" منزل زاهر قدرى ليلا "
فى غرفة نوم عتيقة تعود أخشابها لأكثر من عقدين من الزمن .. يتوسطها فراش كبير و على أحد أركانها دولاب كبير والجانب الآخر تسريحة فخمة قديمة الطراز .. على أحد جوانبها عطور فخمة والجانب الآخر زجاجة عطر تركيب رخيصة لا يتجاوز سعرها أكثر من خمس و عشرين جنيه و مشط بلاستيك رخيص مكسور أحد أسنانه و زجاجة زيت شعر لا يتبين نوعها بسبب قدم استخدامها .. يجلس زاهر على الفراش يتابع زوجته صفصف و هى تتمم على حقائب السفر الخاصة بها هى وزوجها و سبق أن طلبت من الخادمة ترتيبها .
زاهر بحنق بعد أن خالف كلام أبيه و رفض الزيجة بسبب زوجته التى لا يطمئن لها خاصة وهى تتمم على الحقائب بحماس منقطع النظير و الذى يعنى ل صفصف زوجته كلمة واحدة و هى كارثة قادمة بالطريق .. مما جعله يحاول إقناعها بعدم الذهاب للمرة الأخيرة .
زاهر بحنق :
يا ستى كان لازمتها إيه الزفة دى كلها ..
أنا وأنتى و منير و مراته و رائد و خطيبته
.. ما كنت رحت سلمت على أبويا و أختى
و أعدت يومين و تنى راجع على طول .
صفصف بمكر :
و ده اسمه كلام مش لازم نعد لنا كام يوم
و نسلم على سعاد و نصالح عمى .
زاهر متوجسا :
و ده من أمتى الحنية دى يا صفصف ؟!..
ما تيجى على بلاطة و تقوليلى كده أنتى
ناوية على إيه ؟ .. إيه اللى فى دماغك ؟
.. بدل ما نروح و يحصل حاجة زيادة و
يخلى أبويا يغضب علينا .. محناش
ناقصين كفاية جوازة ابنك .1
صفصف :
مش لازم ننول رضا عمى قدرى و نوريه
العروسة الايما والسيما بنت العز الهاى
اللى اخترتها ل رائد بدل البت اللى كانوا
عاوزين يجوزوها ليه و لبسها أصلان .
زاهر مستشعرا قدوم المصائب :
آه قولتيلى.. تبقى ناوية على خراب يا
صفصف .. متنسيش يا هانم إن فشخرتك
أدام صاحبتك اعتماد و بنتها نانى من
فلوس أبويا فبلاش تعملى مشاكل هناك
عشان متخسريش .
صفصف بفشخرة :
الحق عليا .. أنا اللى عاوزة أصالح عمى
بعد الزعل اللى حصل بينا بسبب
المحروسة اللى كان عاوز يلبسهلنا
.. و هخدلوا رائد و نانى و أوريه هما
بيجيبوا لابنى إيه و أنا بنقيله إيه .. و
أنا متأكدة لما يشوفوها هينبهروا بيها و
يقولوا إن كان عندى حق فى اللى عملته
زاهر ... زاهر ..... يا زااااهر .................1
لم ينتبه زاهر لكلام صفصف .. بل كل عقله فى السبب الرئيسى لذهابه لبلدته و هو رغبته فى رؤية ربيبة حبيبته " صفية المنصورى "
ويأمل أن يحالفه الحظ و يلتقيها صدفة قادمة لزيارة ابنتها .. فهو لم يتوقع أن تظل محتفظة بجمالها الذى لم تمحيه السنين و ذلك عندما شاهدها تدافع عن ابنتها كنمرة شرسة ..
و كأن السنين لم تفت فهى مازالت محتفظة بطبعها النارى .. و يتسآل فى نفسه عن وجود
بقايا مشاعر تجاهه
YOU ARE READING
زهرة اصلان
Romanceتدور احداث الرواية حول بطل الرواية أصلان وهو الذي يتحكم في العائلة ويصبح كبيرها بعد جده، وتأتي في طريقه الزهرة التي تلفت انتباهه للكاتبة اليسر.
