وهل لنا في الحلال ميعاد ( أنتفاضة العشق)

البارت الحادي عشر

الروايه: - وهل لنا في الحلال ميعاد ( انتفاضة العشق)
رحيل القوافي ....11
الحلقه الحادي عشر ....

لا شي اجمل من الصمت حين
تخيب الظنون ...💔💔
...............

رفعت عيني وصارت بعيونه كتله ... اني بعد استحي اطلع اني مذنبه والله بعد مايسامحني بس كلي شلون اصلي واقابله واني هذا الحيوان

طخاني بالحرام هااا شلون لا والمشكله شلون اباوع بوجهه شؤذي الحلو واني مسويه سالفه موزينه هااا كلي.

جان يباوعلي بأستغراب وعبالك قطعه غريبه كدامه وجاي يتفحصها
كال .... انتي ليش تتحسسني اخذتج من حضنهم وعبالك جنتي نايمه وياهم  ترئ كلشي ماسولج مجرد لزمج حتى ايسحبج وانتي ما شاءالله لابس عبايه ولافه روحج لف

رديت عليه ... ليش شنو الفرق بين الزمني وبين اخذتني من حضنه ترئ اثنينهم حرام
رد عليه ... ترئ الصار غصب عنج ومو حرام لان جنتي مجبوره وجنتي بنفس الوقت ادافعين عن نفسج

رديت عليه واني ابرر موقفي .... اي والله جنت احاول ادافع عن نفسي مثل ما كلت وهااا حتى ماطخيت الولد جنت ادفعه من ورا العبايه

كال .... يله كومي خلي نرجع للبيت
هزيت راسي وكتله ... لا اني ماروح وياك ارجع وحدي
زمخ بيه بعصبيه .... ولج غضبان اصعدين لو اني اصعدج.

رديت عليه واني منتهيه من البجي ... ما ما اصعد مارجع البيتكم لو شيصير هس ما ارجع.
سحب نفس وكال ... هاي هيه بكيفج بس على لاقل امشي اوصلج.

صعدت ويا لان جسمي كله يرجف من الخوف ورجليه نملت ماكدر امشي جان حيل هادئ وبس صوت شهكاتي مسموعه

كال ... كافي دخيل الله شكد تبجين عفيه دموع لو شلال ومايخلص.
رديت عليه ... كون يصير بيك مثلي ياله تحس بيه من يلزمك واحد غصب عنك عود احجي.

دار عليه بعصبيه وعيونه تجدح غضب كال ... ولج غضب الزمي السانج شنو يلزمني غصب شكلولج عليج جرو والزم لج اني رجال واكسر ايد اليفكر يلزمني.

درت منه بزعل بس يصيح عليه وصلني للسكن نزلت حتى بدون ما كله بعد سلام وطبكت الباب حيل وهو تخبل اشتغل اكس مربع غلط وسب عليه

واني ولا عبالك دخلت للغرفه لكيت جايه ابنيه جديده سلمت عليها وعلى شهد ومريم ردت من ورا خشمه بس شكلها متغير حيل

مال وحده شابعه بجي وضرب همين لان ركبتها بيها طگع بنفسجي على زراك كعدت بمكاني وسئلت على الكهرباء كالت شهد ... بعدهم مامصلحيها.

كعدت وسكتت صار ليل وهاجت عندي المواجيع اذكرت امي
كل يوم اخابرها وكل يوم لازم اعيش دور ثاني.

صعب اتاذه وانقهر بس الخاطر عيون امي اتحمل كلشي مو ذنبها هي بس اتعلقت بيها لان جانت تجبر المقابل حتى ايحبها اذا اني من ماتت حسيت ماتت روحي.