မဖြေရှင်းမချင်း မေးခွန်းတို့က များပြီးရင်များမည့်ဟန်မို့ အဖြစ်မှန်ကို ဖွင့်ဟလိုက်လေတော့ စကားသံပျောက်ကာ ငြိမ်သက်သွားလေသော သမားတော်မင်။ ဘယ်လိုစကားများ ပြောလာလိမ့်မည်လဲဟူသော အတွေးဖြင့် အာရုံတစိုက် ကြည့်နေမိသော်လည်း အတန်ငယ်အကြာ ကြားလိုက်ရသော စကားသည်တော့ အသည်းပေါက်စရာပင် ဖြစ်သည်။
"ဟင် ဒါဖြင့်ရင် အရှင့်alphaပေါ့..."
"ဘာ အရှင့်alphaလဲ! သမားတော်မင်! ခင်ဗျားနော်!!"
ရာရာစစ သူ့alphaပဲ ဖြစ်ရဦးမည်တဲ့လား။ inner wolfက စွဲလမ်းနေတာလေ။ သူက စွဲလမ်းနေသည်မှ မဟုတ်ပဲ။ သမားတော်မင်ကတော့ မဆင်မခြင်ပြောပြန်ပါပြီ။
"စိုးရွံ့မိပါတယ် အရှင်။ စကားမှားသွားလို့ပါ"
စကားတစုံတရာ မဆက်ပဲ မျက်စောင်းခဲလာသည့် အရှင့်ပုံစံမှာ ကြောက်စရာမကောင်းပဲ ချစ်စရာကောင်းနေသည်မို့ ရယ်ချင်မိသော်လည်း အမျက်ရှပါလျှင် ကောင်းကျိုးမရှိသည်မို့ သမားတော်မင် တစ်ယောက် ရယ်ချင်စိတ်ကို အမြန်ထိန်းသိမ်းလိုက်ရပါတော့သည်။ အရှင်သည် တခါတရံ သည်လိုလည်း ချစ်စရာကောင်းပါသည်လေ။
"ဝတ်ရုံပိုင်ရှင် alphaဆိုတော့ ကောင်းတာပေါ့ အရှင်။ ဖြစ်လာမယ့် ပြဿနာတွေရဲ့ တဝက်လောက်ကို ကြိုဖြေရှင်းပြီးသလိုဖြစ်နိုင်ပါတယ်"
"ဒါပေမယ့် တခုတော့ သတိပြုစေချင်ပါတယ် အရှင်။ ဆေးတွေရဲ့ ဘေးထွက်ဆိုးကျိုးနဲ့ alphaနဲ့ ရုတ်တရက် အနီးကပ်နေရတာကြောင့် အချိန်မတန်သေးပဲ Heatဆန်ဆန် ဝေဒနာမျိုးဖြစ်ကောင်းဖြစ်နိုင်တယ်လို့ တွက်ဆမိလို့ပါ။ ဒါကို အဲ့ဒီalphaကိုလည်း အသိပေးထားသင့်တယ်လို့ ထင်ပါတယ်"
"ကောင်းပြီ သမားတော်မင်။ သတိပေးတဲ့အတွက် ကျေးဇူးပါ။"
•••••
မုဆိုးဘဝမှ ကိုယ်ရံတော်ဘဝသို့ နေ့ချင်းညချင်းကူးပြောင်းသွားသော Alphaမှာတော့ ချက်ချင်းပင် ဘဝမြင့်သွားသည့် အနေအထားပါပင်။ အရှင့်အား အနီးကပ်စောင့်ကျပ်ရမည်မို့ အရှင့်နန်းဆောင်ရှိသော အထပ်မှာပင် အဆောင်ရရှိကာ ကိုယ်ရံတော် အဆောင်အယောင်တို့ကိုလည်း ရရှိသည်လေ။
YOU ARE READING
𝕸𝖔𝖓𝖆𝖗𝖈𝖍
Fantasy𝑌𝑒𝑠 𝑀𝑎𝑗𝑒𝑠𝑡𝑦, 𝑦𝑜𝑢'𝑟𝑒 𝑡ℎ𝑒 𝑡𝑟𝑢𝑒 𝑚𝑜𝑛𝑎𝑟𝑐ℎ •••••••••••••••••••••••••••••••••••••••••••••• Taekook Omegaverse Start: 06/06/22 End: --/--/-- Disclaimer: this fiction is based on author's imagination and doesn't concern with real...
Episode: 10
Start from the beginning
