الروايه: - وهل لنا في الحلال ميعاد ( انتفاضة العشق)
رحيل القوافي ....15
الحلقه الخامسه عشر ....
يوم الي رحت مني نخطف لوني
وطلع دخان من كلبي وعمه عيوني
............
رديت عليه ... لاتخاف مستحيل اغلط
رد .... لاتنسين اكو خطوط ديري بالج تجاوزيها وباليوم الي اسمع بيج مسويه شي غلط اجي اني اخذج مو دكولين ماكال.
رديت ... لا شؤذب ماسويها لاتخاف بس ماحجيت ويا بابا علمود النهوه
رد ... بعد وكت من يجي موعدها عود احجي بيها وهاي هم خليها بالج انتي ابن عمج ناهي عليج يعني سمعت ابن عمج بركبتج ديري بالج تخربيها.
.... حجينه هواي وبعدها سديته اني اعرف ليش ايذكرني بالنهوه علمود ماتمادئ اكثر وابقئ اذكر اني مكتوبه باسم رجال.
... ثاني يوم عطله اجئ غيلان اخذني بس جان بيتهم حيل كئيب واحنه كاعدين سمعت صوت رمي وانكلب البيت كلاب....
كلها طلعت تركض ايدورون وين الرمي بعدها صاحت العروس ورا البيت غريب ....
ركضت ويا ركضتهم بس كلبي يسبقني ويريد يوصل كبلي شوكت كمت اشهك بالبجي مادري معقوله حبي اله صار ماله حدود
لكيت غريب لازم رشاشه ويرمي ليفوك ويكول... ربي هاي الروح مو امانه عندي اي دخذ امانتك وخلصني و ريح كلبي تعبت افراكها كل يوم يذبحني مثل السجينه وتحز بلهاتي ربي خلصني.
جان يحجي وكلبه محروك ويصيح بصوت عالي حتى صوته انبح
جان ايعاتب برب العباد على فراق الحبيبه
هي ميته واني حاسدتها على هذا الحب جان يصرخ بسم غيمه وضاهر من راحت حولت حياته لغيوم وحزن طول عمر.
جنت واكفه قريبه من غسان وغازي.
حجه اخو غسان وهو يسئل غازي اخو ...شكو اليوم
رد عليه غازي.... اليوم عيد ميلادهاا
من كالو هيج صارت عيني عليه هو شايل بيده السلاح جان يسحب بس
يمكن خلص الطلق كعد على ركبه واشوف بس اجتافه تهتز منظر خلاني احبه اكثر واتعلق بي اكثر من قبل صار بداخلي حب المحاربه حتى احصل على هذا لاسد الجريح واداوي كلبه المكسور وروحه المهجوره.
الكل انسحب من عنده بهدوه وما خلو ايحس بوجودهم
بس العروس بقت كاعد بمكان شويه بعيد عنه
وهي تبجي وتباوع على الدم الي تارس بدلتها.
بعد ما انسحب الكل بقيت بس اني وهو مشيت خطوات هادئ حيل كعدت قريب عليه بس ورا صرت
سحب نفس واني احاول اكطع بشهكاتي اذكرت جدي وشلون ايواسي بيبي ويصبرها على فراگ ولدها الاربعه.
بلعت ريكي وكتله ..... احمدالله غريب الله اذا احب عبده ابتلاء والمؤمن مبتلاء
رد ... تعبت من الشوك اشتاقلها هواي مجاي اتحمل فراكها تعبت والله تعبت.
أنت تقرأ
وهل لنا في الحلال ميعاد ( أنتفاضة العشق)
Romanceلم تَكن صِدفه حين عُثرت عليِك... كنت مَرسوما على حِدود ايامي كنت شيئا انتظَره وينتظُرني ولم يكن لقائنه إلا بدايه حكايه صاغها القدر بأتقان. ...... نار الحب تبدأ من تكريت وتنتهي بالنجف لأشرف هل يقعون في العشق ...؟؟؟ هل تعشق ابنت العمام وابن العامه...
