NERD SPARKS

Chapter 18

Naglalakad na ako ngayon papunta sa malaking hall, sinunod ko lang kung saan ko maririnig ang ingay na sinabi niya at hindi naman nagtagal ay nahanap ko rin ito. Katulad ng kanina ay masayang naguusap ang mga tao dito ganon din ang mga batang naghahabulan. Dahan-dahan ko namang linibot ang paningin ko para makita ko siya pero...

"Binibini... nandito ka lang pala? kanina pa kita hinahanap... natapos na ang harana nakita mo—"

"Hindi ko nakita si Martha"sabi ko kay Franco.

"Nanonood sila sa akin kanina ni binibining shielah"

"Talaga? eh...." nasa loob lang pala kanina pa si Martha? tch "mabuti, kamusta?"

"Katulad ng sinabi mo po binibini, nasa gitna siya nung kumanta kami kaya hindi ako nahirapang hanapin siya..."

"Kinikilig ba siya habang naghaharana ka?"

"Hindi ko po alam binibini pero narinig ko pong tinutukso siya ni binibining Shielah sa akin"

"Very good..."

"thank you so ano binibini? bukas po ah? Huwag mong kalimutan"

tch

Oo nga pala!

Ningitian ko lang siya. Tumalikod na ako at tsaka hinanap si Martha. Hindi pwedeng magkagusto sa akin si Franco, malilintikan ako kay Martha. Sa hindi kalayuan at nakita ko siya kaya agad ko siyang tinawag.

"MARTHA!" gulat naman ang iba na napatingin sakin. Tch bahala kayo.

Pagkadating ko kay Martha ay nagulat din siya sa akin.

"Lovely? anong nangyari bakit ka hinihingal?"

"Ok lang ako... pwede ba kitang makausap?"

"tungkol saan?"

"Mabilis lang may sasabihin lang" ani ko at napatingin ako kay Shielah. " hi!" Bati ko sa kanya.

"Hi din Lovely, sige aalis muna ako tinatawag ako ni mom eh" saad niya kaya agad kong dinala si Martha sa labas ng bahay.

"Bakit lovely ma problema ba?" Agad naman akong napatango. "Ano?"

"Si Franco yung type mo diba?"

Hindi agad siya nakapagsalita.

"a-ahh..."

"Siya nga... gusto niyang makipagdate sayo bukas kung ok lang sayo?"

"h-haa? t-talaga? si Franco nagsabi nun sayo?" dahan dahan naman akong napatango sa kanya. "anong oras daw?"

"di niya kasi sinabi pero bukas sabi niya"sabi ko.

"sigurado ka bang ako ang idadate niya lovely? baka ibang babae pala sinabi niya sayo ha?"

Tch parang ganon na nga.

"Oo, diba hinarahan ka nga niya kanina diba? tch kinilig ka diba?" nakangising sabi ko.

"Ahh hindi ahh" pagdedeny niya pa, kitang kita naman na kanina pa siya nagiging kamatis dahil sa mga pinagsasabi ko.

"Basta bukas daw kaya maghanda ka ng sasabihin mo"

"Bakit?"

"Basta nga lang"

Marahan naman siyang napatango sa sinabi ko. Kunwari pa siyang malungkot pero kinikilig naman.tch.Bumalik din kami sa loob pagkatapos naming mag-usap.

Nasaan na kaya siya?

Nakatayo ako kanina pa para makita ko siya agad pero hindi ko naman siya makita. Siguro kanina pa nagtataka si Martha kung bakit kanina pa ako linga-linga dito. Nandito din si Shielah at yung kapatid niyang lalaki na si Shero. Tinatamad na kasing makipaglaro kaya nadito siya sa ate niya.