيه
طلعنه بالسياره اباوع على غيلان يحوس يريد يحجي بس مجاي تطلع منه الحجايه
كتله .... احجي لا تبقئ تحوس
رد .... اريد اخذ رائيج بشي
رديت ... وهو شنوو
رد .... اريد اخطب بس خايف اتقدم هاي الخطوه شسوي بدعت شؤذب ساعديني
رديت بقهر ... ولگ غيلان لعد وجومانه تعوفها وين حبگ الها
كال بضحك ... ولج غضبان ما تحله بنيه بعيني غيرها والروح ما تريد غير راعيو وجومانه راعيتو اكيد اخطبها الها اريد بس خايف اعم عليها وافتح العيون عليه
والله هل مره ما اسكت اذا ما انطوها الي العب جوله
رديت عليه بحماس .... واني وياك للوحه بس عوفني اكلهم بسنونهم لو اهزمها واخليك تزوجها
ضحك وكال .... والله انتي كفو وينشدو الظهر بيج هس عوفي سوالف العصابت انطيني حل.
رديت ... شوف
باوعلي وكال .... ششوف ولج
رديت .... شبيك شوف السالفه الراح احجيها
رد .... وهي السالفه تنشاف لو تنسمع يا غضبان
رديت بضحك ..... خايب دخت كله من ورا اخوك كوكب الحزين دوهني
رد بضحك .... عوفج من كوكب غريب واحجي
رديت .... شوف
رد بضحك بس بصوت عالي .... هم كالت شوف
رديت بضحكه .... عمي اسمع اسمع
هز راسه واني رجعت كلت .... شوف غيلان اليوم اهلي العصر يجون ويخطبون البنات شنو رائيك احاجي جدي واخلي يخطبهن ثلاثتهم سوه واخلي غريب يسودن هااا شنو رائيك
ولا تخاف اخوتي كلهم جاين واخليهم ايفزعون الك ويلعبون جوله والله اي لاتباوع هيج همه صح اهل دين مسالمين بس يعجبوك بالفزعه وعد عيناك خصوص جواد هذا وكح وحمزه ضاايج من غريب يستغلها فرصه هااا شكلت.
أنت تقرأ
وهل لنا في الحلال ميعاد ( أنتفاضة العشق)
Romanceلم تَكن صِدفه حين عُثرت عليِك... كنت مَرسوما على حِدود ايامي كنت شيئا انتظَره وينتظُرني ولم يكن لقائنه إلا بدايه حكايه صاغها القدر بأتقان. ...... نار الحب تبدأ من تكريت وتنتهي بالنجف لأشرف هل يقعون في العشق ...؟؟؟ هل تعشق ابنت العمام وابن العامه...
