THE illusion SERIES (completed)

KTH:13

"ඉතින් ජින් හියුන් මොකද කිව්වේ ?"
ජිමින් තමාගේ මේසේ ඉස්සරහ මූණේ අත් දෙකම හොවන් තොලුත් උල් කරන් මේසය දෙස එක එල්ලේ වශී වූවකු මෙන් දුකින් බලා සිටින ජන්ග්කුක්ගෙන් විමසුවා.

"තාම මුකුත් නෑ"
ජන්ග්කුක් එලෙසම සිට තම කට පමණක් හොලවමින් ජිමින්ට උත්තර දුන්නා.

"ජින් හියුන්ව හම්බුණාද අද ඔයාට ?"
ජිමින් නැවත විමසද්දී ජන්ග්කුක් හිස දෙපසට සෙලවූයේ 'නැහැ' යන්න පැවසීමටයි.

"අද අපි ටේහ්යුන්ගේ පස්සෙන් යමු"
තමාගේ පොත මේසේ කොනක තබන ගමන් ජිමින් කීවා.

"මොකක් !?"
ජන්ග්කුක් පුදුමයෙන් ජිමින්ගෙන් විමසද්දී පුස්තකාලාධිපති තම අතින් කවුන්ටරේට තට්ටු කරා.

"ෂ්ෂ්... හොදට අහගන්න. අපි අද ඉදන් අපිට පුලුවන් හැම වෙලාවකම ටේහ්යුන්ව හොරින් නිරීක්ෂණය කරමු
තේරුණාද ?"

"ඒත් හැම තිස්සෙම ඒක කරන්න බෑනේ. එයා ගෙදර ඉන්න වෙලාවට වගේ ?"
ජන්ග්කුක්ද තම හඩ පහත් කරමින් ජිමින් දෙසට ලංව කතා කලා.

"ඒක තමා කියන්නේ, පුලුවන් හැම වෙලාවකම කියලා. ඒත් එයාගේ ගෙදර ඉද්දී එයාගේ හැසිරීමත් බලා ගන්න පුලුවන් වුණොත් හොදයි"

"ආහ් කියන්න බැරිවුණානේ...! මේ සතියේ කිම් මැන්ෂන් එකේ වාර්ෂාවසාන සාදය තියෙනවා. මිස්ටර් කිම් හැම අවුරුද්දකම ඒක පවත්වන්නේ වට පිටේ ඉන්න රදල පවුල් වලටත් ආරාධනා කරලයි"
ජන්ග්කුක් ටේහ්යුන්ගේ නිවසට යා හැකි ක්‍රමයක් එසේ කියද්දී ජිමින්ගේ මූණ අදුරු වී නැවත තම පසෙකින් තැබූ පොත අතට ගෙන මුහුණ වසාගෙන,
"ඉතින් මට කියන්නේ ?"
යැයි ජන්ග්කුක්ට කීය.

ජිමින් තම දුක්මුසු මුහුණ පොතෙන් වසා ගත්තත් ඔහුගෙන් පිටවන වචනවල දුක්මුසු ස්වභාවය සැගවීමට නම් ජිමින්ට පුලුවන් කමක් තිබුන් නෑ. සාදවලට ආරාධනා ලැබෙනවට කවුද ඉතින් අකැමැති.

"ආ මට සමාවෙන්න. මම හිතා මතා කිව්වේ නෑ. මම ඔයාට කියන්න උත්සහ කලේ මට එදාට පුලුවන් ටේ ගැන හොදට ඇහැ ගහගෙන ඉන්න"
ජිමින්ගේ වෙනස්වීමට හේතුව විනාඩි කීපයකින් ජන්ග්කුක් තේරුම් ගෙන කරුණු පහදද්දී ජිමින් නැවත තම පොත පසෙකින් තැබුවා.