استيقظت صفية صباح اليوم التالي و عندما لم تجد شهاب في المطبخ كعادته شعرت بالاحباط بالرغم من أنها من تجنبت الحديث معه في الليله الماضية ، بالرغم من غضبها الشديد من زيارة والدته و تبعاتها و غيابه طول اليوم الا آنها في داخلها كانت متمسكة بذلك الشعور ان شهاب كان هناك مجبراً لكن ذلك لم يمنعها أيضا من إبداء غضبها على أي حال .
دقائق ثم أطل شهاب عليها بالمطبخ بمظهر مُزري للغاية يرتدي كالعادة سترته الداخلية العلوية و البنطلون الچينز الذي خرج به بالأمس ، اجتاحتها مشاعر الذنب فور رؤيته :
"اعملك قهوة ولا شاي؟ " سألته باهتمام.
ابتسم نصف ابتسامة: " شكلي مأساوي لدرجة اني صعبت عليكي "
ابتلعت بصعوبة: " لا ابداً مم ، انا كدا كدا بعمل لنفسي فا قلت اعملك"
" اي حاجة من إيديك حلوة يا صفية ، انا هدخل بس اخد دش و اغير لو عملتي لي قهوة أكون في قمة السعادة " رغم دفئ حديثه الا ان وجهه كان يعلوه القلق و الاضطراب.
تحت قطرات المية الدافئة استرخي شهاب لمدة أكثر من االمعتادة يتذكر احداث الامس الثقيلة جداً في منزل والدته ....
(فلاش باك من اليوم الماضي)
" يعني ايه تروَّح على طول كدا ، انت بقالك شهرين مش عارفة اتكلم معاك كلمتين على بعض ، مش الجوازة الزفت تمت خلاص اهدى بأه شوية ، اخواتك كمان ولا يعرفو عنك حاجة استنى هنا اما نكلمهم"
اخذ نفساً عميقاً : " اخواتي ميعرفوش حاجة ازاي بس يا ماما اومال بترغو كل يوم بتقولو ايه "
" يا دعاااااء هاتيلي الكومبيوتر يلا و وصليه هنا"
جلس شهاب على غير رغبته كطفل مجبرا للذهاب للمدرسة صباحاً يشاهد دعاء و والدته
" روحي انتي يا دعاء حضري يلا عشا حلو وتقيل ، شهاب تعالى انت يلا اتصلي بيهم "" حاضر يا ماما شيري ولا شاهي الاول"
" الاتنين يا حبيبي هي جروب واحدة احنا فيها كلنا أهي "
" طيب مانتي بتعرفي أهو"
" آه يا حبيبي بعرف أحسن منك ، بس اعملي انت برضو اومال هتقعد تعمل ايه " و ربتت على ظهر كتفه.
نظر شهاب الي الشاشة التي أمامه ينتظر بدء الاتصال بالفيديو بأختيه شيريهان و شاهندا :
" الوقت مناسب دلوقتي ولا ايه الساعة عندهم ؟"
سمع على فور صوت إحداهما عبر الجهاز :
YOU ARE READING
صفية 🥀
Romance"أنا صفية عمري ٣٢ سنة عزباء أو عانس يعني تخطيت العمر الرسمي للزواج في مصر- بكام سنة كدا- مع إني مش وحشة اوي يعني بس مش راضية تظبط معايا .. دايما دايما بيحصل حاجة غلط عموما مش دي القصة خالص أنا أصلًا استلسمت من زمان جدا ... بطلت معافرة .. بطلت أجري...