Silent Waltz

Chapter 31- Suicidal

Please be advised that this story contains of suicidal thoughts, depression and / or mental health disorders that may acts triggers.

**** Read at own your risks ****

Pagdating ni Emily galing sa paaralan, agad siyang pumasok sa bahay ni Nina nang mapansin niyang maaga ding umuwi ang nanay ni Nina na nakaupo sa mesa ng kusina at nanghihinayang sa kung anung bagay. Kaya tinanong ito ni Emily.

Emily: "A-Aling Saling? Ang aga niyo naman pong umuwi. May nangyari po ba sa palengke?"

Aling Saling: "Wala naman, Emily. Tsaka ang aga mo din umuwi. Wala ba kayong pasok ngayong hapon?"

Emily: "Wa-Wala po, Aling Saling."

Aling Saling: "Kung ganun, ba't hindi mo kasama si-"

Sakto namang kadadating din ni Nina matapos ma-recieved ang text ni Emily at agad din siyang umuwi para alamin kung bakit maagang umuwi si Emily.

Ngunit hindi niya rin inasahan na madadatnan din ni Nina ang kanyang nanay.

Nina: "Emily? Nandito ka ba?"

Pagpasok ni Nina, nakita niyang nakatayo pa sa pasilyo ng kanilang bahay si Emily at nakita din niya ang kanyang nanay na nakaupo sa upuan ng kanilang mesa sa kusina.

Nabaling ang atensyon ni Nina sa kanyang nanay ng mapansing maaga itong umuwi.

Nina: "Nay? Teka, di ba dapat nasa palengke po kayo? Ba't ang aga niyo naman pong umuwi?"

Sandaling hindi kumibo ang nanay ni Nina. Tsaka naman sunod na tinatanong ni Nina si Emily.

Nina: "Tsaka Emily, ba't ka pala biglang nagdesisyong umuwi dito sa bahay?"

Emily: "Pa-Pasenya na, Nina. Pero bigla kasing hindi maganda ang pakiramdam ko."

Nina: "Sigurado ka ba?"

Emily: "Oo. Sigurado ako."

Hanggang sa nagdesisyong sagutin ng nanay ni Nina ang tanong ng kanyang anak.

Aling Saling: "Nina, Anak. Huwag ka sanang magugulat pero..."

Nina: "Bakit po, Nay? Ano pong nangayari?"

Aling Saling: "Yung Tricycle na minamaneho ng tatay mo, nabangga ng kotse."

Nagulat sina Emily at Nina ng sabihin ng nanay ni Nina ang tungkol sa nabanggang Tricycle ng kanyang tatay.

Emily: "A-Ano po?!" (Hi-hindi pwede! Nangyari na naman yung nangyari kila Nanay at Tatay.)

Nina: "Nay?! Seryoso po ba kayo?! Eh si tatay?!! Kamusta naman po yung kalagayan niya?!"

Aling Saling: "Huwag kang mag-alala sa tatay mo, Nina. Hindi naman siya gaanong nasaktan. Nagpapasalamat ako dahil naka-park lang sa tabi ng kalsada ang Tricycle ng tatay mo nang mabangga ito ng kotse at abala naman ang tatay mo sa pamimili ng maiinom na softdrinks sa katabing store."

Nakahinga ng maluwag si Nina, matapos marinig na nasa maayos na kalagayan ang kanyang tatay.

Bagamat, ligtas at maayos ang kalagayan ng tatay ni Nina, muli na namang nag-isip si Emily na siya ang sanhi ng kamalasan sa pamilya ni Nina.

Nina: "Kung ganun po Inay, nasaan po si tatay?"

Aling Saling: "Sa ngayon, nasa Police Station ang tatay mo dahil gusto makipag-areglo nung Driver ng kotse na nakabangga sa Tricycle. Pero nanggihinayang ako sa Tricycle ng tatay mo. Kasi nakakatulong sa pangdagdag gastusin ang kinikita ng tatay mo sa pamamasada. Pero ngayon, hindi malaman ng tatay mo kung saan siya kukuha ng pagkakakitaan."