وهل لنا في الحلال ميعاد ( أنتفاضة العشق)

البارت التاسع

الروايه: - وهل لنا في الحلال ميعاد ( انتفاضة العشق)
رحيل القوافي ....9
الحلقه التاسعه ...

حبيتج يا ترافت العمر
وحبيتج يا حزن اليل
اااخ من عشكج السابيني
وااخ من نظرات عينج التجرحني 💔💔💔
..........

رديت عليها .... اني تفضلي كلبي.
كالت ... دكتور غريب ايريدج بغرفته.

هزيت راسي وجاي اكوم كالت مياسه ... هنيالج راح شوفين حبيب كلبي مو تنسين هجران غريب حبيب كلبي.

هزيت الها راسي وكمت واني افكر بحجيها عبالك جاي توصلي رساله بس مافتهمت عليها

دكيت الباب اجاني صوته لهادئ عكس داخله الي احس مشعوط
دخلت وكال ..... يله تعاي امتحني وهاي اخر مره اسويها واعيد الامتحان الج.

ابتسمت وكتله ... انشاءالله هاي اخر مره بعد ماعيدها.
كعدت وردلي اسئله تكسر الظهر كسر وعلي على شعره وابجي.

باوعلي وبنظراته يعرف الاسئله صعبه عليه حيل كام من مكانه واجه كعد يمي على القنفه وبيده اوراق

دنك يكتب وكال ... عجلي يول الوقت راح يخلص
رديت عليه يضوجه ... شعجل يمعود ترئ لاسئله تكسر الظهر.
باوعلي بطرف عينه وكال ... هاي مشكلتج اني معليه انتي المفروض محضر روحج زين
رديت عليه ... والعباس قريت زين بس انت مادري مين جايب لاسئله وعلي تكسر الظهر.

شويه من خده اتحرك تعلن عن ابتسامه مخفيه كال ... احتركت شيبات الخلفج شكد تحلفين خبلتيني

رديت عليه وعيني صارت بعينه .... جااا شسوي وداعت شؤذب نظر عيني الاسئله تموت.

بدون مايحجي سحب ورقة لاسئله وكعد ايشخبط بيها
وبعدها رجعها الي وكال ... هاج وهذا اخر حبل امده الج له الج عشر دقايق

رديت عليه واني اشوف لاسئله ... بداعت شؤذب خليها 30 دقيقه حباب
رد عليه ... خو كولي نص ساعه وعود شنو حضرتج اتقللين من الوقت من دكولين 30 دقيقه.

رديت عليه واني اكعد بالكاع حتى اخذ راحتي بالحل .. اهووو غريب شنو ماتعبر شويه

رد عليه وهو يرفع حاجبه ... شنو غريب ولج العب توكي وياج لو ختيلان واني مادري احترمي شويه

رديت عليه ... ديلا يمعوده مو بيناتنه هاي الرسمات.

بقئ ايباوعلي مستغرب شنو احجي ويا جنت مستمره احجي واحل حتى ما اخلي ايحس بالوقت عبرت الساعه مد ايده وسحب الورقه بعد ما كتبت اسمي عليها

كال .... خلي بعلمج عبرت الوقت الج بمزاجي بس لاتستغلين
رديت عليه بضحكه .... فدوه للحباب ايروحن اليكرهوك

على كعدتي دخل غيلان كال ... هاا خاله بيش تبيعين كيلو طماطه
رديت عليه ... والله خاله كلمن وسعره اذا تريدها مال مركه ممروده بخمسميه واذا قويه مال زلاطه بالف.