الروايه: - وهل لنا في الحلال ميعاد ( انتفاضة العشق)
رحيل القوافي ....4
الحلقه الرابعه .....
# حبايب هواي ايسئلون شنو شؤذب ... شؤذب اسم جد هجران
الشيبن يعكوب والشلن ايوب
بكدهن ثلث مرات يلفيني وكت الغروب 💔💔💔
...........
بس تغريد ومريم ايضحكن عليه ويكولن اذا انتي طخه وهيج سويتي عجل بالزفه شسوين يمكن تموتين.
هنه يحجن واني ازيد بالبجي باليل خابرت جدي هو الوحيد الي يفهمني
جاوبني واني انفجرت بالبجي.
سوده عليه حار شلون ايسكت بيه ومن هدئت شويه بديت احجيله السالفه
جان نفسه يصعد وينزل عرفته انقهر عليه
وكال ... باجر الصبح احنه يمج
رديت عليه ... ماكو داعي شؤذب غيلان موجود وهو يوديني ويجيبني وبعد ما اطلع وحدي ابد.
طمنته وسديت الموبايل منه ...
صار اليل وتغريد تحوم مثل التطلگ وتخابر مريم بس تضحك عليها وتكلها شبيج مف... اكعدي شويه
هي ترد عليها وتكول .... الج هذا خبلني ويكول راح اجيج بهل اليل هذا مسودن وخاف يسويها.
مريم انتبهت عليه اباوع عليهن اخذت تغريد وطلعت بره
باوعت على شهد وكتلها ... شبيها تغريد
ضحكت وكالت ... حبيبها ايريد يجي ايشوفها وهي ماتقبل
حسيت بنظراتها وضحكته جانت تقصد غير شي بس مافتهمته اني بقيت كاعد وعيني ماتاخذ نوم افكر بالي صار وردت فعل غريب جانت فعلن غريبه.
من ضرب الولد سمعته كال بصوت ناصي ... احتركو شيبات الخلوفج اشطلعج.
ابتسمت واني اذكر شكله وهو يضربهم هو صاحب جسم ضخم وجسمه مكنه من ضربهم جان يركع راس براس وعيونه تخوزر بيهم.
.... ورائ ساعات اجتي تغريد وجان شكلها غريب وايدها على ظهرها وتمسد عليها حتى مشيتها مو طبيعيه اتمددت بفراشها وهي تون
ومريم تضحك عليها وتكول ... هاا ريح روحه بيج ولج بابا انتي راح صيرين لعبه بيده حللل
دارت وجهه ونامت تغريد وهي تون ردت اروح اشوفها بس خفت منها لان هي بس صيح بوجهي وتقلد عليه لو تعيب .
.... ثاني يوم بالجامعه جنت ضايجه لان اكلت رزاله من غيلان والله صرت احس الرزايل مثل وجبات لاكل لازم اكلها يوميه.
جنت اتمشئ واني ماده البوز ومطنكره شفته واكف يحجي ويا ولد معاني وجهه جامد ماينطي اي ردت فعل على حجي
جنت اتمعن بطوله واناقته وشورابه الزايته هيبه وحترام
جنت واكفه قريب من عنده اجه ولد وهذا دائما اشوفه ايباوعلي سلم وبعدها كال .... هجران اريد احجي وياج ماطول وحدج وبعد وكت للمحاضره.
أنت تقرأ
وهل لنا في الحلال ميعاد ( أنتفاضة العشق)
Romanceلم تَكن صِدفه حين عُثرت عليِك... كنت مَرسوما على حِدود ايامي كنت شيئا انتظَره وينتظُرني ولم يكن لقائنه إلا بدايه حكايه صاغها القدر بأتقان. ...... نار الحب تبدأ من تكريت وتنتهي بالنجف لأشرف هل يقعون في العشق ...؟؟؟ هل تعشق ابنت العمام وابن العامه...
