"omegaရဲ့ ဖြစ်တည်မှုက မျိုးဆက်ပွားပေးဖို့ထက် ပိုတယ်ဆိုတာ ခင်ဗျား သိသင့်တယ် အကြံပေးကြီး"
တမြေ့မြေ့တက်လာသည့် မကျေမချမ်းမှုအား မျိုသိပ်ကာ တည်ငြိမ်သည့်လေသံဖြင့် ပြောလိုက်သော်လည်း အကြံပေးကြီး၏ အမြင်ကျဥ်းမြောင်းသည့် အဖြေစကားက အရှင်၏သွေးတို့ကို ဆူပွက်စေလေသည်။
"အတိုင်းအတာတစ်ခုထိ နားလည်ပါတယ် အရှင်။ ဒါပေမယ့် သိတဲ့အတိုင်း အခြားသူတွေနဲ့ယှဥ်ရင် omegaဆိုတာ အားနည်းတယ် မဟုတ်လား"
မိမိခံယူချက်အတိုင်းသာ ဖြေကြားလိုက်သည့် အကြံပေးကြီးကတော့ ဖောင်တိန်ကိုင်ထားသော အရှင့်၏ လက်သီးဆုပ်က ပို၍ တင်းကျပ်လာသည်ကို သတိထားမိပုံ မပေါ်ပေ။
ဟန်မပျက် နားထောင်နေသည့်အရှင်မှာတော့ စိတ်ထဲတွင် အကြံပေးကြီးအား မှတ်သားလောက်အောင် ပညာပြပြီးနေပြီပင် ဖြစ်လေသည်။
အလကား အဖိုးကြီး။ အမြော်အမြင်ကြီးသလိုလိုနဲ့ သူလည်း ဒီအတွေးအခေါ်တွေကနေ ရုန်းမထွက်နိုင်ဘူးပဲ
"ရှေးတုန်းကလူတွေ သူတို့ လိုရာဆွဲပြီး သတ်မှတ်ထားတဲ့ ထုံးထမ်းဆိုတဲ့ အရာတွေအပေါ်မှာ မွေ့လျော်နေမယ့်အစား လက်တွေ့နဲ့ အများကြီး ယှဥ်တွေးကြည့်သင့်တယ် အကြံပေးကြီး"
ထို့နောက် ဖောင်တိန်ကို ချ၍ ဝတ်ရုံနှင့် သရဖူအား ပြန်၍ပြင်ဆင်ကာ ခုံမှ ထသွားသော အရှင်။ ဩဇာကြီးမားသူဖြစ်သည့်အလျောက် ဘယ်သူကမှလည်း အာခံပြီး မတားဝံ့ပေ။
"အာ.. နောက်ပြီး သေချာတာ တစ်ခုကတော့ ကိုယ်တော် ဘယ်တော့မှ omegaတစ်ယောက်ကို ဆန္ဒမပါပဲ ကြင်ယာတင်မြှောက်မှာမဟုတ်ဘူး. အကြံပေးကြီးလည်း အဲ့ဒါကို မြဲနေအောင် မှတ်ထားလိုက်ပါ။ ကိုယ်တော် သွားပြီ"
တံခါးဝသို့ ရောက်သည့်အခါမှ ခုံနံဘေးတွင် ရပ်လျက်ကျန်ရှိသော အကြံပေးကြီးအား စေ့စေ့ပြန်ကြည့်ကာ ပြတ်သားသော လေသံဖြင့် စကားဆိုလိုက်လေတော့ မော်ပင် မကြည့်ရဲပဲ ဦးညွှတ်နှုတ်ဆက်သည့် အကြံပေးကြီး။ အရှင်တစ်ယောက် နှုတ်ခမ်းတစ်ဖက်ကွေးညွတ်သည်အထိ ပြုံးကာ အစေခံများ အသင့်ဖွင့်ပေးထားသည့် ကျွန်းတံခါးမကြီးမှ ထွက်သွားလေတော့သည်။
YOU ARE READING
𝕸𝖔𝖓𝖆𝖗𝖈𝖍
Fantasy𝑌𝑒𝑠 𝑀𝑎𝑗𝑒𝑠𝑡𝑦, 𝑦𝑜𝑢'𝑟𝑒 𝑡ℎ𝑒 𝑡𝑟𝑢𝑒 𝑚𝑜𝑛𝑎𝑟𝑐ℎ •••••••••••••••••••••••••••••••••••••••••••••• Taekook Omegaverse Start: 06/06/22 End: --/--/-- Disclaimer: this fiction is based on author's imagination and doesn't concern with real...
Episode: 2
Start from the beginning
