سجينة المنتقم (الثلاث أجزاء كاملة)

الفصل السادس عشر من الجزء الثاني

يا بناتي يا حلويات صباح الخير و السعادة 🥰🥰
في بنات كتير دخلو يكلموني عايزين الرواية تخلص بسرعة علشان عندهم أمتحانات و عايزين يركزو في الدراسة
فعندنا حل من أتنين .. يا ننزل كل يوم فصلين علشان نخلصها بسرعة ، يا نوقفها لحد ما الكل يخلص أمتحاناتو
عارفه أنكم هتقولو كل يوم فصلين😂❤ بس مش هينفع أنزل كل يوم فصلين و مفيش تفاعل .. يا أنزل و تتفاعلو يا هوقفها طبيعي من غير ما أقول لو مافيش تفاعل 🤫

عايزة رأيكو في الكومنتات ، نوقف و لا ننزل فصلين 🥰❤

و ده فصل رومانسي كده هدية صغننة مني ليكم 😁❤❤

الفصل السادس عشر

أبعد مروان عن رهف يشعر بأنه كلما ابتعد عنها كلما زاد عطشه لرحيق شفتيها أكثر .. نظر لها بأعين تفيض بالحب كما تعلقت عيناها به في حب أيضا

قبلها قبلة أخيرة ليضمها بعدها إلي صدره تستند برأسها فوق صدره بينما هو يحيط خصرها ...
دقائق من الصمت بينهما لا أحد يتكلم يحاولان الخرج من فوضة المشاعر التي عصفت بهما قبل قليل

لكن مروان كان الاسرع و قطع هذا الصمت هاتفا :
_ رهف .. عايز أطلب منك طلب

أماءت برأسها دون كلام و شعر بها فتنهد هاتفا لها :
_ عايزك تيجي معايا بكره لبيت العيلة بتاعي .

رفعت نظرها له دون أن تنهض من احضانه هاتفه بتعجب شديد :
_ اي دااا أنت عندك بيت عيلة ؟؟ و أهل و كده ؟؟

رفع حاجبيه ينظر لها باستغراب هاتفا :
_ امال انتي فاكراني مقطوع من شجرة و لا ايه ؟؟

_ لا بس انت ساكن لوحدك في بيت كبير ، و عمرك ما جبت سيرة اودامي عن أهلك فافتكرتهم ماتو

_ لا عايشين ، و عزموني أنا و أنتي علي الغدا بكره

نظرت له بتعجب شديد هاتفه باستغراب :
_ أنا ؟؟ .. هو أنت حكيت لهم عني ؟

_ محكيتش أوي .. قولتلهم أني أتجوزتك و هما عايزين يقابلوكي و يشوفوكي .. لكن كل الي حصل بنا طبعا محدش يعرف عنه حاجه

اماءت بشدة بينما تهمس :
_ ايوه فهمت .. طب انت عندك أخوات ؟ .. يعني هنروح نقابل مين هناك ؟؟

_ هنروح نقابل عمو أيهم و عمتو نجمة .. دول الناس الي ربتني و كبرتني لحد ما وصلت لهنا .. و عندي أخت واحده بس اسمها شمس هتقابليها هي متحمسة جدا علشان تشوفك و سألتني عليكي كتير

اخجلت بشدة من سؤال احد عليها فهمس له :
_ سألت عليا أنا ؟؟

_ ااااه .. شمس طيبة و هتحبيها بسرعة .. و أخر حد هنشوفه هناك هو روهان ده ابن أيهم و نجمة

_ روهان ؟؟ اسمه غريب اوي !

نظر لها مروان بسخرية هامسا :
_ يعني هو رهف الي مش غريب ؟؟