وهل لنا في الحلال ميعاد ( أنتفاضة العشق)

البارت الثاني والثلاثين

الروايه: - وهل لنا في الحلال ميعاد ( انتفاضة العشق)
رحيل القوافي ....32
الحلقه الثانيه والثلاثين .....

هلي حضرولي تابوتي
هلي مثل الجكاره انه احترك
بس ما طلع صوت ❤️💔

...........

وجدي دائما ايكول مايحسد المال اله اصحابه .....

ثاني يوم اجوي وشبعنه ونسئ اني جيهان وشي اكيد عزيز علي سكن البيت مايقبل يطلع بس تونست عليهم حيل

طول ما اني هنا جيهان يوميه يمي تستغل الفرصه تشبع من حبيب الكلب.

واليوم طلعنه انزور وهم امي عدها درس بالحوزه وجان هذا اخر يوم الي هنا لان باجر اني راجعه التكريت راح يبدي الدوام وهم مشتاقه للبذات لايسئل ولا يكول شلونج شخبارج ابد عبالك من ابتعد عنه ينساني.

اجئ ثاني يوم وعمي جلال الدين هو وداني لان لاخ حتى ماخابر وكال شوكت تجين لو تردين اجيج كلشي ماكو. 

وصلنا التكريت وجان الوكت صبحيه وداني كبل للسكن وراح دخلت لكيت البنات موجودات. سلمت عليهن والعصر جان ايدك موبايلي واسمه اينور الشاشه

هو الموبايل ايدك كلبي شبي يرجف ويا دكاته
جاوبته اجاني صوته يزئر مثل الاسد كلشي مافتهم لان كامت عنده لاطباكات بالهجه الشي الوحيد الي افتهمه انزلي جوه.

لبسة عبايتي ونزلت اركض اشوف شكو شصاير وليش هيج يصيح
نزلت جانت عبايتي اطير جني باتمان

شفته واكف بالباب وهو بقمة غضبه من شافني اجاني يركض عتاني من ايدي حيل وكال .... اني اشنو طرطور لو مخنث حتى حضرتج تروحين وتجين واني مادري ولا عندي علم بطلعتج انتي شنو.

رديت عليه ... انت مادكيت ولا سئلت بعد شكو اني لازم ادك واسئل وانطي خبر وانتي حتى ماتسئل ولا تعرف الله وين شامرني

رد عليه ... اشنو ماعرف الله وين شامرج انتي بيت اهلج واني بيدي اموديج بعد اشنو هذا الحجي الزايد لو انتي تسوين الغلط وتخلين الو اسباب

رديت عليه بعصبيه ... اني ماسويت شي غلط وماجيت وحدي عمي الي جابني
رد ... لا هي العايز تجين وحدج حتى رجليج اكصهن كص الج

كمت احاول اجرجر بيدي منه بس وين اني اجر وهو يضغط زايد.
سحبت ايدي حيل منه بعصبيه

اخذ شهيق وزفير بعدها كال ..... دحگي يول هاي اخر مره اتضربيني بعرض الحايط وتسوين شي بدون علمي

هزيت راسي اريد العركه تخلص لان صرت فرجه للرايح والجاي
بقيت ادردم بصوت ناصي سحبني عليه وقرب راسه
وكال ...اشنو قلتي ما سمعت
رديت ...ماقلت شي
رد بضحك ...لاتقلدين يول مو ادوسو راسج.

رديت عليه .... وين ادوسو هين ...؟؟
رد ... يول حلو احجاياتنه بالسانج

بقئ شويه وبعدها راح بس جيته لهنا خلتني اصير محطت انظار الكل والكل يسئل شنو يصير مني ماعده تلميحات الحارس الي ماتخلص