حلقات خاصة الجزء 3
اسرعت رهف خلف مروان و هي تشعر بالحزن الشديد و خصوصا بعد ان رأت تلك النظره الحزينة في عينيه .. اسرعت تنزل الدرج تسأل الخادمة عنه هاتفه بقلق :
_ مروان نزل راح فين ؟؟
_ في اوضه مكتبه يا رهف هانم
اسرعت رهف الي غرفة مكتبه ، طرقت الباب ثم دخلت سريعا .. كان يجلس بزاوية الغرفة علي الاريكة الموضوعه هناك .. يضع رأسه بين يداه و يستند بذراعيه علي ركبتيه بالم و ارهاق
اقتربت منه بحزن واسف .. وضعت يدها علي كتفه تهمس باسمه .. رفع نظره لها يبتسم ساخرا قبل ان يعود لوضعه الاول
تجمعت الدموع بعينيها و هي تهتف له ببكاء :
_ مروان انا اسفه .. انا اسفه و الله كنت غيرانه عليك اوي .. اول لما شوفت اسمها خوفت اوي تكون بطلت تحبني و بتفكر في واحده تانيه
رفع نظره لها يتنهد بارهاق قبل ان يهتف :
_ بذمتك انتي مقتنعه بالي بتقوليه ده؟ .. يعني انا هسيبك و ابص بره ؟ .. ده انا الكل بيحسدني عليكي يا رهف !
نظرت له كطفل مذنب بينما تبكي بشدة هاتفه :
_ انا اسفه يا مروان و الله مكنش قصدي اشك فيك .
لم يجبها ، انما نظر لها قليلا يهتف متساءلا :
_ عرفتي منين اني هقابلها ؟ .. و عرفتي ازاي هقابلها فين ؟
_ كنت بكلم ماما في التلفون ، خلصته و حطيته ع الكومودينو جمب تلفونك .. لما سمعت صوت الرساله سحبت التلفون الي رن علي طول من غير ما اخد بالي انه بتاعك و اما فتحته شوفت الرساله
اماء و هو يشعر بالغضب قبل ان يهتف :
_ و ازاي جالك قلب تشكي فيا و تمشي ورايا .. بجد انتي كسرتيني اووي ، حسيت انك مش واثقه فيا يا رهف
اقتربت منه بشدة و ضمت رأسه الي صدرها تهتف بالم :
_انا اسفه و الله .. بس بجد انا بحبك اووي ، كنت فاكره انك زهقت مني علشان انا مطلعه عينك بسبب الحمل
ضمها هو الاخر من خصرها بينما يهتف لها :
_ اوعي تقولي كده تاني يا رهف .. انتي حبيبتي و مراتي و ام اولادي و عمري ما افكر ابص بره او ازهق منك .
كففت دموعها بفرحه و هي تبتسم بسعادة ، ابعدت وجهه عن صدرها و انحنت تجلس فوق قدميه تحاوط رقبته بذراعها هاتفه له برقه :
_ يعني سامحتني و لا لسه اخليك تسامحني بطريقتي !
استشعر دلالها في نبرتها فابتسم ضاحكا يهمس لها :
_ لا لسه .. خليني اسامحك بطريقتك .
اماءت بشدة و ابتسمت بخبث و هي تنحني بشفتيها فوق شفتيه تقبله بقوة و حب شديدين .. ابتعدت تنظر لعينيه هاتفه :
_ انا بحبك اوي يا مروان متزعلش مني .
ابتسم لها بسعادة و هو يمسك برأسها من الخلف ينحني مقبلا شفتيها بقوة و رغبة يهمس لها هو الاخر :
_ و انا بعشقك يا رهف و الله .. ربنا يخليكي ليا يا حبيبتي
KAMU SEDANG MEMBACA
سجينة المنتقم (الثلاث أجزاء كاملة)
Romansaقضي حياته يعمل و يكافح من اجل ان يعود منتقما ممن دمر اسرته و شردهم جميعا .. فماذا لو عاد و وجد نفسه ينتقم من فتاة بريئه لا تعلم شيئا عن ماضيه ؟؟؟ أيستطيع قلبه ان ينتقم منها ام ماذا سيحدث ؟؟
